ଦ୍ରୋପଦୀ ମୁର୍ମୁଙ୍କୁ ନେଇ ମମତାଙ୍କ ବଡ଼ ବୟାନ, ‘ପୂର୍ବରୁ ପ୍ରାର୍ଥୀ ଘୋଷଣା କରିଥିଲେ ଦେଇଥାନ୍ତି ସମର୍ଥନ’
କନକ ବ୍ୟୁରୋ : ଓଡ଼ିଶାରୁ ରାଷ୍ଟ୍ରପତି ହୋଇଥିବା ଆଦିବାସୀ ମହିଳା ଦ୍ରୌପଦୀ ମୁର୍ମୁଙ୍କୁ ନେଇ ବଡ ବୟାନ ଦେଇଛନ୍ତି ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀ । ଯାହାକୁ ନେଇ ଏବେ ସାରା ଦେଶରେ ଚର୍ଚ୍ଚା ଆରମ୍ଭ ହୋଇଛି । ଯଦି ରାଷ୍ଟପ୍ରତି ନିର୍ବାଚନ ପାଇଁ ବିରୋଧୀଙ୍କ ପୂର୍ବରୁ ଏନଡିଏ ଦ୍ରୌପଦୀ ମୁର୍ମୁଙ୍କ ନାମ କରିଥାନ୍ତେ, ତେବେ ସେମାନେ ଏହା ଉପରେ ବିଚାର କରିଥାନ୍ତେ ବୋଲି କହିଛନ୍ତି ମମତା । ରଥଯାତ୍ରା ଅବସରରେ ଦ୍ରୌପଦୀ ମୁର୍ମୁଙ୍କୁ ପ୍ରସଂଶା ମଧ୍ୟ କରିଛନ୍ତି ମାମତା ବନାର୍ଜୀ । ଜୁନ୍ ୨୧ ରେ ଉଭୟ ମିଳିତ ବିରୋଧୀ ମେଂଟ ଏବଂ ଏନଡିଏ ପ୍ରାର୍ଥୀ ଘୋଷଣା କରିଥିଲେ ବି ପ୍ରଥମେ ପ୍ରାର୍ଥୀ ଘୋଷଣା କରିଥିଲେ ବିରୋଧୀ ।
Kanak News is now on WhatsApp
Join and get latest news updates delivered to you via WhatsApp
ବିଜେଡି, ଟିଆରଏସ୍, ଏଆଇଏଡିଏମକେ, ଅକାଳୀ ଭଳି ଆଂଚଳିତ ଦଳ ଏନଡିଏ ପ୍ରାର୍ଥୀ ଦ୍ରୌପଦୀ ମୁର୍ମୁକୁ ସମର୍ଥନ କରିଥିବାରୁ ସେ ଦେଶର ନୂଆ ରାଷ୍ଟ୍ରପତି ହେବା ଏକପ୍ରକାର ନିଶ୍ଚିତ ହୋଇସାରିଛି । ହେଲେ ବିଜେପି ପୂର୍ବରୁ ମୁର୍ମୁଙ୍କ ନାମ ଘୋଷଣା କରିଥଲେ ସେ ଏହା ଉପରେ ଚିନ୍ତା କରିଥାନ୍ତେ ବୋଲି କହିଛନ୍ତି ପଶ୍ଚିମବଙ୍ଗର ମୁଖ୍ୟମନ୍ତ୍ରୀ ମମତା ବାନାର୍ଜୀ । ମମତା କହିଛନ୍ତି, ମହାରାଷ୍ଟ ରାଜନୀତି ଯୋଗୁଁ ଦ୍ରୌପଦୀଙ୍କ ଜିତିବା ସୁଯୋଗ ଅଧିକ ହୋଇଯାଇଛି । ହେଲେ ଯଦି ବିଜେପି ଦ୍ରୋପଦୀ ମୁର୍ମୁଙ୍କ ନାମ ଘୋଷଣା ପୂର୍ବରୁ ଆମର ପରାମର୍ଶ ମାଗିଥାନ୍ତା, ତେବେ ଏହା ଉପରେ ବିଚାର କରିଥାନ୍ତୁ ବୋଲି ମମତା କହିଛନ୍ତି । ଆଉ ମାମତାଙ୍କ ଏଭଳି ବୟାନ ପରେ ଚର୍ଚ୍ଚା ଆରମ୍ଭ ହୋଇଯାଇଛି ।
ମମତାଙ୍କ କହିବା ଅନୁସାରେ ଯଦି ବିରୋଧୀ ରାଷ୍ଟ୍ରମତି ପ୍ରାର୍ଥୀ ଘୋଷଣା ପୂର୍ବରୁ ଏନଡିଏ ଦ୍ରୌପଦୀ ମୁର୍ମୁଙ୍କ ନାମ ଘୋଷଣା କରିଥାନ୍ତା, ତେବେ ୧୮ ବିରୋଧୀ ଦଳ ମଧ୍ୟରୁ କିଛି ଅବା ଅଧିକାଂଶ ଦଳ ମୁର୍ମୁଙ୍କୁ ସମର୍ଥନ କରିଥାନ୍ତେ । ଆଉ ରେକର୍ଡ ସଂଖ୍ୟକ ଭୋଟରେ ବିଜୟ ହୋଇଥାନ୍ତେ ମୁର୍ମୁ ।