କାଶ୍ମୀରର ବଡଗାଁଓରେ ଏନକାଉଂଟର ! ଜଣେ ଆତଙ୍କବାଦୀ ମୃତ, ଏବେ ବି ସୁରକ୍ଷାକର୍ମୀ-ଆତଙ୍କାବଦୀଙ୍କ ମଧ୍ୟରେ ଚାଲିଛି ଗୁଳି ବିନିମୟ
କନକ ବ୍ୟୁରୋ: ଆଜି ସକାଳୁ ଜମ୍ମୁ-କାଶ୍ମୀରର ବଡଗାମ ଅଂଚଳରେ ସୁରକ୍ଷାବଳ ଓ ଆତଙ୍କବାଦୀଙ୍କ ମଧ୍ୟରେ ଜାରି ରହିଛି ଗୁଳି ବିନିମୟ । ସୁରକ୍ଷାବଳ ଗୁଳିମାଡରେ ଜଣେ ଆତଙ୍କବାଦୀଙ୍କୁ ନିହତ କରିଛନ୍ତି । ତେବେ ଏହି ଗୁଳି ବିନିମୟରେ ଜଣେ ଆତଙ୍କବାଦୀ ଆହତ ହୋଇଥିବା ଜଣାପଡିଛି । ଆତଙ୍କବାଦୀ ଲୁଚି ଥିବା ଖବର ମିଳିବା ପରେ ସେନା ପକ୍ଷରୁ ସର୍ଚ୍ଚ ଅପରେସନ କରାଯାଇଥିଲା । ତାପରେ ଆତଙ୍କବାଦୀଙ୍କୁ ଘେରି ଯାଇଥିଲା ସେନା । ତେବେ ନିହତ ହୋଇଥିବା ଆତଙ୍କବାଦୀ କେଉଁ ସଂଗଠନର ତାହା ସ୍ପଷ୍ଟ ହୋଇନାହିଁ ।
Kanak News is now on WhatsApp
Join and get latest news updates delivered to you via WhatsApp
ଉଲ୍ଲେଖ ଥାଉକି, ଗତକାଲି ଅନନ୍ତନାଗ ଅଂଚଳରେ ସୁରକ୍ଷା ବାହିନୀର ଏନକାଉଂଟରରେ ନିହତ ହୋଇଥିଲେ ଦୁଇ ଜଣ କୁଖ୍ୟାତ ଆତଙ୍କବାଦୀ । ଏହା ସହିତ ଆତଙ୍କବାଦୀଙ୍କ ନିକଟରୁ ବିପୁଳ ପରିମାଣରେ ଗୋଳାବାରୁଦ ଜବତ କରାଯାଇଥିଲା । ଶୁକ୍ରବାର ବିଳମ୍ବିତ ରାତିରେ ଅନନ୍ତନାଗ ଡୋରୁ ଅଂଚଳରେ ଆତଙ୍କବାଦୀ ଲୁଚି ରହିଥିବା ଖବର ପାଇଁ ସର୍ଚ୍ଚ ଅପରେସନ ଆରମ୍ଭ କରିଥିଲା ସେନା । ତାପରେ ଆତଙ୍କବାଦୀ ଓ ଯବାନଙ୍କ ମଧ୍ୟରେ ଗୁଳି ବିନିମୟ ହୋଇଥିଲା । ଆଇନଶୃଙ୍ଖଳା ପରିସ୍ଥିତିକୁ ଲକ୍ଷ୍ୟ କରି ଘାଟିରେ ଇଂଟରନେଟ ସରବରାହକୁ ବନ୍ଦ ରଖାଯାଇଛି । ଗତ ମଙ୍ଗଳବାର ଦିନ ପୁଂଚ ଅଂଚଳରେ ୩ଜଣ ଆତଙ୍କବାଦୀଙ୍କୁ ଏନକାଉଂଟର କରିଥିଲା ସେନା ।