ଫେଷ୍ଟିଭ୍ ସିଜିନରେ ମାର୍କେଟରେ ଲଂଚ ହେବ ନୂଆ କାର୍ ! ହ୍ୟୁଣ୍ଡାଇ, ଡାଟସନ୍, ଜିପ୍ କମ୍ପାସକୁ ଟକ୍କର ଦେବ ମହିନ୍ଦ୍ରା ଏସୟୁଭି ।
କନକ ବ୍ୟୁରୋ : ଆଗକୁ ଆସୁଛି ଫେଷ୍ଟିଭ୍ ସିଜିନ୍ । ଏହି ସମୟରେ ଘର ପାଇଁ ଏବଂ ନିଜ ପାଇଁ ନୂଆ ଉତ୍ପାଦ କିଣିଥାନ୍ତି ଗ୍ରାହକ । ଏସବୁକୁ ନଜରରେ ରଖି ବିଭିନ୍ନ କମ୍ପାନୀ ନିଜ ନିଜ ଉତ୍ପାଦ ଲଂଚ କରିବା ପାଇଁ ପ୍ରସ୍ତୁତି ଆରମ୍ଭ କରିସାରିଛନ୍ତି । ଏଇ ମୈାକାରେ କାର୍ ନିର୍ମାଣକାରୀ କମ୍ପାନୀଗୁଡିକ ମଧ୍ୟ ବଜାରରେ ନୂଆ ନୂଆ କାର୍ ଲଂଚ କରିବା ପାଇଁ ପ୍ରସ୍ତୁତ ହେଲେଣି । ଜାଣନ୍ତୁ ଏଇ ଫେଷ୍ଟିଭ୍ ସିଜିନ୍ ଅର୍ଥାତ୍ ପୂଜା ବଜାରରେ କେଉଁ ସବୁ କାର୍ ମାର୍କେଟରେ ନୂଆ ଆସିବାକୁ ଯାଉଛି ।
Kanak News is now on WhatsApp
Join and get latest news updates delivered to you via WhatsApp
ପ୍ରତିବର୍ଷ ପୂଜା ବଜାରରେ ଅଟୋମୋବାଇଲ କମ୍ପାନୀଗୁଡିକ ଲଂଚ କରନ୍ତି ନୂଆ କାର୍ । ଗ୍ରାହକଙ୍କ ଡିମାଣ୍ଡ, କାର୍ ଗୁଡିକର ଅପଡେଟେଡ୍ ଭର୍ସନ୍ ସହ ଅଫର୍, ଏସବୁ ସହ ବଜାରରେ ଲଂଚ ହୁଏ ନୂଆ କାର୍ । ଚଳିତ ବର୍ଷ ଏହି ପୂଜା ବଜାରରେ କେଉଁ ସବୁ କାର୍ ବଜାରରେ ଲଂଚ ହେବ ଆସନ୍ତୁ ଜାଣିବା ।
୧-ହ୍ୟୁଣ୍ଡାଇ :
ହ୍ୟୁଣ୍ଡାଇ ଏହାର ସେଂଟ୍ରୋ କାରର ଏକ ନୂଆ ମଡେଲ ବଜାରରେ ଲଂଚ କରିବ । ଏବଂ ଆସନ୍ତା ଅକ୍ଟୋବର ମାସ ୨୩ ତାରିଖରେ କମ୍ପାନୀ ଏହି କାର୍ ଲଂଚ କରିବା ନେଇ କୁହାଯାଉଛି । ଏହି କାରରେ ମଧ୍ୟ କିଛି ନୂଆ ଫିଚର ଥିବା ଶୁଣାଯାଉଥିବା ବେଳେ କମ୍ପାନୀ ସ୍ପଷ୍ଟ କରିଛି ଯେ ସେଂଟ୍ରୋର ଏହି ମଡେଲରେ ପ୍ରଥମଥର ପାଇଁ ଏଏମଟି ଗିଅରବକ୍ସ ରହିବ । ତେବେ ଏହି କାରର ଦାମ୍ ସାଢେ ୩ ଲକ୍ଷରୁ ସାଢେ ୫ ଲକ୍ଷ ଭିତରେ ହେବା କୁହାଯାଉଛି ।
୨-ଡାଟସନ୍ :
