କନକ ବ୍ୟୁରୋ : ରାସ୍ତା ମରାମତି ପାଇଁ ବାରମ୍ବାର ପ୍ରଶାସନର ଦ୍ୱାରସ୍ଥ ହେବା ପରେ ମଧ୍ୟ କୌଣସି ସୁଫଳ ନ ମିଳିବାରୁ ବାଧ୍ୟ ହୋଇ ଲୋକେ ଜିଲ୍ଳାପାଳ ଅଫିସ ଘେରାଉ କରିଛନ୍ତି । ଯାଜପୁର ପଣସା ପଂଚାୟତର ବିନ୍ଧାଣ–ମୋଟରଂଗାପାଳ ରାସ୍ତାର ଅବସ୍ଥା ଶୋଚନୀୟ ହେବା ପ୍ରତିବାଦରେ ଲୋକେ ରାଜରାସ୍ତାକୁ ଓହ୍ଲାଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଏହି ରାସ୍ତା ଉପରେ ଆଖପାଖର ୫ରୁ ଉର୍ଦ୍ଧ ଗାଁ ନିର୍ଭର କରୁଥିଲେ ହେଁ ପ୍ରଶାସନ ପକ୍ଷରୁ କୌଣସି ପଦକ୍ଷେପ ନେଉନଥିବା ଅଭିଯୋଗ ହୋଇଛି । ଆଗାମୀ ଦିନରେ ଏହି ସମସ୍ୟାର ସମାଧାନ ନ ହେଲେ ଆନ୍ଦୋଳନକୁ ତୀବ୍ରତର କରାଯିବ ବୋଲି ଚେତାବନି ଦେଇଛନ୍ତି ଗ୍ରାମବାସୀ । ସେପଟେ ଏହି ସମସ୍ୟା ନେଇ ଅବଗତ ଅଛି ପ୍ରଶାସନ ଓ ଖୁବ ଶିଘ୍ର ଏହାର କାମ ଆରମ୍ଭ ହେବ ବୋଲି ଜିଲ୍ଳାପାଳ ପ୍ରତିଶ୍ର୍ରୁତି ଦେଇଛନ୍ତି ।