କୃଷକଙ୍କ ପାଇଁ କସରତ । ୨୬ ସୁଦ୍ଧା ହିତାଧିକାରୀଙ୍କ ଆକାଉଣ୍ଟରେ ଜମା ହେବ ଟଙ୍କା, ସାରା ରାତି ଅନିଦ୍ରା ସରକାରୀ କର୍ମଚାରୀ ।
୨୬ ସୁଦ୍ଧା ହିତାଧିକାରୀଙ୍କ ଆକାଉଂଟରେ ଟଙ୍କା ଜମା ପାଇଁ ରହିଛି ଡେଡଲାଇନ୍
କନକ ବ୍ୟୁରୋ: ‘କାଳିଆ ପାଇଁ ରାତ୍ରି ଅନିଦ୍ରା’ । କାଳିଆ ଯୋଜନାରେ ଚାଷୀଙ୍କୁ ଅନ୍ତର୍ଭୁକ୍ତ କରିବା ପାଇଁ ଦିନ ରାତି ଏକ କରି କାମ କରୁଛନ୍ତି ସରକାରୀ କର୍ମଚାରୀ । ଏହାରି ଭିତରେ ପ୍ରଥମ ପର୍ଯ୍ୟାୟ ଆବେଦନ ପ୍ରକ୍ରିିୟା ଶେଷ ହୋଇଛି । ବାକି ଥିବା ଫର୍ମ ଗୁଡିକକୁ ଅନଲାଇନରେ ପଠାଇବା ପାଇଁ ଡାଟା ଏଂଟ୍ରି ଅପରେଟମାନେ ରାତି ତମାମ ଅନିଦ୍ରା ହୋଇ କାର୍ଯ୍ୟ କରୁଛନ୍ତି । ରାତ୍ରି ୧୧ଟାରେ ପୁରୀ ଜିଲ୍ଲା ଅସ୍ତରଙ୍ଗ ବ୍ଲକର କମ୍ପ୍ୟୁଟର ରୁମରେ ବହୁସଂଖ୍ୟାକ ଅପରେଟର କାର୍ଯ୍ୟରେ ଲାଗିଛନ୍ତି । ଏହି କାର୍ଯ୍ୟର ନେତୃତ୍ୱ ନେଉଛନ୍ତି ଅସ୍ତରଙ୍ଗ ବିଡିଓ ଅଶୋକ କୁମାର ଲେଙ୍କା । ତାଙ୍କୁ କାର୍ଯ୍ୟରେ ସହାୟତା କରୁଛନ୍ତି କୃଷି, ସମବାୟ ବିଭାଗର ପଦାଧିକାରୀ ।
Kanak News is now on WhatsApp
Join and get latest news updates delivered to you via WhatsApp
ଗତ କିଛି ଦିନ ପୂର୍ବେ କାଳିଆ ଯୋଜନାର ଆବେଦନ ତାରିଖ ବୃଦ୍ଧି କରିବା ସାଙ୍ଗକୁ ହିତାଧିକାରୀଙ୍କୁ ୨୬ ସୁଦ୍ଧା ପ୍ରଥମ ପର୍ଯ୍ୟାୟ ଟଙ୍କା ପହଁଚିବ ବୋଲି କହିଥିଲେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ରାଜ୍ୟର ୩୦ ଲକ୍ଷ ଚାଷୀଙ୍କୁ ଏହି ଯୋଜନାରେ ସାମିଲ ହୋଇ ଲାଭ ଉଠାଇ ପାରିବେ ବୋଲି ରାଜ୍ୟ ସରକାର ଲକ୍ଷ୍ୟ ରଖିଛନ୍ତି । ତେଣୁ ପ୍ରତି ବ୍ଲକର କାର୍ଯ୍ୟାଳୟରେ ରାତିସାରା ଅନିଦ୍ରା ହୋଇ ଏହି କାର୍ଯ୍ୟକୁ ସଫଳ କରାଇବା ପାଇଁ ଲାଗିପଡ଼ିଛନ୍ତି ସରକାରୀ ବାବୁ ।