ସମୁଦ୍ରରେ ବୁଡ଼ିଯିବ ଅନେକ ବଡ଼ ସହର ! ଜଳସ୍ତର ବଢିଲେ କ’ଣ ହେବ ସମସ୍ୟା ? ଜଳବାୟୁ ପରିବର୍ତ୍ତନ ଉପରେ ଜାତିସଂଘର ରିପୋର୍ଟକୁ ଚର୍ଚ୍ଚା
କନକ ବ୍ୟୁରୋ : ସମୁଦ୍ର ଗର୍ଭରେ ବିଲୀନ ହୋଇଯିବ ମୁମ୍ବାଇ ସମେତ ବିଶ୍ୱର ଅନେକ ବଡ ବଡ ସହର । କଥାଟି ବିଶ୍ୱାସ ହେଉନଥିଲେ ବି ଏହା ସତ । ଏନେ ଜାତିସଂଘ ପକ୍ଷରୁ ରିପୋର୍ଟ ପ୍ରକାଶ କରିଛି । ଜଳବାୟୁ ପରିବର୍ତ୍ତନ ଯୋଗୁ ପୃଥିବୀର ତାପମାତ୍ରା କ୍ରମଶଃ ବଢିବାରେ ଲାଗିଛି । ଯାହା ଫଳରେ ଏଭେରେଷ୍ଟ ଭଳି ବଡ ବଡ ବରଫ ପାହାଡ ତରଳିବା ସହ ସମୁଦ୍ରରେ ଜଳସ୍ତର ବୃଦ୍ଧି ପାଇବାରେ ଲାଗିଛି ।
![](https://cdn-icons-png.flaticon.com/512/2504/2504957.png)
Kanak News is now on WhatsApp
Join and get latest news updates delivered to you via WhatsApp
ସମୁଦ୍ରର ଜଳସ୍ତର ବଢିବା ଯୋଗୁ କିଛି ସହର ଏବେ ପାଣିରେ ମିଶି ଯାଇଥିବା ବେଳେ ଆଗାମୀ ଦିନରେ ଆଉ କିଛି ବଡ ବଡ ସହର ପାଣିରେ ବିଲୀନ ହୋଇଯିବ ବୋଲି ଆକଳନ କରିଛି ଜାତିସଂଘ । ଏଥିରେ ସବୁଠୁ ଅଧିକ ପ୍ରଭାବିତ ହେବେ ଭାରତ, ଚୀନ, ବାଂଲାଦେଶ ଓ ନେଦରଲାଣ୍ଡ୍ସ । ପ୍ରାୟ ୨୫ କୋଟିରୁ ୪୦ କୋଟି ଲୋକ ସେମାନଙ୍କ ବାସଗୃହ ହରାଇବେ ଏବଂ ପାୟ ୯୦ କୋଟି ଲୋକ ପ୍ରଭାବିତ ହେବେ ବୋଲି ରିପୋର୍ଟ ପ୍ରକାଶ କରିଛି ଜାତିସଂଘ । ଆଉ ଜାତିସଂଘ ଏଭଳି ରିପୋର୍ଟ ପରେ ସମୂଦ୍ରକୂଳରେ ଘର କରିଥିବା ଲୋକଙ୍କ ମନରେ ଛନକା ପଶିଯାଇଛି ।
ବୁଡିଯିବ ତଟବର୍ତ୍ତୀ ବଡ଼ ବଡ଼ ସହର !
