ମାତ୍ର କିଛି ସେକେଣ୍ଡରେ ମିଳିପାରିବ କରୋନା ଟିକାର ସାର୍ଟିଫିକେଟ : ଏଣିକି ହ୍ୱାଟ୍ସଆପରୁ ଡାଉନଲୋଡ଼ କରିହେବ ଟିକାର ପ୍ରମାଣପତ୍ର
କନକ ବ୍ୟୁରୋ : ଏଣିକି କିଛି ସେକେଣ୍ଡ ଭିତରେ ମିଳିଯିବ କରୋନା ଟିକା ସାର୍ଟିଫିକେଟ୍ । ହ୍ୱାଟ୍ସଆପ୍ ମାଧ୍ୟମରେ ପାଇପାରିବେ ଟିକା ପ୍ରମାଣପତ୍ର । ଏ ନେଇ ସୂଚନା ଦେଇଛି କେନ୍ଦ୍ର ସ୍ୱାସ୍ଥ୍ୟ ମନ୍ତ୍ରାଳୟ । ରାଜ୍ୟ-ରାଜ୍ୟ ଭିତରେ ଗସ୍ତ, ବିଦେଶ ଗସ୍ତ ଓ ଅନ୍ୟାନ୍ୟ କ୍ଷେତ୍ରରେ କୋଭିଡ୍ ସାର୍ଟିଫିକେଟ ଆବଶ୍ୟକ ହେଉଥିବାରୁ, କିପରି ସହଜରେ ପ୍ରମାଣପତ୍ର ମିଳିବ, ଏ ନେଇ ପଦକ୍ଷେପ ନେଇଛି ସ୍ୱାସ୍ଥ୍ୟ ମନ୍ତ୍ରାଳୟ ।
Kanak News is now on WhatsApp
Join and get latest news updates delivered to you via WhatsApp
ଯେଉଁମାନେ ଏହି ପ୍ରମାଣପତ୍ର ଡାଉନଲୋଡ୍ କରିବାକୁ ଚାହୁଛନ୍ତି ସେମାନଙ୍କୁ ଗୋଟିଏ ଟେଲିଫୋନ ନମ୍ବରକୁ ହ୍ବାଟ୍ସଆପ୍ ମେସେଜ୍ ପଠାଇ ପାରିବେ। ଏଥିପାଇଁ ଫୋନରେ ପ୍ରଥମେ +୯୧ ୯୦୧୩୧୫୧୫୧୫ ସେଭ୍ କରିବାକୁ ହେବ। ଏହାପରେ covid certificate ଟାଇପ୍ କରି ପଠାଇବାକୁ ହେବ। ତାହାପରେ ଏକ ଓଟିପି ଆସିବ । ଓଟିପି ଏଣ୍ଟର କରିଲେ ମୁହୂର୍ତ୍ତକ ମଧ୍ୟରେ ପ୍ରମାଣପତ୍ର ମିଳିଯିବ ବୋଲି କେନ୍ଦ୍ର ସ୍ବାସ୍ଥ୍ୟ ମନ୍ତ୍ରାଳୟ ପକ୍ଷରୁ ଟ୍ବିଟ୍ କରାଯାଇଛି । ବିଭିନ୍ନ ମହଲରୁ ଏହାକୁ ସ୍ବାଗତ କରାଯାଇଛି । କେନ୍ଦ୍ର ସରକାରଙ୍କ ଏହି ପ୍ରୟାସକୁ ପ୍ରଶଂସା କରିଛନ୍ତି କଂଗ୍ରେସର ବରିଷ୍ଠ ନେତା ଶଶୀ ଥରୁର ।