ପିରାମିଡ ବୁଲି ଦେଖିଲେ ପ୍ରଧାନମନ୍ତ୍ରୀ । ଆମେରିକା ପରେ ଇଜିପ୍ଟରେ ମୋଦୀଙ୍କୁ ଭବ୍ୟ ସ୍ୱାଗତ । ଗ୍ରେଟ୍ ପିରାମିଡ ଅଫ୍ ଗିଜା ଓ ଅଲ୍ ହାକିମ୍ ମସଜିଦ୍ ପରିଦର୍ଶନ
କନକ ବ୍ୟୁରୋ: ଇଜିପ୍ଟରେ ପିରାମିଡ ବୁଲି ଦେଖିଲେ ପ୍ରଧାନମନ୍ତ୍ରୀ ମୋଦୀ । ଆମେରିକା ପରେ ଇଜିପ୍ଟ ଗସ୍ତରେ ଥିବା ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ରବିବାର ଇଜିପ୍ଟର ରାଜଧାନୀ କାଇରୋ ବୁଲିଛନ୍ତିି । କାଇରୋରେ ଥିବା ପ୍ରସିଦ୍ଧ ‘ଗ୍ରେଟ୍ ପିରାମିଡ ଅଫ୍ ଗିଜା ବୁଲି ଦେଖିଛନ୍ତି ମୋଦୀ । ଉତ୍ତର ଇଜିପ୍ଟର ନୀଳ ନଦୀ କୂଳରେ ଥିବା ପିରାମିଡ ଅଫ୍ ଗିଜା ବୁଲିଛନ୍ତି ପ୍ରଧାନମନ୍ତ୍ରୀ । ଏଥିସହ କାଇରୋରେ ଥିବା ଏକାଦଶ ଶତାବ୍ଦୀର ଅଲ-ହାମିକ ସମଜିଦ୍ ବୁଲି ଦେଖଛନ୍ତି ପ୍ରଧାନମନ୍ତ୍ରୀ ମୋଦୀ ।
Kanak News is now on WhatsApp
Join and get latest news updates delivered to you via WhatsApp
ପ୍ରଥମ ଥର ପାଇଁ ଇଜିପ୍ଟ ଗସ୍ତରେ ଯାଇଥିବା ପ୍ରଧାନମନ୍ତ୍ରୀ ମୋଦୀ କାଇରୋ ବିମାନବନ୍ଦରରେ ପହଞ୍ଚିବା ପରେ ଇଜିପ୍ଟ ରାଷ୍ଟ୍ରପତି ତାଙ୍କୁ ସ୍ୱାଗତ କରିଥିଲେ । ଛୋଟପିଲା ମାନେ ହାତରେ ପତାକା ଧରି ପ୍ରଧାନମନ୍ତ୍ରୀଙ୍କ ନାଁକୁ ଉଚ୍ଚାରଣ କରୁଥିବାର ମଧ୍ୟ ଦେଖିବାକୁ ମିଳିଥିଲା । ସେହିପରି ପ୍ରଧାନମନ୍ତ୍ରୀ ପ୍ରବାସୀ ଭାରତୀୟଙ୍କ ସହ କଥାବାର୍ତା ହେବା ସହ ଫଟୋ ଉଠାଇଥିଲେ । ଇଜିପ୍ଟରେ ପହଞ୍ଚିିବା ପରେ ପ୍ରଧାନମନ୍ତ୍ରୀ ଇଜିପ୍ଟର ଶୀର୍ଷ ନେତା ତଥା ମନ୍ତ୍ରୀଙ୍କ ସହ ଆଲୋଚନା କରିଛନ୍ତି ।
୨ ଦେଶ ମଧ୍ୟରେ ବ୍ୟବସାୟିକ ସମ୍ପର୍କକୁ ମଜବୁତ କରିବା ଦିଗରେ ଉକ୍ତ ବୈଠକରେ ଆଲୋଚନା ହୋଇଛି । ବିଶେଷ କରି ସୁରକ୍ଷା ଏବଂ ରାଜନୈତିକ ସହଯୋଗିତା ନେଇ ଇଜିପ୍ଟ ରାଷ୍ଟ୍ରପତିଙ୍କ ସହ ଆଲୋଚନା ହୋଇଛି । ଗତ ୨୬ ବର୍ଷରେ ପ୍ରଥମ ଭାରତୀୟ ପ୍ରଧାନମନ୍ତ୍ରୀ ଭାବେ ମୋଦୀ ଇଜିପ୍ଟ ଗସ୍ତ କରିଛନ୍ତି । ଆସନ୍ତା ସେପ୍ଟେମ୍ବରରେ ଭାରତରେ ହେବାକୁ ଥିବା ଜି-୨୦ ସମ୍ମିଳନୀ ପାଇଁ ପ୍ରଧାନମନ୍ତ୍ରୀ ମୋଦୀ ଇଜିପ୍ଟ ରାଷ୍ଟ୍ରପତିଙ୍କୁ ନିମନ୍ତ୍ରଣ କରିଛନ୍ତି । ଇଜିପ୍ଟ ରାଷ୍ଟ୍ରପତି ମୋଦୀଙ୍କୁ ଇଜିପ୍ଟର ସର୍ବୋଚ୍ଚ ବେସାମରିକ ସମ୍ମାନ ‘ଅର୍ଡର ଅଫ ଦ ନିଲେ’ ସମ୍ମାନରେ ସମ୍ମାନିତ କରିଛନ୍ତିି । ଦୁଇ ଦେଶର ମୁଖ୍ୟଙ୍କ ମଧ୍ୟରେ ଏହି ଭେଟଘାଟ ଉଭୟ ଦେଶର ସମ୍ପର୍କକୁ ଆହୁରି ମଜଭୁତ କରିବ ବୋଲି କୁହାଯାଉଛି ।