କନକ ବ୍ୟୁରୋ: ବାହୁଡିବେ ଜଗା ବଳିଆ । ଜଗା ବଳିଆଙ୍କ ସ୍ୱାସ୍ଥ୍ୟରେ ଉନ୍ନତି ହୋଇଥିବାରୁ ଉଭୟ ଓଡିଶା ଫେରିବେ । ଜଗା ୯୮ ପ୍ରତିଶତ ସୁସ୍ଥ ହୋଇଥିବା ବେଳେ ବଳିଆ ୭୦ ପ୍ରତିଶତ ସୁସ୍ଥ ଅଛି । କେବେଳ ଉଭୟଙ୍କ ପାଇଁ ଡ୍ରେସିଂ ଆବଶ୍ୟକ । ଯେଉଁଟା କଟକ ଓ ଭୁବନେଶ୍ୱରରେ ବି ହୋଇପାରିବ । ଜଗା ବଳିଆଙ୍କୁ ଦିଲ୍ଲୀ ଏମ୍ସରୁ ଡିସଚାର୍ଜ ପାଇଁ ପ୍ରକ୍ରିୟା ଆରମ୍ଭ ହୋଇଛି । ଓଡିଶାର ୫ ଜଣିଆ ଡାକ୍ତରୀ ଦଳ ଏମ୍ସରେ ପହଚିଂଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଉଲ୍ଲେଖାଥାଉ କି, ନିକଟରେ ଏମ୍ସରେ ଚିକିତ୍ସାଧୀନ ଜଗାକୁ ସ୍ୱତନ୍ତ୍ର ହେଲମେଟ ପିନ୍ଧାଯାଇଥିଲା। ଖପୁରିକୁ ସୁରକ୍ଷିତ ରଖିବା ସହ ସଂକ୍ରମଣ ନହେବା ପାଇଁ ଏହି ହାଲୁକା ହେଲମେଟ ସ୍ୱତନ୍ତ୍ର ଭାବେ ତିଆରି କରାଯାଇଛି । ଅନ୍ୟପଟେ ଜଗା ବଳିଆ ସଂପୂର୍ଣ୍ଣ ସୁସ୍ଥ ନହେବା ପର୍ଯ୍ୟନ୍ତ ସେମାନଙ୍କୁ ଡ଼ିସଚାର୍ଜ ନକରିବା ପାଇଁ ବରିଷ୍ଠ ଆଇନଜୀବୀ ତଥା ମାନବଧୀକାର କର୍ମୀ ରାଧାକାନ୍ତ ତ୍ରିପାଠୀ ଜାତୀୟ ମାନବଧିକାର କମିସନ ଓ ଅନୁସୂଚିତ ଜନଜାତି କମିସନଙ୍କୁ ନିବେଦନ କରିଥିଲେ ।
ଏଭଳି ପରିସ୍ଥିତିରେ ଜଗା ବଳିଆଙ୍କୁ ଓଡ଼ିଶା ସ୍ଥାନାନ୍ତର କରାଗଲେ ତାଙ୍କ ସ୍ୱାସ୍ଥ୍ୟ ଅବସ୍ଥାରେ ଅବନତୀ ଘଟିବାର ଆଶଙ୍କା କରି ମେଡିକାଲ କର୍ତ୍ତୃପକ୍ଷ ସୂଚନା ଦେଇଥିଲେ । ତେବେ ଜଗା-ବଳିଆଙ୍କ ଚିକିତ୍ସା ପାଇଁ ଓଡ଼ିଶାରେ ଆବଶ୍ୟକ ଭିତିଭୂମି ଓ ସୁବିଧା ନାହିଁ ବୋଲି ଶ୍ରୀ ତ୍ରିପାଠୀ ତାଙ୍କ ପିଟିସନରେ ଉଲ୍ଲେଖ କରିଥିଲେ । କିନ୍ତୁ ଅନ୍ୟପଟେ ଦୁଇ ଶିଶୁଙ୍କୁ ଡ଼ିସଚାର୍ଜ କରାଯିବା ପ୍ରକିୟା ଆରମ୍ଭ ହୋଇଥିବା ମିଳିଥିବା ସୂଚନାରୁ ଜଣାଯଡିଥିଲା । ସ୍ୱାସ୍ଥ୍ୟମନ୍ତ୍ରୀ ପ୍ରତାପ ଜେନା ଓ କଟକ ଏସବିର ୫ ଜଣିଆ ଡ଼ାକ୍ତରୀ ଦଳ ନିକଟରେ ଦିଲ୍ଲୀ ଏମ୍ସ ଗସ୍ତ କରି ଦୁଇ ଶିଶୁଙ୍କ ସ୍ୱାସ୍ଥ୍ୟ ଅବସ୍ଥା ସଂର୍ପକରେ ଅନୁଧ୍ୟାନ କରିଥିଲେ । ତେବେ ଜଗା ବଳିଆଙ୍କୁ ଦିଲ୍ଲୀ ଏମ୍ସରୁ ଡିସଚାର୍ଜ ପାଇଁ ପ୍ରକ୍ରିୟା ଆରମ୍ଭ ହୋଇଛି । ଓଡିଶାର ୫ ଜଣିଆ ଡାକ୍ତରୀ ଦଳ ଏମ୍ସରେ ପହଚିଂଛନ୍ତି ।