ରାଜଧାନୀ ରାସ୍ତା କଡରେ ପଲିଥିନ ଭିତରୁ ମିଳିଲା କଅଁଳା ପୁଅ ! ବିଏମସି ସଫେଇ କର୍ମଚାରୀ କଲେ ଉଦ୍ଧାର
କନକ ବ୍ୟୁରୋ: ରାଜଧାନୀରେ ଅଭାବନୀୟ ଘଟଣା । ପଲିଥିନ ମୁଣି ଭିତରୁ ଉଦ୍ଧାର ହୋଇଛି ନବଜାତକ । ଏପରି ଘଟଣା ସାମ୍ନାକୁ ଆସିଛି ଭୁବନେଶ୍ୱର ସୈନିକସ୍କୁଲ ନିକଟସ୍ଥ ଗଭମେଂଟ କଲୋନୀ ଅଂଚଳରୁ । ଆଜି ସକାଳେ ବିଏମସିର ସଫେଇ କର୍ମଚାରୀ ମାନେ ଝାଡୁ କରୁଥିବା ବେଳେ ରାସ୍ତା କଡରେ ଏକ ଜରିମୁଣି ଦେଖିଥିଲେ । ଏହା ଭିତରେ ଏକ ନବଜାତ ଶିଶୁ ଥିବା ଦେଖିବାକୁ ପାଇଥିଲେ । ପରେ ଏନେଇ ସେମାନେ ସହିଦନଗର ଥାନାକୁ ଜଣାଇ ଥିଲେ ।
Kanak News is now on WhatsApp
Join and get latest news updates delivered to you via WhatsApp
ପୋଲିସ ଅଧିକାରୀ ଘଟଣାସ୍ଥଳରେ ପହଂଚିବା ପରେ ଶିଶୁକୁ ଉଦ୍ଧାର କରିବା ସହ ସ୍ଥାନୀୟ ଆପୋଲୋ ହସ୍ପିଟାଲରେ ଭର୍ତ୍ତି କରାଯାଇଥିଲା । ପରେ ସିଡବ୍ଲୁସି ଏନେଇ ହସ୍ତକ୍ଷେପ କରିବା ସହ ମାଗଣା ଚିକିତ୍ସା ଯୋଗାଇବାକୁ ଡାକ୍ତରଖାନାକୁ ନିର୍ଦ୍ଦେଶ ଦେଇଥିବା ଜଣାପଡିଛି । ସେପଟେ କମିଶନରେଟ ପୋଲିସ ଘଟଣାର ତଦନ୍ତ ଆରମ୍ଭ କରିଛି ।