ରାଜ୍ୟସଭାରେ ବିରୋଧୀଙ୍କ ହୋ ହାଲ୍ଲା ପ୍ରସଙ୍ଗ , ଭେଙ୍କିୟା ନାଇଡୁ କହିଲେ ଖୁବଶୀଘ୍ର କାର୍ଯ୍ୟାନୁଷ୍ଠାନ !
କନକ ବ୍ୟୁରୋ : ସଂସଦର ମୌସୁମୀ ଅଧିବେଶନରେ ପେଗାସସ୍, କୃଷି ଆଇନ ଓ ଦରବୃଦ୍ଧିକୁ ନେଇ ବିରୋଧୀମାନେ ପ୍ରବଳ ହୋ ହାଲ୍ଲା କରିଥିଲେ । ଏନେଇ ସଂସଦର ରାଜ୍ୟସଭାରେ ବିରୋଧୀଦଳର ସାଂସଦମାନେ ଅଧ୍ୟକ୍ଷଙ୍କ ସହ ସରକାରୀ ଦଳର ସାଂସଦମାନଙ୍କୁ ଅଶାଳୀନ ବ୍ୟବହାର କରିଥିବା ଅଭିଯୋଗ ହୋଇଛି । ଏନେଇ ଉଭୟ ସଂସଦକୁ ଅନିଶ୍ଚିତକାଳ ପାଇଁ ସ୍ଥଗିତ ରଖାଯିବା ସହ କିଛି ବିରୋଧୀ ସାଂସଦଙ୍କ ଉପରେ ଖୁବଶୀଘ୍ର କାର୍ଯ୍ୟାନୁଷ୍ଠାନ ହେବ ବୋଲି ଇଶାରା ଦେଇଛନ୍ତି ଉପରାଷ୍ଟ୍ରପତି ତଥା ରାଜ୍ୟସଭା ଅଧ୍ୟକ୍ଷ ଭେଙ୍କିୟା ନାଇଡୁ । ସେ କହିଛନ୍ତି କି ବାହାରର ରାଜନୈତିକ ଲଢେଇ ସଂସଦ ଭିତରେ ଲଢାଯିବା ଠିକ୍ ନୁହେଁ ।
Kanak News is now on WhatsApp
Join and get latest news updates delivered to you via WhatsApp
ଅଗଷ୍ଟ ୧୦ ଓ ୧୧ ତାରିଖରେ ରାଜ୍ୟସଭାରେ କିଛି ବିରୋଧୀ ସାଂସଦ ଜୋରଦାର ହଙ୍ଗାମା କରିଥିଲେ । କୃଷି ଆଇନକୁ ପ୍ରତ୍ୟାହାର କରିବା ଦାବିରେ ବିରୋଧୀ ସାଂସଦମାନେ ରାଜ୍ୟସଭାରେ ନିଯୁକ୍ତ ମାର୍ଶଲମାନଙ୍କ ସହ ହାତା ହାତି ହୋଇଥିଲେ । କେବଳ ସେତିକି ନୁହେଁ କିଛି ବିରୋଧୀ ସାଂସଦ ଅଧ୍ୟକ୍ଷଙ୍କ ଟେବୁଲ ଉପରେ ଚଢି କାଗଜ ଚିରି ଫୋପାଡି ଥିଲେ । ଏହାକୁ ନେଇ ଭାବୁକ ହୋଇପଡିଥିଲେ ଭେଙ୍କିୟା ନାଇଡୁ । ଅନ୍ୟପଟେ କଂଗ୍ରେସ ସାଂସଦ ରାହୁଲ ଗାନ୍ଧୀ ଅଭିଯୋଗ କରିଥିଲେ କି ସଂସଦ ଭିତରେ ବିରୋଧୀ ମାନଙ୍କୁ କହିବାର ସୁଯୋଗ ଦିଆଯାଉ ନାହିଁ ।
On the action being contemplated against some unruly scenes in the Rajya Sabha during the monsoon session, Chairman Naidu said that after detailed consideration, which is underway, an appropriate view would be taken at the earliest.
— ANI (@ANI) August 13, 2021
ବିରୋଧୀ ସାଂସଦଙ୍କ ଏଭଳି ଆଚରଣକୁ ନେଇ ଭେଙ୍କିୟା ନାଇଡୁ କହିଛନ୍ତି କି, ସଂସଦର ଟ୍ରେଜେରୀ ଓ ବିରୋଧୀ ଦୁଇଟି ଆଖିଭଳି । ତେଣୁ ସେ ଉଭୟଙ୍କୁ ସମାନ ଦୃଷ୍ଟିରେ ଦେଖୁଛନ୍ତି । ହେଲେ ବିରୋଧୀମାନେ ଯେଭଳି ଆଚରଣ କଲେ ତାହାକୁ ନେଇ ରାଜ୍ୟସଭା ତରଫରୁ ତୁରନ୍ତ ଏକ କମିଟି ଗଠନ କରାଯାଇ ପୁରା ଘଟଣାର ଅନୁସନ୍ଧାନ ହେବ ଓ ଆବଶ୍ୟକ ପଡିଲେ ସଂସଦ ଭିତରେ ଅଶାଳୀନ ଆଚରଣ କରିଥିବା ସାଂସଦମାନଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ।