ମୋଦିଙ୍କୁ ଭଗବାନ ଶ୍ରୀକୃଷ୍ଣଙ୍କ ସହ ତୁଳନା କଲେ ରାଜ୍ୟପାଳ ଗଣେଶୀ ଲାଲ! କହିଲେ, ଶ୍ରୀକୃଷ୍ଣଙ୍କ ପରେ ଶିବାଜୀଙ୍କ ଭଳି ମୋଦିଙ୍କ ପାଖରେ ରହିଛି ୩ଟି ବିଶେଷ ଗୁଣ, ଜାଣନ୍ତୁ କଣ ସେହି ୩ଟି ଗୁଣ
କନକ ବ୍ୟୁରୋ : ମୋଦିଙ୍କୁ ଭଗବାନ କୃଷ୍ଣଙ୍କ ସହ ତୁଳନା । ଆଉ ଏଭଳି ତୁଳନା କରିଛନ୍ତି ଓଡ଼ିଶାର ରାଜ୍ୟପାଳ ପ୍ରଫେସର ଗଣେଶୀ ଲାଲ । କେବଳ କୃଷ୍ଣ ନୁହେଁ, ଛତ୍ରପତି ଶିବାଜୀଙ୍କ ସହ ବି ମୋଦିଙ୍କୁ ତୁଳନା କରିଛନ୍ତି ରାଜ୍ୟପାଳ । ଭଗବାନ କୃଷ୍ଣଙ୍କ ପାଖରେ ଥିବା ତିନିଟି ଗୁଣ ଭାରତରେ ଯଦି ଆଉ କାହା ପାଖରେ ଦେଖିବାକୁ ମିଳିଥିଲା ସେ ଥିଲେ- ଛତ୍ରପତି ଶିବାଜୀ । ସେହି ତିନିଟି କଳା ହେଲା- ଭଲ ସଂଗଠକ, ଭଲ ସେନାପତି ଓ ଭଲ ପ୍ରଶାସକ ।
Kanak News is now on WhatsApp
Join and get latest news updates delivered to you via WhatsApp
ଛତ୍ରପତି ଶିବାଜୀଙ୍କର ୩୨୪ ବର୍ଷ ପରେ ଆଉ ଜଣେ ଯଦି ଏହି ତିନିଟି କଳାରେ ଶ୍ରେଷ୍ଠତ୍ୱ ଲାଭ କରିଛନ୍ତି ସେ ହେଲେ ଭାରତର ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ବୋଲି କହିଛନ୍ତି ରାଜ୍ୟପାଳ ଗଣେଶୀ ଲାଲ । ଆଜି ଭୁବନେଶ୍ୱରରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ପିଲାବେଳର କାହାଣୀକୁ ନେଇ ରଚିତ ୩୨ମିନିଟର ଫିଲ୍ମ “ଚଲୋ ଜିତେ ହେଁ’ର ସ୍ୱତନ୍ତ୍ର ପ୍ରଦର୍ଶନ ଦେଖିବା ପରେ ଏଭଳି କହିଛନ୍ତି ରାଜ୍ୟପାଳ ।
ସୋଆ ବିଶ୍ୱବିଦ୍ୟାଳୟରେ ଆୟୋଜିତ ଏକ ସ୍ୱତନ୍ତ୍ର ପ୍ରଦର୍ଶନ ଉତ୍ସବରେ ଯୋଗ ଦେବା ଅବସରରେ ରାଜ୍ୟପାଳ ପ୍ରଫେସର ଗଣେଶୀଲାଲ ଓ କେନ୍ଦ୍ର ତୈଳ ଓ ଦକ୍ଷତା ବିକାଶ ମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଫିଲ୍ମଟିକୁ ଦେଖିଥିଲେ । ସ୍ୱାମୀ ବିବେକାନନ୍ଦଙ୍କ ବାଣୀରେ ପ୍ରଭାବିତ ହୋଇ ବାଳକ ମୋଦି କିଭଳି ବଂଚିବାର ମାନେ ଖୋଜିଥିଲେ ତାହା ଫିଲ୍ମରେ ଦର୍ଶାଯାଇଛି । ଫିଲ୍ମରେ ମୋଦିଙ୍କ ଜନ୍ମସ୍ଥାନ ଗୁଜରାଟର ଭଡ଼ନଗର ସ୍କୁଲ, ତାଙ୍କ ବାପାଙ୍କ ସହ ଚା’ ବିକୁଥିବା ରେଳ ଷ୍ଟେସନକୁ ମଧ୍ୟ ସ୍ଥାନିତ କରାଯାଇଛି ।