ଜୋର ଧରିଲା ଜଗମୋହନ ରାଜନୀତି : ବିଜେପି କହିଲା ଚିଠିରେ ସୀମିତ ରହିଛନ୍ତି ନବୀନ
ଭୁବନେଶ୍ୱର ବ୍ୟୁରୋ, କନକ ନ୍ୟୁଜ୍ : ପୁଣି ମୋଦି ସରକାର ଉପରେ ଅଙ୍ଗୁଳି ଉଠାଇଲେ ରାଜ୍ୟ ସରକାର । ଆଉ ପ୍ରସଙ୍ଗ ହେଉଛି ଜଗମୋହନ ମରାମତିର । ରାଜ୍ୟ ସଂସ୍କୃତି ମନ୍ତ୍ରୀ ଅଶୋକ କହିବା ଅନୁସାରେ, ଜଗମୋହନକୁ ସୁରକ୍ଷା ନ ମିଳିଲେ, ଉତ୍ତରଦାୟୀ କରିବ ଆଗମୀ ପୀଢି । ସେପଟେ ମୁଖ୍ୟମନ୍ତ୍ରୀଙ୍କ ଚିଠି ଲେଖି ଚୁପ୍ ବସୁଥିବା ପାଲଟା ଅଭିଯୋଗ କରିଛି ବିଜେପି । ଏପରିକି ଦିଲ୍ଲୀ ଗସ୍ତରେ ନବୀନ ଜଗମୋହନ ପ୍ରସଙ୍ଗ ଉଠାନ୍ତି ନାହଁ ବୋଲି କହିଛନ୍ତି ବିଜେପି ସଭାପତି । ହେଲେ ଜଗମୋହନର ସଙ୍କଟଜନକ ସ୍ଥିତି ପାଇଁ କେନ୍ଦ୍ର ଓ ରାଜ୍ୟ ସରକାରଙ୍କୁ ଦାୟୀ କରିଛି କଂଗ୍ରେସ ।
Kanak News is now on WhatsApp
Join and get latest news updates delivered to you via WhatsApp
ଶ୍ରୀମନ୍ଦିର କୋର କମିଟି କାର୍ଯ୍ୟକାରୀ ଅଧ୍ୟକ୍ଷ ପଦରୁ ଇସ୍ତଫା ଦେଇ ଚର୍ଚ୍ଚାରେ ଥିବା ଜିସି ମିତ୍ର କେନ୍ଦ୍ରୀୟ ଟିମର କାର୍ଯ୍ୟକାରିତା ଉପରେ ମୋହର ମାରିଛନ୍ତି । ଜଗନ୍ନାଥ ମନ୍ଦିର ଓ ଜଗମୋହନ ସହ ଯୋଡି ହୋଇ ରହିଛି କୋଟି କୋଟି ଜଗନ୍ନାଥ ପ୍ରେମୀଙ୍କ ଭାବନା । ଆଉ ଏହାକୁ ନେଇ ଏବେ ଆରମ୍ଭ ହୋଇଛି ରାଜନୀତି ।