ମୃତ୍ୟୁକୁ ମାତ ଦେଲେ, ବିଶ୍ୱ ରେକର୍ଡ କଲେ । ଲୋକଙ୍କ ପାଇଁ ସୁପର ହୀରୋ ପାଲଟିଲେ ଶୋହାବ
କନକ ବ୍ୟୁରୋ : ବିଶ୍ୱ ରେକର୍ଡ ପାଇଁ ମଣିଷ କଣ ବା କରିନପାରେ… ନିଜର ଟ୍ୟାଲେଣ୍ଟ୍ ବଳରେ ବିଶ୍ୱ ରେକର୍ଡ କରିବାରେ ଅନେକ ଲୋକ ସଫଳ ହେଉଥିବା ନଜିର ଆମେ ଦେଖିଆସୁଛେ । ଆଉ କେତେକ ସ୍ଥାନରେ ଦେଖିବାକୁ ମିଳିଥାଏ କି, ପ୍ରାକୃତୀକ କାରଣ ପାଇଁ ମଧ୍ୟ ବିଶ୍ୱ ରେକର୍ଡ ବନିଯାଇଥାଏ । ଅର୍ଥାତ୍ କିଏ ସବୁଠୁ ଅଧିକ ଡେଙ୍ଗା ଏବଂ ଆଉ କିଏ ଦୁନିଆର ସବୁଠୁ ଛୋଟ ଲୋକ ହିସାବରେ ମଧ୍ୟ ବିଶ୍ୱ ରେକର୍ଡ ବନାଇପାରିଥାନ୍ତି । କିନ୍ତୁ ଏପରି ଜଣେ ବ୍ୟକ୍ତି ବିଶ୍ୱ ରେକର୍ଡ ତାଲିକାରେ ସାମିଲ ହୋଇଛନ୍ତି ତାଙ୍କ ବିଷୟରେ ଜାଣିଲେ ଆଶ୍ଚର୍ଯ୍ୟ ହୋଇଯିବେ ।
Kanak News is now on WhatsApp
Join and get latest news updates delivered to you via WhatsApp
ଶୋହାବ ଆଲମ ନାମକ ଜଣେ ବ୍ୟକ୍ତି ବିଶ୍ୱ ରେକର୍ଡ ସୃଷ୍ଟି କରିବା ପାଇଁ ନିଜ ଜୀବନକୁ ବାଜି ଲଗାଇଦେଇଛନ୍ତି । ହାତରେ ହାତ କଡି ପିନ୍ଧି ୧୧ କିମି ପହଁରି ନୂଆ ରେକର୍ଡ ସୃଷ୍ଟି କରିଛନ୍ତି । ନା ଥିଲା ବୁଡିଯିବାର ଭୟ, ନା ଥିଲା ମୃତ୍ୟୁର ଡର । ହାତରେ ହାତକଡି ପିନ୍ଧି ସବୁଠୁ ଅଧିକ କିମି ପହଁରି ସମସ୍ତଙ୍କୁ ଚକ୍କିତ କରିଦେଇଛନ୍ତି ଶୋହାବ ଆଲମ
ରିପୋର୍ଟ ଅନୁସାରେ, ଶୋହାବ ଆଲମ ଇଜିପ୍ଟର ବାସିନ୍ଦା । ତାଙ୍କର ବୟସ ୩୧ ବର୍ଷ । ଶୋହାବ ଆଲମ ବିଶ୍ୱ ରେକର୍ଡ କରିବା ପରେ ଲୋକେ ତାଙ୍କୁ ସୁପର ହୀରୋ ବୋଲି କହୁଛନ୍ତି । ତେବେ ଏନେଇ ଶୋହାବ କୁହନ୍ତି, ସାଧାରଣ ଲୋକଙ୍କ ପରି ବିନା ହାତ ବାନ୍ଧି ପହଁରିବାରେ କୌଣସି ଅସୁବିଧା ନାହିଁ । କିନ୍ତୁ ହାତରେ ହାତକଡି ପିନ୍ଧି ପହଁରିବା ଅତ୍ୟନ୍ତ କଷ୍ଟଦାୟକ ବ୍ୟାପାର ।