ଆସନ୍ତା ଅକ୍ଟୋବର ମାସରେ ବଜାରକୁ ଆସିପାରେ ଡାଟସନ୍ ଗୋ’ର ଅପଡେଟ୍ ମଡେଲ । ପୁରୁଣା ମଡେଲ ପରିବର୍ତେ ଗ୍ରାହକଙ୍କୁ ଏଥିରେ ନୂଆ ବମ୍ପର ଓ କସ୍ମେଟିକ୍ ଅପଡେଟ୍ ମିଳିବ । ଏହାର ଟପ୍ ମଡେଲରେ ଆଲଏ ହ୍ୱିଲ୍, ଟଚ୍ ସ୍କ୍ରିନ୍ ଇନଫୋଟେନମେଂଟ ସିଷ୍ଟମର ବ୍ୟବସ୍ଥା ରହିବ । ଏଥିରେ ୧.୨ ଲିଟର ୩-ସିଲିଣ୍ଡର ପେଟ୍ରୋଲ ଇଞ୍ଜିନ୍ ରହିବ । ଡାଟସନ୍ ଗୋର ଏହି ଅପଡେଟେଡ୍ ମଡେଲରେ ୫-ସ୍ପିଡ୍ ମାନୁଆଲ ଟ୍ରାନ୍ସମିଶନ୍ ରହିବ । ଏହା କାରର ଦାମ୍ ୩ ଲକ୍ଷରୁ ୫ ଲକ୍ଷ ମଧ୍ୟରେ ରହିବ ବୋଲି ଆଶା କରାଯାଉଛି ।
୩-ଜିପ୍ କମ୍ପାସ୍ :
ଜିପ୍ କମ୍ପାସର ଲିମିଟେଡ୍ ପ୍ଲ୍ସ୍ ଭାରିଆଂଟ ଅକ୍ଟୋବର ୧୯ତାରିଖରେ ଲଂଚ ହେବା ନେଇ ଆଶା କରାଯାଉଛି । ଏହି ନୂଆ ଭାରିଆଂଟରେ ୮.୪ ଇଂଚ ଟଚ୍ ସ୍କ୍ରିନ୍ ଇନଫୋଟେନମେଂଟ ସିଷ୍ଟମ୍, ୧୮ଇଂଚ ଆଲଏ ହ୍ୱିଲ୍ , ପାୱାର ଆଡଜଷ୍ଟେବଲ୍ ଡ୍ରାଇଭର୍, ପାସେଞ୍ଜର ସିଟ୍ ରହିବ । ଏହି କାର ୨ଲିଟର ଡିଜେଲ ଇଞ୍ଜିନ୍ ଓ ୬ସ୍ପିଡ୍ ମାନୁଆଲ୍ ଗିଅରବକ୍ସ ସହ ବଜାରରେ ଉପଲବ୍ଧ ହୋଇପାରେ । ଏଥିସହ ଏହାର ଅଲ୍ ବ୍ଲାକ୍ ଭର୍ସନ୍ ମଧ୍ୟ ଖୁବ୍ ଶୀଘ୍ର ଲଂଚ ହେବ ବୋଲି ଜଣାପଡିଛି । ତେବେ ଏହି ବ୍ଲାକ୍ ପ୍ୟାକର ଦାମ୍ ରେଗୁଲାର୍ ଭାରିଆଂଟର ମୂଲ୍ୟଠାରୁ ୪୦ରୁ୫୦ ହଜାର ଅଧିକ ହେବ । ଅକ୍ଟୋବର ଶେଷ ସୁଦ୍ଧା ଏହା ବଜାରରେ ଲଂଚ ହେବା କୁହାଯାଉଛି ।
୪-ମହିନ୍ଦ୍ରା :
ମହିନ୍ଦ୍ରା ନିଜର ଫ୍ଲାଗସିପ୍ ଏସୟୁଭି ଅକ୍ଟୋବର ୯ରେ ଲଂଚ କରିବା ନେଇ ଅନୁମାନ କରାଯାଉଛି । ଏକ୍ସୟୁଭି ୭୦୦ ନାଁରେ ଏହି ଏସୟୁଭି ସାଙ୍ଗୟୋଙ୍ଗ୍ ରେକ୍ସଟନ୍ ଜି୪ ଆଧାରରେ ନିର୍ମିତ । ଲଂଚ ହେବା ପରେ ଏହା ଟୟୋଟା ଫର୍ଚୁନର୍ ଏବଂ ଏନଡିଏଭୋରକୁ ଟକ୍କର ଦେବ । ଏକ୍ସୟୁଭି ୭୦୦ର ଦାମ୍ ପାଖାପାଖ୍ ୨୨ଲକ୍ଷ ଟଙ୍କା ହେବା ଅନୁମାନ କରାଯାଉଛି ।