ଲାଲଗଡରେ ଗରିଲା ଯୁଦ୍ଧର ପ୍ରସ୍ତୁତି ! ଆକ୍ରମଣ ପାଇଁ ମାଓବାଦୀଙ୍କ ବନ୍ଧୁକ ଚାଳନା ଅଭ୍ୟାସ, କନକ ନ୍ୟୁଜ ହାତରେ ଲାଗିଲା ନକ୍ସଲ ପ୍ରଶିକ୍ଷଣ ଶିବିରର ଏକ୍ସକ୍ଲୁସିଭ ଭିଡିଓ ।
କନକ ନ୍ୟୁଜ୍ : ଲାଲଗଡରେ ଚାଲିଛି ଗରିଲା ଯୁଦ୍ଧର ପ୍ରସ୍ତୁତି । କ୍ୟାମେରାରେ କଏଦ ହେଲା ଲାଲବାହିନୀଙ୍କ ଅସ୍ତ୍ରଶସ୍ତ୍ର ତାଲିମ ନେବାର ଦୃଶ୍ୟ । କନକ ନ୍ୟୁଜ ହାତରେ ଲାଗିଛି ମାଓବାଦୀଙ୍କ ବନ୍ଧୁକ ଚାଳନା ପ୍ରଶିକ୍ଷଣ ସମୟର ଏକ୍ସକ୍ଲୁସିଭ ଭିଜୁଆଲ୍ସ । ୬/୭ ଜଣ ନକ୍ସଲଙ୍କୁ ଜଣେ ମାଓବାଦୀ କମାଣ୍ଡର ରାଇଫଲ ସୁଟିଂର କଳା କୌଶଳ ଶିଖାଉଛନ୍ତି । ଅତ୍ୟାଧୁନିକ ଅସ୍ତ୍ରଶସ୍ତ୍ର ଧରି ମାଓବାଦୀ କିପରି ଯବାନଙ୍କୁ ଗରିଲା ଆକ୍ରମଣ କରିବେ ତାହା ଏବି ଭିଡିଓରେ ତାଲିମ ଦିଆଯାଉଥିବା ଦେଖିବାକୁ ମିଳିଛି ।
Kanak News is now on WhatsApp
Join and get latest news updates delivered to you via WhatsApp
ସୁକୁମା ନାଲକାଟୁଙ୍ଗ ଏନକାଉଂଟରରେ ୧୫ ଜଣ ମାଓବାଦୀ ନିହତ ହେବା ପରେ ଲାଲବାହିନୀ ତରଫରୁ ଏହି ଭିଡିଓ ଜାରି କରାଯାଇଛି । ଅତ୍ୟାଧୁନିକ ଶସ୍ତ୍ରରେ ସଜ୍ଜିତ ମାଓବାଦୀଙ୍କ ପ୍ରଶିକ୍ଷଣ ଭିଡିଓ ଜାରି କରି ଲାଲବାହିନୀ ନିଜ ଉପସ୍ଥିତି ଜାହିର କରିବାକୁ ଉଦ୍ୟମ କରୁଥିବା ବି ଅନୁମାନ କରାଯାଉଛି । ଏହା ସୂଚାଉଛି ମାଓବାଦୀମାନେ ପୁଣି ନିଜକୁ ସଂଗଠିତ କରୁଛନ୍ତି । କ୍ୟାଡର ମାଓବାଦୀଙ୍କୁ ଶସ୍ତ୍ର ଚାଳନାରେ ନିପୁଣ କରି ଏକ ବଡ ଧରଣର ହମଲା ପାଇଁ ସେମାନେ ନିଜକୁ ପ୍ରସ୍ତୁତି କରୁଛନ୍ତି । ତେବେ ଏହି ଭିଡିଓ କେଉଁ ସ୍ଥାନର, କେଉଁ ତାରିଖରେ ଭିଡିଓ ସୁଟ୍ ହୋଇଛି, ତାହା ସ୍ପଷ୍ଟ ଜଣା ପଡିନାହିଁ ।