ଏକ ବିରଳ ରୋଗରେ ଆକ୍ରାନ୍ତ ବଲିଉଡ ଅଭିନେତା ଇର୍ଫାନ ! ଟୁଇଟ୍ କରି କହିଲେ, ଲୋକଙ୍କ ଭଲ ପାଇବା ବଢାଇଛି ମନୋବଳ
ବଲିଉଡ୍ ଅଭିନେତା ଇର୍ଫାନ ଖାନ୍ ଏକ ବିରଳ ରୋଗରେ ପିଡିତ ହୋଇଛନ୍ତି । ନ୍ୟୁରୋ ଏଣ୍ଡୋକ୍ରାଇନ୍ ଟ୍ୟୁମରରେ ପିଡିତ ହୋଇଛନ୍ତି ଅଭିନେତା ଇର୍ଫାନ । ଯାହାର ଚିକିତ୍ସା ପାଇଁ ବିଦେଶ ଯିବେ ଇର୍ଫାନ ଖାନ୍ । ଅନ୍ୟପଟେ ତାଙ୍କର ଆଗାମୀ ସିନେମା ‘ବ୍ଲାକମେଲ୍’ ଏବେ ରିଲିଜ ଅପେକ୍ଷାରେ । ସ୍ୱାସ୍ଥ୍ୟଗତ ସମସ୍ୟା ପାଇଁ ସିନେମାର ପ୍ରମୋସନରେ ଯୋଗ ଦେଇ ପାରୁ ନାହାଁନ୍ତି ଇର୍ଫାନ । ଆଉ ତାଙ୍କ ବିନା ହିଁ ‘ବ୍ଲାକମେଲ୍’ ଏବେ ରିଲିଜ୍ ହେବା ପାଇଁ ପ୍ରସ୍ତୁତ ହେଉଛି ।
Kanak News is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, ଗତ କିଛି ଦିନ ତଳେ ନିଜର ଏକ ଟ୍ୱିଟ୍ ଜରିଆରେ ଫ୍ୟାନମାନଙ୍କୁ ଦୁଃଖିତ କରିଥିଲେ ଅଭିନେତା ଇର୍ଫାନ୍ ଖାନ୍ । ଟ୍ୱିଟ୍ ଜରିଆରେ ଇର୍ଫାନ ଲେଖିଥିଲେ ଏକ ବିରଳ ରୋଗରେ ପଡିତ ଅଛନ୍ତି ସେ । ଆଉ ୧୦ ଦିନ ପରେ ନିଜ ରୋଗ ବିଷୟରେ ଜଣାଇବେ । ଏବେ ନିଜ ରୋଗ ବିଷୟରେ ଫ୍ୟାନ୍ ମାନଙ୍କୁ ଜଣାଇବା ପାଇଁ ଟ୍ୱିଟ୍ କରିଛନ୍ତି ଇର୍ଫାନ । ତାଙ୍କ ରୋଗର ନାମ ରହିଛି ନ୍ୟୁରୋ ଏଣ୍ଡୋକ୍ରାଇନ୍ ଟ୍ୟୁମର୍ । ଯାହାର ଚିକିତ୍ସା ପାଇଁ ବିଦେଶକୁ ଯିବେ ବୋଲି ଇର୍ଫାନ ଜଣାଇଛନ୍ତି । ସେପଟେ ଇର୍ଫାନଙ୍କ ଦେହ ଖରାପ ହେବା ପରେ ତାଙ୍କ ଆଗାମି ସିନେମା ବ୍ଲାକମେଲର ପ୍ରମୋସନରେ ଯୋଗ ଦେଇ ପାରୁନାହାଁନ୍ତି । ସିନେମାଟି ଏକ ଡାର୍କ କମେଡି ଫଲ୍ମ ହୋଇଥିବାବେଳେ ସିନେମାରେ ମୁଖ୍ୟ ଭୂମିକାରେ ଅଛନ୍ତି ।
ତେବେ ଫିଲ୍ମର ଏକ ଗୀତ ଏବେ ରିଲିଜ୍ କରିଛନ୍ତି ଟିମ୍ ବ୍ଲାକମେଲ୍ । ଗୀତର ଟାଇଟେଲ୍ ରହିଛି ‘ବଦଲା’ । ଆଉ ଏହି ଗୀତରେ ଅଭିନେତା ଇର୍ଫାନ ନଜର ଆସିଛନ୍ତି । ଗୀତଟିରେ କଣ୍ଠଦାନ କରିଛନ୍ତି ଅମିତ ତ୍ରିବେଦୀ । ବଦଲା ସଙ୍ଗ ରିଲିଜ୍ ଅବସରରେ ବ୍ଲାକମେଲର ପୁରା ଟିମ ନଜର ଆସିଛନ୍ତି । ସଭିଏଁ ଇର୍ଫାନଙ୍କ ସ୍ୱାସ୍ଥ୍ୟକୁ ନେଇ ଚିନ୍ତିତ ଥିବା ଏହି ଅବସରରେ କହିଥିଲେ । ତେବେ ସିନେମାଟି ୬ ଏପ୍ରିଲରେ ପରଦାକୁ ଆସିବ ।