ଚେନ୍ନାଇ ସୁପର କିଙ୍ଗସକୁ ବଡ ଝଟକା । ଆହତ ହୋଇ ଆଇପିଏଲରୁ ବାଦ୍ ପଡିଲେ ଏହି ଖେଳାଳି…
କନକ ବ୍ୟୁରୋ: ବିଶ୍ୱର ସବୁଠୁ ଧନୀ କ୍ରିକେଟ୍ ଲିଗ୍ ଆଇପିଏଲର ଆରମ୍ଭ ହେବାକୁ ଆଉ ଦିନ କେଇଟା ବାକି ଅଛି । ଏପରି ସମୟରେ ସବୁ ଦଳ ଏବେ ନିଜ ନିଜ ଖେଳାଳିଙ୍କ ଫିଟନେସକୁ ନେଇ ଚିନ୍ତାରେ ଅଛନ୍ତି । କିଛି ଖେଳାଳି ଏହାରି ଭିତରେ ଆହତ ହୋଇ ଦଳରୁ ବାଦ୍ ପଡିଥିବାବେଳେ, କିଛି ଖେଳାଳି ଆଇପିଏଲରେ ଏଥର ସାମିଲ ହେବେ କି ନାହିଁ, ତା ଏପର୍ଯ୍ୟନ୍ତ ଜଣାପଡିନି । ହେଲେ ଏହାରି ଭିତରେ ଆଇପିଏଲର ସଫଳ ଦଳ କୁହାଯାଉଥିବା ଚେନ୍ନାଇ ସୁପର କିଙ୍ଗସକୁ ଲାଗିଛି ବଡ ଝଟକା ।
Kanak News is now on WhatsApp
Join and get latest news updates delivered to you via WhatsApp
Coach Gary Stead gives an update following the first Test against England. Stead speaks on squad changes for the second Test and gives an update on Kyle Jamieson’s injury 🏏 #NZvENG pic.twitter.com/uv3VjkuUdK
— BLACKCAPS (@BLACKCAPS) February 19, 2023
ଚେନ୍ନାଇ ସୁପର କିଙ୍ଗସର ବିଦେଶୀ ବୋଲର ତଥା ନ୍ୟୁଜିଲାଣ୍ଡର ଖେଳାଳି କାଇଲ୍ ଜେମିସନ୍ ଫିଟନେସ୍ ଜନିତ ସମସ୍ୟା କାରଣରୁ ଆଇପିଏଲରୁ ବାଦ୍ ପଡିଛନ୍ତି । ତେବେ ନ୍ୟୁଜିଲାଣ୍ଡର ଏହି ଷ୍ଟାର ବୋଲର ୨୦୨୨ ମସିହା ଆଇପିଏଲରେ ଦମଦାର ପ୍ରଦର୍ଶନ କରିଥିଲେ । ଜେମସିନଙ୍କୁ ଚେନ୍ନାଇ ଏକ କୋଟି ଟଙ୍କା ଦେଇ କିଣିଥିଲା । ହେଲେ ଚଳିତ ବର୍ଷ କିନ୍ତୁ ଜେମିସନଙ୍କୁ ମିସ୍ କରିବ ଚେନ୍ନାଇ ସୁପର କିଙ୍ଗସ୍ ।
ନ୍ୟୁଜିଲାଣ୍ଡର ଏହି ବୋଲର ନିଜ ପିଠିରେ ସର୍ଜରୀ କରିବେ । ସର୍ଜରୀ କରିବା ପରେ ପାଖାପାଖି ତିନିରୁ ୪ ମାସ ସେ କ୍ରିକେଟଠାରୁ ଦୂରରେ ରହିବେ । ଗତ ବର୍ଷ ଜୁନ୍ ମାସରେ କାଇଲ୍ ଜେମିସନଙ୍କ ପିଠିରେ ଆଘାତ ଲାଗିଥିଲା । ତେବେ କିଛି ଦିନ ଦଳଠୁ ଦୂରେଇ ରହିବା ପରେ ଇଂଲଣ୍ଡ ବିପକ୍ଷ ପ୍ରଥମ ଟେଷ୍ଟରେ ସେ ଦଳକୁ ଫେରିବାର ଥିଲା । ହେଲେ ୱାର୍ମଅପ୍ ମ୍ୟାଚ୍ ସମୟରେ ହିଁ ତାଙ୍କ ଯନ୍ତ୍ରଣା ବଢିଥିବାରୁ, ତାଙ୍କର ପିଠିରେ ସର୍ଜରୀ ହେବା ନେଇ ସୂଚନା ମିଳିଛି ।