ଜାତିସଂଘ ଶରଣରେ ପାକିସ୍ତାନ । ଭାରତକୁ ବୁଝାଇବା ପାଇଁ କଲା ଅନୁରୋଧ ।
ଏପଟେ ଭାରତକୁ ଧକମ ଆଉ ସେପଟେ ଭାରତ ସହିତ ଆଲୋଚନା ପାଇଁ ଜାତିସଂଘର ଶରଣ ଲୋଡ଼ିଛି ପାକସ୍ତାନ ।
କନକ ବ୍ୟୁରୋ: ପାକିସ୍ତାନର ଦୋ-ମୁହାଁ ନୀତି । ଏପଟେ ଭାରତକୁ ଧକମ ଆଉ ସେପଟେ ଭାରତ ସହିତ ଆଲୋଚନା ପାଇଁ ଜାତିସଂଘର ଶରଣ ଲୋଡ଼ିଛି ପାକସ୍ତାନ । ପୁଲୱାମା ଆତଙ୍କୀ ହମଲା ନେଇ ଭାରତର କୋଣ ଅନୁକୋଣରେ ତୀବ୍ର ପ୍ରତିକ୍ରିୟା ପ୍ରକାଶ ପାଉଛି । କେଉଁଠି ପାକିସ୍ତାନ ପତାକାକୁ ଜଳା ଯାଉଛି ତ କେଉଁଠି ପାକ ବିରୋଧୀ ନାରାରେ ପ୍ରତିବାଦ କରାଯାଉଛି । ଦେଶବ୍ୟାପୀ ପାକ୍ ବିରାଧୀ ଜଳୁଥିବା ନିଆଁକୁ ଲିଭାଇବା ପାଇଁ ଜାତିସଂଘ ହସ୍ତକ୍ଷେପ ଲୋଡ଼ିଛି ପାକିସ୍ତାନ ।
Kanak News is now on WhatsApp
Join and get latest news updates delivered to you via WhatsApp
ସୂଚନା ମୁତାବକ ପାକିସ୍ତାନ ବୈଦେଶୀକ ବ୍ୟାପାର ମନ୍ତ୍ରୀ ଶାହ ମହମ୍ମୁଦ କ୍ୟୁରେଶୀ ପୁଲୱାମା ଆତଙ୍କୀ ହମଲା ପରେ ଦୁଇ ଦେଶ ମଧ୍ୟରେ ବଢୁଥିବା ତିକ୍ତତାର ସମାଧାନ ପାଇଁ ଜାତିସଂଘକୁ ଚିଠି ଲେଖି ଅନୁରୋଧ କରିଛନ୍ତି । ଏବଂ କହିଛନ୍ତି ଯେ, ପାକିସ୍ତାନ ବିପକ୍ଷରେ ଭାରତ ଯେଉଁ ବଳ ପ୍ରୟୋଗ କରୁଛି, ତାହା ପାକିସ୍ତାନର ସୁରକ୍ଷା ସ୍ଥିତିକୁ ପ୍ରଭାବିତ କରୁଛି । ଏବଂ ଏହା ଆଗକୁ ବଡ଼ ରୂପ ନେଇପାରେ ବୋଲି ଆଶଙ୍କା କରାଯାଉଛି । ତେଣୁ ତୁରନ୍ତ ଏହି ପ୍ରସଙ୍ଗରେ ହସ୍ତକ୍ଷେପ କରି ଦୁଇ ଦେଶ ମଧ୍ୟରେ ଥିବା ସମସ୍ୟାର ସମାଧାନ କରିବାକୁ ଅନୁରୋଧ କରିଛି ପାକିସ୍ତାନ ।
ସେପଟେ ଗତ ୧୪ ତାରିଖରେ ଜମ୍ମୁ-କଶ୍ମୀର ପୁଲୱାମା ଠାରେ ଆତଙ୍କୀ ହମଲାରେ ଭାରତର ୪୦ରୁ ଉଦ୍ଧ୍ୱର୍ ଯବାନ ସହିଦ ହେବା ଘଟଣା ଭାରତ ଏବଂ ପାକିସ୍ତାନ ମଧ୍ୟରେ ବିବାଦ ଅଧିକ ତୀବ୍ର ହେବାରେ ଲାଗିଛି । ସବୁଠାରୁ ବଡ଼ କଥା ହେଲା ଯେ, କେନ୍ଦ୍ର ସରକାର ପାକିସ୍ତାନ ଉପରେ ପ୍ରତିଶୋଧ ନେବା ପାଇଁ ବିଭିନ୍ନ କାର୍ଯ୍ୟକ୍ରମରୁ ସମ୍ପର୍କ ତୁଟାଇ ଦେଇଛନ୍ତି । ଏବଂ ଆମ ଯବାନଙ୍କ ବଳିଦାନ ବ୍ୟର୍ଥ ଯିବନି ବୋଲି ବାରମ୍ବାର କହୁଛନ୍ତି କେନ୍ଦ୍ର ସରକାର ।
ଅନ୍ୟପଟେ ଏହାକୁ ନେଇ ପାକ୍ ପ୍ରଧାନମନ୍ତ୍ରୀ ଇମ୍ରାନ ଖାନ୍ ମୁହଁ ଖୋଲିଛନ୍ତି । ସବୁଥର ଭଳି ଏଥର ମଧ୍ୟ ମୁଣ୍ଡରୁ ଦୋଷ ଛଡ଼ାଇ ବାହାନା କାଢ଼ିଛି ପାକିସ୍ତାନ । ଏପରିକି ଯଦି ଭାରତ ପାକ୍ ଉପରେ ଆକ୍ରମଣ କରେ ତେବେ ପାକିସ୍ତାନ ଏହାର ଜବାବ ଦେବ ବୋଲି ନାଲି ଆଖି ଦେଖାଇଛି ପାକ୍ । ସେପଟେ ଦେଶରେ ଏବେ ଗୋଟିଏ ସ୍ୱର ପାକିସ୍ତାନକୁ ସାବାଡ଼ କର ।