ତେଲେଙ୍ଗାନାରେ ପୋଲିସ-ମାଓବାଦୀ ଏନକାଉଂଟର ! ୮ ମାଓବାଦୀ ମୃତ, ବିପୁଳ ବନ୍ଧୁକ ଓ ମାଓ ସାମଗ୍ରୀ ଜବତ
କନକ ବ୍ୟୁରୋ: ଲାଲ ବାହୀନୀକୁ ଲାଗିଛି ଶକ୍ତ ଝଟକା । ତେଲେଙ୍ଗାନା ଭଦ୍ରାରୀରେ ସୁରକ୍ଷା ବାହିନୀ କରିଛନ୍ତି ଏନକାଉଂଟର । ନିଲାମଡ଼ଗୁ ଜଙ୍ଗଲରେ ପୁଲିସ-ମାଓବାଦୀ ଗୁଳିବିନିମୟରେ ୮ ମାଓବାଦୀଙ୍କର ମୃତ୍ୟୁ ହୋଇଛି । ଜନଶକ୍ତି ଦଳମର ୮ଜଣ ମାଓବାଦୀ ମରିଥିବା ଜଣାପଡ଼ିଛି । ଘଟଣାସ୍ଥଳରୁ ବନ୍ଧୁକ ଏବଂ ବିପୁଳ ପରିମାଣରେ ମାଓବାଦୀ ବ୍ୟବହାର କରୁଥିବା ସାମଗ୍ରୀ ଜବତ କରାଯାଇଛି ।
Kanak News is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, ଭଦ୍ରାଦି କୋଥାଗୁଡେମ୍ ଜିଲ୍ଲାର ମାମିଦିପାଲେମ୍ ଗ୍ରାମ ନିକଟସ୍ଥ ନେଲାମଡ଼ଗୁ ଜଙ୍ଗଲରେ ସୁରକ୍ଷାକର୍ମୀଙ୍କ ସହିତ ଗୁଳି ବିନିମୟ ସମୟରେ ଟେକୁଳାପାଲି ମଣ୍ଡଳର ୮ ଜଣ ନକ୍ସଲ ମୃତ୍ୟୁବରଣ କରିଛନ୍ତି। ମୃତ୍ୟୁବରଣ କରିଥିବା ନକ୍ସଲମାନେ ଚନ୍ଦ୍ର ପୁଲ୍ଲ ରେଡ୍ଡି ଗ୍ରୁପର ବୋଲି ଜଣାପଡ଼ିଛି ।
ଯଦିଓ ବର୍ତ୍ତମାନ ଚନ୍ଦ୍ରପୁଲ ରେଡ୍ଡୀ ଜୀବିତ ନାହାଁନ୍ତି, ମାତ୍ର ତାଙ୍କ ନାମରେ ଗଠିତ ଓ ଜଣାଶୁଣା ସିପି ଗ୍ରୁପ ତେଲେଙ୍ଗାନାରେ ବେଶ୍ ସକ୍ରୀୟ ରହିଛି । ଏହି ଗ୍ରୁପର ମୁଖ୍ୟ ବର୍ତ୍ତମାନ ତେଲେଙ୍ଗାନା ଜେଲରେ ବନ୍ଦ ଅଛନ୍ତି । ନିକଟରେ ଏହି ଗ୍ରୁପର କେତେ ଜଣ ସଦସ୍ୟଙ୍କୁ ପୁଲିସ ଗିରଫ କରିଥିଲା।