ରାଷ୍ଟ୍ରପତିଙ୍କ ଚା ପାର୍ଟିରେ ଭାରତୀୟ ଅଲିମ୍ପିକ ଟିମ, ରାଷ୍ଟ୍ରପତି କହିଲେ ଭାରତୀୟଙ୍କ ପାଇଁ ଗର୍ବ ଓ ଗୌରବ
କନକ ବ୍ୟୁରୋ : ରାଷ୍ଟ୍ରପତି ରାମନାଥ କୋବିନ୍ଦଙ୍କ ତରଫରୁ ଶନିବାର ଦିନ ରାଷ୍ଟ୍ରପତି ଭବନର ସାଂସ୍କୃତିକ କେନ୍ଦ୍ରରେ ଭାରତୀୟ ଅଲିମ୍ପିକ ଟିମକୁ ସ୍ୱାଗତ କରିଛନ୍ତି । ଏନେଇ ପୂର୍ବରୁ ବି ରାଷ୍ଟ୍ରପତି ଭବନ ତରଫରୁ ସୂଚନା ଦିଆଯାଇଥିଲା । କହିରଖୁ କି ଟୋକିଓ ଅଲିମ୍ପିକ୍ସରେ ଭାରତ ପକ୍ଷରୁ ମଧ୍ୟ ଏକ ସ୍ୱର୍ଣ୍ଣ ପଦକ ହାସଲ କରାଯାଇଛି ।
Kanak News is now on WhatsApp
Join and get latest news updates delivered to you via WhatsApp
ସ୍ୱାଧୀନତା ଦିବସର ଗୋଟିଏ ଦିନ ପୂର୍ବରୁ ରାଷ୍ଟ୍ରପତି ରାମନାଥ କୋବିନ୍ଦ ରାଷ୍ଟ୍ରପତି ଭବନର ସାଂସ୍କୃତିକ କେନ୍ଦ୍ରରେ ଟୋକିଓ ଅଲିମ୍ପିକରେ ଭାଗ ନେଇଥିବା ସମସ୍ତ ଖେଳାଳୀଙ୍କ ସ୍ୱାଗତ କରିଛନ୍ତି । ଏହି ଅବସରରେ ଟୋକିଓ ଅଲିମ୍ପିକରେ ପଦକ ବିଜେତାମାନେ ବି ଯୋଗ ଦେଇଥିଲେ । ଏହି ଅବସରରେ ରାଷ୍ଟ୍ରପତି କହିଥିଲେ କି ପୁରା ଦେଶ ଆମ ଅଲିମ୍ପିୟାନ୍ସକୁ ନେଇ ଗର୍ବ, ସେମାନେ ଦେଶକୁ ଗୌରବାନ୍ୱିତ କରିଛନ୍ତି ।
ସେପଟେ ରାଷ୍ଟ୍ରପତି ଭବନ ଆସିବା ପୂର୍ବରୁ ସଶସ୍ତ୍ର ସୁରକ୍ଷା ବଳ (ଏସଏସବି) ଯବାନମାନେ ଟୋକିଓ ଅଲିମ୍ପିକ୍ସରେ ବ୍ରୋଞ୍ଜ ପଦକ ଜିତିଥିବା କୁସ୍ତିଯୋଦ୍ଧା ବଜରଙ୍ଗ ପୁନିଆଙ୍କ ସହ ସେଲ୍ଫି ନେଇଥିଲେ । ଏହି ଭିଡିଓ ଏବେ ସୋସିଆଲ ମିଡିଆରେ ବେସ୍ ଭାଇରାଲ ହେଉଛି ।
Delhi | President Ram Nath Kovind hosts the Olympics 2020 contingent over a ‘High Tea’ at the Rashtrapati Bhawan
“The entire country is proud of our Olympians for bringing glory to the nation,” he says.
(Source: DD News) pic.twitter.com/7gbnC9ISyN
— ANI (@ANI) August 14, 2021
କହିରଖୁ କି ଏଥର ଟୋକିଓ ଅଲିମ୍ପିକ୍ସ ଭାରତ ପାଇଁ ବେସ୍ ମହତ୍ୱପୂର୍ଣ୍ଣ ଥିଲା । ଭାରତ ଏଥର ଅଲିମ୍ପିକ୍ସ ଇତିହାସରେ ସବୁଠାରୁ ଅଧିକ ପଦକ ବିଜୟୀ ହୋଇଛି । ଭାରତୀୟ ନୀରଜ ଚୋପ୍ରା ଜାଭଲିନ ଥ୍ରୋରେ ସ୍ୱର୍ଣ୍ଣ ପଦକ ଜିତି ଇତିହାସ ରଚିଛନ୍ତି । ଏଥର ଟୋକିଓ ଅଲିମ୍ପିକ୍ସରେ ଭାରତ ମୋଟ ୭ ଟି ପଦକ ଜିତିଥିବା ବେଳେ ତନ୍ମଧ୍ୟରୁ ଗୋଟିଏ ସ୍ୱର୍ଣ୍ଣ, ଦୁଇଟି ରୋପ୍ୟ ଓ ୪ ଟି ବ୍ରୋଞ୍ଜ ପଦକ ରହିଛି ।