ଚର୍ଚ୍ଚାରେ ରାଣୀ ଜିନା ପ୍ରିୟଙ୍କା ଜେଠୀ : ବୁଲେଟ ଚଲାଇ ଦେଖାଉଛନ୍ତି ଦୁଃସାହସିକ ଷ୍ଟଣ୍ଟ
କନକ ବ୍ୟୁରୋ : ର୍ଚ୍ଚାରେ ବୁଲେଟ ରାଣୀ ଜିନା ପ୍ରିୟଙ୍କା ଜେଠୀ । ଫକୀରମୋହନ ବିଶ୍ୱବିଦ୍ୟାଳୟର ଇତିହାସ ବିଭାଗର ଆସିଷ୍ଟାଂଟ ପ୍ରଫେସର ହେଉଛନ୍ତି ଜିନା । ତେବେ ଜିନା ଫରମେସନ୍ ରାଇଡିଂ କରି ସମସ୍ତଙ୍କୁ ଚମକାଇ ଦେଇଛନ୍ତି । ଖାଲି ଫରେମେସନ ରାଇଡିଂ ନୁହେଁ ଜିନା ଅଗ୍ନିକୁଣ୍ଡଳୀ ମଧ୍ୟରେ ବୁଲେଟ୍ ଚଲାଇ ଦେଖାଉଛନ୍ତି ଦୁଃସାହାସିକ ଷ୍ଟଂଟ୍ ।
Kanak News is now on WhatsApp
Join and get latest news updates delivered to you via WhatsApp
ନିକଟରେ ବିଶ୍ୱବିଦ୍ୟାଳୟ ପକ୍ଷରୁ ଆୟୋଜିତ ବିଶ୍ୱ ମହିଳା ଦିବସ ଅବସରରେ ଜିନା ବିଶ୍ୱ ବିଦ୍ୟାଳୟର କିଛି ଛାତ୍ରୀଙ୍କୁ ପ୍ରଶିକ୍ଷଣ ଦେଇ ଫରମେସନ୍ ରାଇଡିଂ କରିଥିଲେ । ଯେଉଁଥିରେ ଜିନା ସଡ଼କ ସୁରକ୍ଷାକୁ ଗୁରୁତ୍ୱ ଦେଇ ହେଲମେଟ୍ ବ୍ୟବହାର ଓ ମହିଳା ବି ସବୁ କିଛି କରିପାରେ ବୋଲି ସଚେତନତାର ବାର୍ତ୍ତା ଦେଇଥିଲେ । ଏଭଳି ରାଇଡିଂ ବିଶ୍ୱବିଦ୍ୟାଳୟରେ ପ୍ରଥମ କରି ହୋଇଥିଲା । ଯାହାକୁ ବିଶ୍ୱବିଦ୍ୟାଳୟର ସମସ୍ତ ପ୍ରଫେସର, ଅଧ୍ୟାପକ, ଅଧ୍ୟାପିକା, ଛାତ୍ରଛାତ୍ରୀ ଓ କର୍ମଚାରୀ ମାନେ ପ୍ରଶଂସା କରିଥିଲେ ।
ଭୁବନେଶ୍ୱର ନୟାପଲ୍ଲୀ ଅଞ୍ଚଳର ଜଗବନ୍ଧୁ ଜେଠୀ ଓ ଅପନ୍ନା ଜେଠୀଙ୍କ ଝିଅ ହେଉଛନ୍ତି ଜିନା । କଲେଜ ସମୟରେ ଜିନା ଫରମେସନ୍ ରାଇଡିଂ କରିବା ସହିତ ଛାତ୍ରୀମାନଙ୍କ ଟିମର କମାଣ୍ଡର ଥିଲେ । ପ୍ରତିବର୍ଷ ରାଜ୍ୟ ପରେଡ଼ରେ ଜିନା ଛାତ୍ରୀମାନଙ୍କୁ ପ୍ରଶିକ୍ଷଣ ଦେଇ ବିଭିନ୍ନ ରାଇଡିଂ କରୁଥିଲେ । ପାଖାପାଖି ୬ରୁ ୭ ବର୍ଷ ପରେଡରେ ନିଜର କମାଲ ଦେଖାଇଛନ୍ତି ଜିନା । ଏଥିପାଇଁ ତାଙ୍କୁ ବିଭିନ୍ନ ଅନୁଷ୍ଠାନ ପକ୍ଷରୁ ସମ୍ମାନୀତ କରାଯାଇଛି ।