କନକ ବ୍ୟୁରୋ: ଯଦି ଆପଣ ସୋସିଆଲ ମିଡିଆରେ କିଛି ବି ପୋଷ୍ଟ କରୁଛନ୍ତି, ତାହାଲେ ସାବଧାନ ହୋଇଯାନ୍ତୁ । କାରଣ କେରଳ ହାଇକୋର୍ଟ ଏକ ମାମଲାର ଶୁଣାଣି କରି କହିଛନ୍ତି ଯେ, ଯଦି ସୋସିଆଲ ମିଡିଆରେ କିଛି ଅପମାନଜନକ ପୋଷ୍ଟ କରାଯାଉଛି ତେବେ ତାହାକୁ ଏସସି ଏସଟି ଧାରା ଅଧିନରେ ଏକ ଅପରାଧ ବୋଲି ବିବେଚନା କରାଯିବ । ପୋଷ୍ଟ କରିଥିବା ବ୍ୟକ୍ତିଙ୍କୁ ମଧ୍ୟ ସେହି ଅନୁସାରେ ଦଣ୍ଡ ବିଧାନ କରାଯିବ ।
![](https://cdn-icons-png.flaticon.com/512/2504/2504957.png)
Kanak News is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, ଜଣେ ୟୁଟ୍ୟୁବର ଏକ ଭିଡିଓରେ ଜଣେ ଏସଟି ସମ୍ପ୍ରଦାୟର ଜଣେ ମହିଳାଙ୍କ ବିରୋଧରେ କଥିତ ରୂପରେ ଅପମାନଜନକ ଟିପ୍ପଣୀ ଦେଇଥିଲେ । ଯାହାକୁ ନେଇ ତାଙ୍କ ବିରୋଧରେ ମାମଲା ଦାଏର ହୋଇଥିଲା । ହେଲେ ଗିରଫ ହେବା ଭୟରେ ୟୁଟ୍ୟୁବର ଜଣକ କୋର୍ଟରେ ଆଗୁଆ ଜାମିନ ୍ଆବେଦନ କରିଥିଲେ । ହେଲେ କୋର୍ଟ ଏହି ମାମଲାର ଶୁଣାଣି କରି ଆବେଦନକାରୀ ୟୁଟ୍ୟୁବରଙ୍କ ଅବେଦନକୁ ଖାରଜ କରିଛନ୍ତି ଏବଂ କହିଛନ୍ତି ଯେ, ସୋସିଆଲ ମିଡିଆରେ କୌଣସି ଅପତ୍ତିଜନକ ଟିପ୍ପଣୀ , ଏସସି ଏସଟି ବିରୋଧୀ ଅପରାଧ ସହ ସମାନ । ତେଣୁ ସାକ୍ଷାତକାରରେ ବ୍ୟକ୍ତି ଉପସ୍ଥିତ ଥାନ୍ତୁ ବା ନଥାନ୍ତୁ ହେଲେ କେବଳ ଟିପ୍ପଣୀ ଦେଲେ ବି ତାଙ୍କୁ ଏସସି ଏସଟି ବିରୋଧୀ ଧାରା ଅନ୍ତର୍ଗତ ବିଚାର କରାଯାଇ ଦଣ୍ଡ ବିଧାନ କରାଯିବ ବେଲି ସ୍ପଷ୍ଟ କରିଛନ୍ତି କୋର୍ଟ ।