– ସମୁଦ୍ର ଗର୍ଭରେ ବିଲିନ ହେବ ମୁମ୍ବାଇ ସମେତ ବିଶ୍ୱର ୭ ସହର
– ବୁଡ଼ିଯିବ ମୁମ୍ବାଇ, ବ୍ୟାଙ୍କକ୍, ଲଣ୍ଡନ, ସାଂଘାଇ, ନ୍ୟୁୟର୍କ, ବୁଏନସ୍ ଏୟାର୍ସ ସହର
– ୮୦ ବର୍ଷ ମଧ୍ୟରେ ବୁଡିଯିବ ଏସବୁ ସହର
– ଉପକୂଳବର୍ତ୍ତୀ ଅଞ୍ଚଳରେ ବାସ କରୁଥିବା ୯୦ କୋଟି ଲୋକେ ପ୍ରଭାବିତ ହେବେ
– ଧିରେ ଧିରେ ପୃଥିବୀର ତାପମାତ୍ରା ବଢୁଥିବାରୁ ଏଭଳି ସମସ୍ୟା ଦେଖାଯିବ
– ଭାରତ, ବାଂଲାଦେଶ, ଚୀନ, ନେଦରଲାଣ୍ଡ୍ସ ପ୍ରତି ରହିଛି ଅଧିକ ବିପଦ
– ତଟବର୍ତ୍ତୀ ଅଞ୍ଚଳର ୨୫ରୁ ୪୦ କୋଟି ଲୋକ ବାସଗୃହ ହରାଇବେ
– ହାରାହାରି ଜଳସ୍ତରଠୁ ତିନି ଗୁଣା ବଢିଛି ସମୁଦ୍ର ଜଳସ୍ତର
– ୧୯୦୦ ମସିହାରୁ ଦ୍ରୁତ ଗତିରେ ବଢୁଛି ଜଳସ୍ତର
– ଗତ ୩ ହଜାର ବର୍ଷ ମଧ୍ୟରେ ଏହା ଦ୍ରୁତତମ
– ଆଗୀମୀ ୧୦୦ ବର୍ଷରେ ନିଶ୍ଚିହ୍ନ ହୋଇଯିବ ଅନେକ ତଳିଆ ରାଷ୍ଟ୍ର
– ୨୦୫୦ ସୁଦ୍ଧା ତଳିଆ ଦେଶରେ ସମୂଦ୍ରର ଜଳସ୍ତର ଏକ ମିଟର ବଢିବ
– ଫିଜି, ଭାନୁଆଟୁ, ସୋମାଲୋମାନ ଦ୍ୱୀପରେ ଏହାର ପ୍ରଭାବ ଦେଖିବାକୁ ମିଳିଲାଣି
– ସେଠାକାର ଲୋକେ ଏବେ ଅନ୍ୟତ୍ର ପଳାୟନ କରୁଛନ୍ତି
ଜଳସ୍ତର ବଢିଲେ କ’ଣ ହେବ ସମସ୍ୟା ?
– ପ୍ରାୟ ୪୦ କୋଟି ଲୋକଙ୍କୁ ନୂଆ ଘର ସନ୍ଧାନ କରିବାକୁ ପଡିବ
– ସମଗ୍ର ବିଶ୍ୱରେ ଦେଖାଯିବ ଗଣପଳାୟନ
– କୃଷି, ମତ୍ସ୍ୟଚାଷ, ପର୍ଯ୍ୟଟନ କ୍ଷେତ ଅଧିକ ପ୍ରଭାବିତ ହେବ
– ନିଯୁକ୍ତି, ଅର୍ଥବ୍ୟସ୍ଥା ଗୁରୁତର ପ୍ରଭାବିତ ହେବ
– ପାନୀୟ ଜଳ, ଜମି ଓ ଅନ୍ୟାନ୍ୟ ସମ୍ବଳ ପାଇଁ ଦେଶ-ଦେଶ ମଧ୍ୟରେ ହେବ ପ୍ରତିନ୍ଦ୍ୱନ୍ଦିତା
– ସମୂଦ୍ରର ଜଳସ୍ତର ବଢିଲେ ଚାଡିଆଡେ ମାଡିଯିବ ଲୁଣାପାଣି
– ପ୍ରଭାବିତ ହେବ ଲକ୍ଷ ଲକ୍ଷ ହେକ୍ଟର ଚାଷଜମି
– ନୀଳ, ମେକୋଙ୍ଗ ଭଳି ବଡ ବଡ ନଦୀପାଶ୍ୱର୍ ଚାଷଜମି ଉର୍ବରତା ହରାଇବ
– ଜଳସ୍ତର ବୃଦ୍ଧି ଯୋଗୁ ନିରାପତା, ଆନ୍ତର୍ଜାତୀୟ ଆଇନ, ମାନବଅଧିକାର ପ୍ରଭାବିତ ହେବ
– ବଢୁଥିବା ସମୂଦ୍ରର ଜଳସ୍ତରକୁ ନେଇ ବିଶ୍ୱରେ ଅସ୍ଥରତା, ବିବାଦ ବଢୁଛି : ଜାତିସଂଘ
– ଜାତିସଂଘର ଦୁଇ ତୃତୀୟାଂଶ ସଦସ୍ୟ ରାଷ୍ଟ୍ର ଏଥିରେ ପ୍ରଭାବିତ ହେବେ