ଟ୍ରାଫିକ୍ ନିୟମ ଭାଙ୍ଗଲେ । ଚାଲାନ୍ କାଟିବାକୁ କହିବାରୁ ନାଲି ଆଖି ଦେଖାଇଲେ ବିଧାୟକଙ୍କ ଝିଅ ।
କନକ ବ୍ୟୁରୋ: ବାପା ସତ୍ତାରେ ତେଣୁ ଝିଅର ନିଘା ନାହିଁ । ଏଭଳି କିଛି ଦୃଶ୍ୟ ଦେଖିବାକୁ ମିଳିଛି ବେଙ୍ଗାଳୁରୁରେ । ଏଠାରେ ଟ୍ରାଫିକ୍ ନିୟମ ଭାଙ୍ଗିବାକୁ ନେଇ ଚାଲାଣ କାଟିବାକୁ କହିବାରୁ ପୋଲିସ ସାଙ୍ଗରେ ମୁହାଁମୁହିଁ ହେଲେ ବିଧାୟକଙ୍କ ଝିଅ ।
Kanak News is now on WhatsApp
Join and get latest news updates delivered to you via WhatsApp
ପ୍ରକୃତ କଥା ହେଉଛି ବେଙ୍ଗାଳୁରୁ ବିଧାୟକ ଅରବିନ୍ଦ ନିମ୍ବାବଲିଙ୍କ ଝିଅ ଆଉ ପୋଲିସ ମଧ୍ୟରେ ମୁହାଁମୁହିଁ ପରିସ୍ଥିତି ଦେଖିବାକୁ ମିଳିଛି । ବିଧାୟକଙ୍କ ଝିଅ ନିଜ ବିଏମଡବ୍ଲୁ କାରରେ ଯାଉଥିବାବେଳ ଟ୍ରାଫିକ୍ ନିୟମ ଭାଙ୍ଗି ରେଡ୍ ଲାଇଟ୍କୁ ପାରି କରିଯାଇଥିଲେ । ନିୟମ ଭାଙ୍ଗି ସେ କାର ବେଲ୍ଟ ମଧ୍ୟ ବାନ୍ଧିନଥିଲେ । ଏହାପରେ ତାଙ୍କ କାରକୁ ଅଟକାଇ ପୋଲିସ ଚାଲାଣ କାଟିବାକୁ କହିଥିଲା । ହେଲେ ଏଥିପାଇଁ ରୋକଠୋକ୍ ମନା କରିଦେଇଥିଲେ ବିଧାୟକଙ୍କ ଝିଅ । ବରଂ ସେ ବିଧାୟକଙ୍କ ଝିଅ , ସେ କାହାକୁ ଡରନ୍ତି ନାହିଁ । ତାଙ୍କୁ ଠାରୁ ଚାଲାଣ କାଟିବାର ଅଧିକାର ପୋଲିସର ନାହିଁ ବୋଲି କହିଥିଲେ ଯୁବତୀ ।
ଏତିକିରେ କଥା ସରିନଥିଲା । ଖବର ସଂଗ୍ରହ ପାଇଁ ଯାଇଥିବା ଗଣମାଧ୍ୟମ ପ୍ରତିନିଧିଙ୍କୁ ମଧ୍ୟ ଖରାପ ବ୍ୟବହାର କରିଥିଲେ ଯୁବତୀ । ଅପ୍ରୀତିକର ପରିସ୍ଥିତିକୁ ଏଡେଇବାକୁ ଟ୍ରାଫିକ୍ ପୋଲିସ ୧୦ ହଜାର ଟଙ୍କାର ଚାଲାଣ କାଟି ଯୁବତୀଙ୍କ ହାତରେ ଧରେଇ ଦେଇଥିଲା । ଏହି ଘଟଣାକୁ ନେଇ ବିରୋଧୀ ମଧ୍ୟ ପ୍ରଶ୍ନ ଉଠାଇଛନ୍ତି ।