ବହୁରୂପି ଇମ୍ରାନ। ତାଲିବାନର ନମ୍ବର ଦୁଇ କମାଣ୍ଡରଙ୍କ ସହ ଇମ୍ରାନ ଖାଁଙ୍କ ଗୋପନ ଆଲୋଚନା, ଭାରତରେ ଆତଙ୍କବାଦୀ ଆକ୍ରମଣ ପାଇଁ ହେଉଛି କି ଷଡଯନ୍ତ୍ର?
ଗତ ଅଗଷ୍ଟ ୫ରେ ଭାରତ ସରକାର ଜମ୍ମୁ ଓ କଶ୍ମୀର ଉପରୁ ଧାରା ୩୭୦ ଉଠାଇବା ପରେ ଭାରତରେ ଅଧିକରୁ ଅଧିକ ଆତଙ୍କବାଦୀ ଆକ୍ରମଣ କରିବାକୁ ପାକିସ୍ତାନ ପ୍ରଧାନମନ୍ତ୍ରୀ ଇମ୍ରାନ ଖାଁ ଖୋଲା ଖୋଲି ଧମକ ଦେଇଛନ୍ତି । ପୂର୍ବରୁ ଭାରତରେ ଯେତେ ଆତଙ୍କବାଦୀ ଆକ୍ରମଣ ହୋଇଛି ପାକିସ୍ତାନ ତାହାକୁ ଅସ୍ୱୀକାର କରିଛି । କିନ୍ତୁ ଏଥର ଭାରତରେ ଆତଙ୍କବାଦୀ ଆକ୍ରମଣ କରିବାକୁ ପାକିସ୍ତାନ ଖୋଲାଖୋଲି ଧମକ ଦେଉଛି ।
Kanak News is now on WhatsApp
Join and get latest news updates delivered to you via WhatsApp
ଗତ ଗୁରୁବାର ଦିନ ଇମ୍ରାନ ଖାଁ ତାଲିବାନର ୨ୟ ସର୍ବୋଚ୍ଚ ନେତା ମୁଲ୍ଲା ଅବଦୁଲ ଗନି ବରାଦରକୁ ଭେଟିଛନ୍ତି । ପୂର୍ବରୁ କୌଣସି ପାକିସ୍ତାନୀ ନେତା କୌଣସି ଖୋଲାଖୋଲି ତାଲିବାନ କମାଣ୍ଡରଙ୍କୁ ଭେଟି ନଥିଲେ । କିନ୍ତୁ ତାଲିବାନ ସହିତ ଇମ୍ରାନଙ୍କ ଘନିଷ୍ଠ ସଂପର୍କ ଥିବା ସମସ୍ତେ ଜାଣିଛନ୍ତି । ଏଣୁ ଏହି ଭେଟକୁ ବିଶେଷଜ୍ଞମାନେ ବିଶେଷ ଗୁରୁତ୍ୱ ଦେଉଛନ୍ତି । ଏହି ଘଟଣା ଭାରତ ପାଇଁ ଏକ ସତର୍କ ଘଣ୍ଟି ବୋଲି ବିଶେଷଜ୍ଞମାନେ କହୁଛନ୍ତି । ଆଗକୁ ଭାରତରେ ଆତଙ୍କବାଦୀ ଆକ୍ରମଣ ଘଟଣା ବଢିପାରେ ବୋଲି ଆଶଙ୍କା କରାଯାଉଛି ।
ଏସବୁ ଭିତରେ ଭାରତର ରାଜଧାନୀ ଦିଲ୍ଲୀକୁ କିଛି ଆତଙ୍କବାଦୀ ଆସିଥିବାର ମଧ୍ୟ ସୂଚନା ମିଳିଛି । ତେଣୁ ଦିଲ୍ଲୀର ସୁରକ୍ଷା ବ୍ୟବସ୍ଥାକୁ କଡାକଡି କରାଯିବା ସହ ଜୋରଦାର ଯାଞ୍ଚ କରାଯାଉଛି ।