ହଜିଗଲା ମାନବିକତା ! ମୃତ୍ୟୁର ଦୁଇଦିନ ପରେ ବି ମାଲକାନଗିରି ନୂଆଗୁଡାରେ ଶବକୁ ମିଳିଲାନି କାନ୍ଧ
କନକ ବ୍ୟୁରୋ : ହଜିଗଲା ମାନବିକତା । ମିଳିଲାନି ଚାରି କାନ୍ଧ । ଦୁଇ ଦିନ ଧରି ପଡି ରହିଲା ମୃତଦେହ । ଏପରି ଅମାନବୀୟ ଘଟଣା ପୁଣି ଥରେ ଦେଖିବାକୁ ମିଳିଛି ମାଲକାନଗିରି ଜିଲ୍ଲାରେ । ଗୋବିନ୍ଦପାଲି ପଂଚାୟତ ନୂଆଗୁଡା ଗାଁରେ ଜଣେ ୭୫ ବର୍ଷୀୟ ବୃଦ୍ଧଙ୍କ ମୃତ୍ୟୁ ପରେ ତାଙ୍କୁ ମଶାଣି ନେବାକୁ କେହି ସହାୟତା କରିନଥିଲେ । ପେଟ ପାଟଣା ପାଇଁ ବୃଦ୍ଧ ଜଣକ ନର୍ଦ୍ଦମା ସଫା ସହ ଶବ ଦାହ କାମ କରୁଥିବାରୁ ତାଙ୍କୁ ବାସନ୍ଦ କରିଥିଲେ ଗ୍ରାମବାସୀ । ବୃଦ୍ଧଙ୍କ ପୁଅ ମଧ୍ୟ କିଛି ବର୍ଷ ତଳୁ ଆରପାରିକୁ ଚାଲି ଯାଇଥିଲେ ।
Kanak News is now on WhatsApp
Join and get latest news updates delivered to you via WhatsApp
ତେବେ ମୃତ୍ୟୁ ପରେ ବୃଦ୍ଧଙ୍କ ନାତି ଗ୍ରାମବାସୀଙ୍କୁ ନେହୁରା ହୋଇଥିଲେ ମଧ୍ୟ ମୃତଦେହକୁ ଶ୍ମସାନକୁ ନେବାପାଇଁ ଗାଁ ଲୋକେ ମନା କରିଥିଲେ । ଖାଲି ସେତିକି ନୁହେଁ, ଗାଁ ମଶାଣିରେ ବୃଦ୍ଧଙ୍କ ଶବଦାହ ପାଇଁ ଜାଗା ଦେବାକୁ ମନା କରିଥିଲେ । ମୃତଦେହକୁ ଶ୍ମସାନ ନେବା ପାଇଁ ପୁରୀରୁ ଅଭଡା ଆଣିବା ସହ ୩ ହଜାର ଟଙ୍କା ଜରିମାନା ଦାବିରେ ଅଡି ବସିଥିଲେ ଗ୍ରାମବାସୀ । ତେବେ ଶେଷରେ ୱାର୍ଡମେମ୍ବରଙ୍କ ବୁଝାସୁଝା ପରେ ଘଟଣାର ସମାଧାନ ହୋଇଥିବା ଜଣାପଡିଛି ।