କନକ ବ୍ୟୁରୋ : ନବନିର୍ମାଣ ଯୁବ ଛାତ୍ର ସଂଗଠନ ପକ୍ଷରୁ ଖୋର୍ଦ୍ଧା ଜିଲ୍ଲା ଜଟଣୀ ଉତରାୟଣୀ ମନ୍ଦିର ପରିସରରେ ଅନୁଷ୍ଠିତ ହୋଇଛି ଯୁବ ଛାତ୍ର ସମାବେଶ । ମୁଖ୍ୟ ଅତିଥି ଭାବେ ସମାବେଶରେ ଯୋଗ ଦେଇଥିଲେ ଶିଶୁ ସାହିତ୍ୟିକ ଦାଶ ବେନହୁର । ନବନିର୍ମାଣ କୃଷକ ସଂଗଠନର ରାଜ୍ୟ ଉପଦେଷ୍ଟା ସୌମ୍ୟରଂଜନ ପଟ୍ଟନାୟକ ମୁଖ୍ୟ ବକ୍ତା ଭାବେ ସାମିଲ ହୋଇଥିଲେ ।
Kanak News is now on WhatsApp
Join and get latest news updates delivered to you via WhatsApp
ନବନିର୍ମାଣ ଯୁବ ଛାତ୍ର ସଂଗଠନର ରାଜ୍ୟ ଆବାହକ ମହମଦ ମନ୍ୱର ଅଲ୍ଲୀଙ୍କ ସଭାପତିତ୍ୱରେ ଆୟୋଜିତ ଏହି ସମାବେଶରେ ନବନିର୍ମାଣ କୃଷକ ସଂଗଠନର ଆବାହକ ଶେଷଦେବ ନନ୍ଦ, କୃଷକ ନେତା ଉମାକାନ୍ତ ରାଉତ, ଦୁର୍ଗା ପ୍ରସାଦ ଦାସ, ନାରୀ ନେତ୍ରୀ ମଧୁମିତା ସାମଲ ଓ ନମିତା ପାଲ ଯୋଗ ଦେଇଥିଲେ । ନବନିର୍ମାଣ କୃଷକ ସଂଗଠନ ଓ ନବନିର୍ମାଣ ଯୁବ ଛାତ୍ର ସଂଗଠନର ମୁଖ୍ୟ ଉଦ୍ଦେଶ୍ୟ ସଂପର୍କରେ ଅତିଥିମାନେ ଆଲୋଚନା କରିଥିଲେ । ସମାବେଶରେ ଜିଲ୍ଲାର ବିଭିନ୍ନ କଲେଜରୁ ୩ ଶହରୁ ଉର୍ଦ୍ଧ୍ୱ ଛାତ୍ରଛାତ୍ରୀ ଓ ଯୁବକମାନେ ଯୋଗ ଦେଇଥିଲେ ।