କନକ ବ୍ୟୁରୋ : ବିଜେଡିର ଆଉ ଏକ ମାଷ୍ଟର ଷ୍ଟ୍ରୋକ୍ । ଟାର୍ଗେଟରେ ନିର୍ମାଣ ଶ୍ରମିକ । ନିର୍ମାଣ ଶ୍ରମିକଙ୍କୁ ଏଣିକି ମିିଳିବ ମାସିକ ପେନସନ । ୬୦ ବର୍ଷରୁ ଊଦ୍ଧ୍ୱର୍ ପଂଜୀକୃତ ଶ୍ରମିକଙ୍କୁ ମିଳିବ ମାସିକ ୩ ଶହ ଟଙ୍କା ଭତ୍ତା । ୮୦ ବର୍ଷରୁ ଊଦ୍ଧ୍ୱ ଶ୍ରମିକଙ୍କ ପାଇଁ ୫ ଶହ ଟଙ୍କା ଭତ୍ତା । ପୂର୍ବରୁ ନିର୍ମାଣ ଶ୍ରମିକଙ୍କ ପିଲାଙ୍କ ପଢ଼ା ପାଇଁ ସହାୟତା ମିଳୁଥିଲା । ସେହିଭଳି ପ୍ରସୂତୀକାଳୀନ ସହାୟତା, ଦୁରାରୋଗ୍ୟ ଚିକିତ୍ସା ସହ ପକ୍କା ଘର ପାଇଁ ବି ସହାୟତା ମିଳୁଥିଲା । ଏହି ଯୋଜନାକୁ ସଂପ୍ରସାରିତ କରାଯାଇ ଏବେ କୋଟିଏ ଶ୍ରମିକଙ୍କୁ ସାମିଲ କରିବା ପାଇଁ ଲକ୍ଷ୍ୟ ରଖିଛି ବୋର୍ଡ ।
Kanak News is now on WhatsApp
Join and get latest news updates delivered to you via WhatsApp
ଆଗକୁ ପଂଚାୟତ ନିର୍ବାଚନ ଆସୁଥିବା ବେଳେ ବିଜେଡି ସରକାର ଗୋଟିଏ ପରେ ଗୋଟିଏ ସାମାଜିକ କଲ୍ୟାଣ ଯୋଜନା ହାତକୁ ନେଉଛି ବୋଲି ଚର୍ଚ୍ଚା ହେଉଛି । ତେବେ ନିର୍ମାଣ ଶ୍ରମିକ ବୋର୍ଡ ସେସ୍ ବାବଦରେ କୋଠାବାଡ଼ି ମାଲିକଙ୍କଠାରୁ ହଜାରେ କୋଟିରୁ ଅଧିକ ଟଙ୍କା ସଂଗ୍ରହ କରିଥିବା ବେଳେ ୨୦୦ କୋଟି ଟଙ୍କା ବି ଖର୍ଚ୍ଚ କରିପାରିନାହିଁ ବୋଲି ଅଭିଯୋଗ କରିଛନ୍ତି ବିରୋଧୀ ।
ନିର୍ମାଣ ଶ୍ରମିକଙ୍କ ପଂଜୀକରଣରେ ଚଂଚକତା ରୋକିବା ସହ ଏହାର ସୁଫଳ ପ୍ରକୃତ ଶ୍ରମିକଙ୍କ ପାଖରେ ପହଂଚାଇବାରେ ସରକାର କେତେ ଦୂର ସଫଳ ହେଉଛନ୍ତି ତାହା ଦେଖିବାକୁ ହେବ ।
ଏହା ସହ ଦେଖନ୍ତୁ ଏହି ଭିଡିଓ –