ଧାନ ବସ୍ତା ରଖି ରାଜରାସ୍ତା ଅବରୋଧ କଲେ ଚାଷୀ : ମଣ୍ଡିରୁ ଧାନ ନଉଠିବା ପ୍ରତିବାଦରେ କୋକସରା ବିମଳ ଲଡୁଗାଁ ରାସ୍ତା ଅବରୋଧ
କନକ ବ୍ୟୁରୋ : ଧାନବସ୍ତା ରଖି ଚାଷୀଙ୍କ ଜାତୀୟ ରାଜପଥ ଅବରୋଧ । ଏଭଳି ଘଟଣା ଘଟିଛି କଳାହାଣ୍ଡି ଜୟପାଟଣା ବ୍ଲକ ବିମଳା ଧାନମଣ୍ଡିରେ । ମିଲର ଓ ଯୋଗାଣ ବିଭାଗର ଟାଳଟୁଳ ନୀତି ଯୋଗୁଁ ଏଠାରେ ଏକସପ୍ତାହ ହେଲା ଧାନ ଉଠିପାରୁନାହିଁ । ଫଳରେ ବାଧ୍ୟ ହୋଇ ଧାନ ଉଠାଇବା ଦାବିରେ ଚାଷୀମାନେ ବିମଳା ଲଡୁଗାଁ ରାସ୍ତା ଅବରୋଧ କରିଛନ୍ତି ।
![](https://cdn-icons-png.flaticon.com/512/2504/2504957.png)
Kanak News is now on WhatsApp
Join and get latest news updates delivered to you via WhatsApp
ବିମଳା ମଣ୍ଡିରେ ୩୩ ହଜାର କ୍ୱିଂଟାଲ ଧାନ ଉଠାଇବାକୁ ଟାର୍ଗେଟ ଥିବାବେଳେ ବର୍ତମାନ ସୁଦ୍ଧା ୧୭ ହଜାର ୨୪୫ କ୍ୱିଂଟାଲ ଧାନ ଉଠାଯାଇପାରିଛି । ବର୍ତମାନ ୩ହଜାର ୫ ଶହ କ୍ୱିଂଟାଲ ଧାନ ମଣ୍ଡିରେ ପଡିରହିଛି । ବର୍ତମାନ ସୁଦ୍ଧା ଏହି ସ୍ଥାନକୁ ମିଲର ଆସିନାହାନ୍ତି କି ପେକ୍ସ କର୍ମଚାରୀ ବି ଧାନ ଉଠାଇବା ନେଇ କୌଣସି ନିର୍ଦ୍ଦିଷ୍ଟ ସୂଚନା ଦେଉନାହାନ୍ତି । ଫଳରେ ଚାଷୀମାନେ ଏକଜୁଟ ହୋଇ ରାସ୍ତା ଅବରୋଧ କରିଛନ୍ତି ।