ମା’ର ଶ୍ରାଦ୍ଧବାର୍ଷିକୀରେ ଚାଲିଗଲା ପୁଅର ଜୀବନ । ଶୁଦ୍ଧି ହୋଇ ଫେରୁଥିବା ବେଳେ ଘଟିଲା ଛାତିଥରା ଦୁର୍ଘଟଣା ।
କନକ ବ୍ୟୁରୋ : ମା’ର ବର୍ଷିକିଆ କର୍ମ ସାରି ନଦୀ ତୁଠରୁ ଶୁଦ୍ଧି ହୋଇ ଘରକୁ ଫେରୁଥିବା ପୁଅର ଦୁର୍ଘଟଣାରେ ଜୀବନ ଯାଇଛି । ଦୁଇଟି ବାଇକ ମଧ୍ୟରେ ଧକ୍କା ହେବାରୁ ଏପରି ଦୁର୍ଘଟଣା ଘଟିଥିବା ବେଳେ ସ୍ଥାନୀୟ ଅଞ୍ଚଳରେ ଶୋକର ଛାୟା ଖେଳି ଯାଇଛି ।
Kanak News is now on WhatsApp
Join and get latest news updates delivered to you via WhatsApp
ସୂଚନା ଅନୁସାରେ ଯାଜପୁର ଜିଲ୍ଲା ବରୀ ଥାନା ଅଧିନ ମାଳଦା ଗ୍ରାମର ହରିହର ସାହୁ(୪୫) ଆଜି ନିଜ ମା’ଙ୍କ ପ୍ରଥମ ଶ୍ରାଦ୍ଧ ବାର୍ଷିକ ଥିବାରୁ ନିକଟ ନୂଆ ନଦୀରୁ ଶୁଦ୍ଧି ହୋଇ ଘରକୁ ଫେରୁଥିବା ବେଳେ ବାଟରେ ମୃତ୍ୟୁ କବଳରେ ପଡ଼ିଛନ୍ତି । ସେ ନିଜର ବାଇକ ଯୋଗେ କୁସୁମପଡ଼ିିଆ ନଦୀ ପଠାରୁ ବରୀ-ବରୁହାଁ ମୁଖ୍ୟ ରାସ୍ତାକୁ ଉଠୁଥିବା ବେଳେ ବିପରୀତ ଦିଗରୁ ଆସୁୁଥିବା ଏକ ବାଇକ୍ ତାଙ୍କୁ ଧକ୍କା ଦେଇଥିଲା । ଫଳରେ ହରିହର ସେଠାରେ ବାଇକରୁ ଛିଟିକି ପଡିଥିଲେ । ଅନ୍ୟ ବାଇକ ଆରୋହୀ ଜଣକ ଦ୍ରୁତ ବେଗରେ ମୋବାଇଲରେ କଥା ହୋଇଯାଉଥିବା ବେଳେ ସେ ମଧ୍ୟ ଦୁର୍ଘଟଣା ଘଟାଇବା ପରେ ଭାରସାମ୍ୟ ହରାଇ ତଳେ ପଡି ଯାଇଥିଲେ ।