ଜୀବନ ଗଲେ କଣ ସୁଧୁରିବ ? ଇଏ କି ନିଶା…ଛାତରୁ ପଡି ହସ୍ପିଟାଲ ଗଲେ, ହସ୍ପିଟାଲ ବେଡରେ ବି ଟିକଟକ କଲେ
କନକ ବ୍ୟୁରୋ: ମତେ ଯେତେ ମାଠିବୁ ମାଠ ମୁଁ ସେଇ ଦରପୋଡା କାଠ… ଏ ଯୁବକଙ୍କ ଦେଖିଲେ ଓଡିଆର ସେ ଢଗଢମାଳି ମନେ ପଡିଯାଉଛି । କାରଣ ଟିକଟକ କରୁକରୁ ଯୁବକ ଜଣଙ୍କ ଛାତରୁ ଗଳି ପଡିଲେ ଆଉ ହସ୍ପିଟାଲ ବି ଗଲେ, ହେଲେ ତଥାପି ଉତୁରିଲାନି ତାଙ୍କ ଟିକଟକ ନିଶା । ଟିକଟିକ ନିଶା ତାଙ୍କୁ ଏତେ ଘାରିଛି ଯେ, ସେ ସ୍ଥାନ କାଳ ପାତ୍ର କିଛି ମାନୁନାହାନ୍ତି । ଯେଉଁଠି ପାରୁଛନ୍ତି ସେଠି ଟିକଟକ କରୁଛନ୍ତି । ଏମିତିକି ହସ୍ପିଟାଲ ବେଡରେ ପଡି ବି ଟିକଟକ କରିବାକୁ ପଛାଉ ନାହାନ୍ତି । ଦେଖନ୍ତୁ ଗୁରୁତର ହେବା ପରେ ବି ସେ କେମତି କରୁଛନ୍ତି ଟିକଟକ ।
Kanak News is now on WhatsApp
Join and get latest news updates delivered to you via WhatsApp
ତେବେ ଦୁଇ ଦିନ ତଳେ ରାଉରକେଲା ଗୋଲଘର ବସ୍ତିର ଯୁବକ ଅନିଲ ଗୋଚ୍ଛାୟତ ଟିକଟକ କରୁଥିବା ବେଳେ ଛାତରୁ ଗଳି ପଡିଥିଲେ । ସେକ୍ଟର-୬ ଆରଏସପି କ୍ୱାର୍ଟର୍ସର ଏକ ଦୁଇ ମହଲା ଛାତରେ ଟିକଟିକ କରୁକରୁ ଖସି ପଡିଥିଲେ ଅନିଲ । ଆଉ ଗୁରୁତର ହେବା ପରେ ତାଙ୍କୁ ରାଉରକେଲା ଆଇଜିଏଚରେ ଭର୍ତ୍ତି କରାଯାଇଥିଲା । ମାତ୍ର ଏତେ ବଡ ଦୁର୍ଘଟଣା ଘଟିବା ପରେ ବି ସେ ସୁଧୁରି ନଥିଲେ ବରଂ ସେହି ହସ୍ପିଟାଲ ବେଡରେ ଟିକଟକ କରିଥିଲେ ।
ତେବେ ଏଭଳି ଘଟଣା ପରେ ଯୁବପିଢିଙ୍କୁ ନେଇ ଅନେକ ପ୍ରଶ୍ନ ଉଠୁଛି । ନିଜ ଜୀବନକୁ ବାଜିରେ ଲଗାଇ ଯୁବପିଢି କଣ ପାଇଁ ଏଭଳି କାମ କରୁଛନ୍ତି ? ଟିକଟକ କରିଦେଲେ କେହି କଣ ରାତାରାତି ଷ୍ଟାର ହୋଇଯିବ? ନା ଟିକଟକ ସେମାନଙ୍କୁ ନୂଆ ପରିଚୟ ଦେବ? ଜୀବନକୁ ବାଜିରେ ଲଗାଇ ଏଭଳି ଅଭିନୟ ନକରିବାକୁ ଯୁବପିଢିଙ୍କୁ ଅନୁରୋଧ ।