ହାର ମାନିଲେ ଇମ୍ରାନ ! କହିଲେ, ଏହି ପ୍ରସଙ୍ଗରେ ପାକିସ୍ତାନ ଠାରୁ ବହୁତ ଆଗରେ ଭାରତ ।
କନକ ବ୍ୟୁରୋ : ପାକିସ୍ତାନ ପ୍ରଧାନମନ୍ତ୍ରୀ ଇମ୍ରାନ ଖାନ୍ କୁଟନୈତିକ ପ୍ରସଙ୍ଗରେ ଶେଷରେ ଭାରତ ଆଗରେ ମୁଣ୍ଡ ନୁଆଁଇଛନ୍ତି । ଶନିବାର ଇମ୍ରାନ କହିଛନ୍ତି, କୁଟନୈତିକ ମାମଲାରେ ପାକିସ୍ତାନ ଠାରୁ ବହୁତ ଆଗରେ ରହିଛି ଭାରତ । ଆମେରିକାରେ ଭାରତର ବହୁତ ଶକ୍ତିଶାଳୀ ଲବି ରହିଛି, ଯାହାକି ପାକିସ୍ତାନ ବିରୋଧରେ ପ୍ରତିଟି ମାମଲାରେ ନିଜର ଏଜେଣ୍ଡାକୁ ସୁଦୃଢ କରିନିଏ ଭାରତ । ଭାରତର ପାକିସ୍ତାନକୁ ନେଇ ଯେଉଁ ଦୃଷ୍ଟିକୋଣ ରହିଛି, ତାହା ପାକିସ୍ତାନ ପାଇଁ ଆମେରିକାର ନୀତିକୁ ପ୍ରଭାବିତ କରିଥାଏ ।
Kanak News is now on WhatsApp
Join and get latest news updates delivered to you via WhatsApp
ଭାରତ ପାକିସ୍ତାନ ମଧ୍ୟରେ ଲାଗିରହିଥିବା ବିବାଦ ମଝିରେ ପାକ୍ ପ୍ରଧାନମନ୍ତ୍ରୀ ଇମ୍ରାନ ଖାନଙ୍କ ଏଭଳି ବୟାନକୁ ନେଇ ସୋସିଆଲ୍ ମିଡିଆରେ ମଧ୍ୟ ଚର୍ଚ୍ଚା ଜୋର ଧରିଛି । ଅନେକ ଇମ୍ରାନଙ୍କୁ ସମାଲୋଚନା କରୁଥିବା ବେଳେ ପାକିସ୍ତାନ ନିଜକୁ ଭାରତ ସହ ତୁଳନା କରିବାକୁ ଅଯୋଗ୍ୟ ବୋଲି କିଛି ଲୋକ ନିଜ ସୋସିଆଲ ସାଇଟରେ ଉଲ୍ଲେଖ କରିଛନ୍ତି ।