ପୁରୀ : ବ୍ରହ୍ମଗିରିରେ ବିରଳ ‘ଫିସିଙ୍ଗ କ୍ୟାଟ’ ଉଦ୍ଧାର
କନକ ବ୍ୟୁରୋ: କୂଅରୁ ଉଦ୍ଧାର ହେଲା ବିରଳ ଫିସିଙ୍ଗ କ୍ୟାଟ୍ । ପୁରୀ ଜିଲ୍ଲା ବ୍ରହ୍ମଗିରିର ସୁନାମୁହିଁ ରାସ୍ତାରେ ଲୋକଙ୍କୁ ଆକ୍ରମଣ କରିବା ପାଇଁ ଉଦ୍ୟମ କରୁଥିବା ଏକ କୂଅରେ ପଡିଯାଇଥିଲା ଏହି ଫିସିଙ୍ଗ୍ କ୍ୟାଟ । ପରେ ଲୋକ ଏହାକୁ ଉଦ୍ଧାର କରି ବନ ବିଭାଗକୁ ହସ୍ତାନ୍ତର କରିଛନ୍ତି ସ୍ଥାନୀୟ ବାସିନ୍ଦା । ଏହୀ ବିଲୁପ୍ତ ପ୍ରାୟ ପ୍ରାଣୀ । ଏହି ଫିସିଂ କ୍ୟାଟ୍ ମଣିଷ ଛୁଆଁଙ୍କୁ ଉଠେଇ ନେଇ ଖାଇ ଦିଅନ୍ତି ।
Kanak News is now on WhatsApp
Join and get latest news updates delivered to you via WhatsApp
ମିଳିଥିବା ସୂଚନା ଅନୁଯାୟୀ, ଗତକାଲି ବିଳମ୍ବିତା ରାତିରେ ବ୍ରହ୍ମଗିରି ରେଞ୍ଜରେ ବିରଳ ଫିସିଙ୍ଗ କ୍ୟାଟ ପଥଚାରୀଙ୍କୁ ଆକ୍ରମଣ ଉଦ୍ୟମ କରିଥିଲା । ତେବେ ସୁନାମୁହିଁ-ବରକୁଦି ରାସ୍ତାର ମୋତି ଛକଠାରେ ଦୁଇ ଜଣ ପଥଚାରୀ ଗାଁକୁ ଫରୁଥିବା ବେଳେ ହଠାତ ବୁଦା ଭିତରୁ ଦୁଇଟି ‘ଫିସିଙ୍ଗ କ୍ୟାଟ’ ତାଙ୍କୁ ଆକ୍ରମଣ ପାଇଁ ଉଦ୍ୟମ କରିଥିଲେ । ପଥଚାରୀଙ୍କ ଚିତ୍କାର ଶୁଣି ପାଖରେ ଥିବା ଲୋକମାନେ ଦୌଡି ଆସିବାରୁ ମା’ ଫିସିଙ୍ଗ କ୍ୟାଟଟି ନିକଟସ୍ଥ ବୁଦା ଭିତରକୁ ପଳାଇଥିଲା ।
କିନ୍ତୁ ଛୁଆଟି ରହିଯାଇଥିଲା । ଲୋକମାନେ ଛୁଆକୁ ଉଦ୍ଧାର କରି ବ୍ରହ୍ମଗିରି ବନ ବିଭାଗକୁ ଖବର ଦେଇଥିଲେ । ଖବର ପାଇ ବନ ବିଭାଗ ଛୁଆକୁ ଉଦ୍ଧାର କରିବା ସହିତ ଏହା ଏକ ବିରଳ ‘ଫିସିଙ୍ଗ କ୍ୟାଟ’ ବୋଲି ସ୍ପଷ୍ଟ କରିଛି । ସାଧାରଣତଃ ଚିଲିକା ଉପକୂଳରେ ଏହି ବିରଳ ବନ୍ୟଜନ୍ତୁ ଦେଖାଯାଇଥାନ୍ତି ।