ହୀରା ବ୍ୟବସାୟୀଙ୍କ ବଦାନ୍ୟତା ! ୨୬୧ ବେସାହାର ଝିଅଙ୍କ ବିବାହ କରାଇବେ ମହେଶଭାଇ ସଓ୍ଵାନୀ
ଆଜିକାଲି ଦୁନିଆରେ ଲୋକମାନେ ଟଙ୍କା ପଛରେ ଦୌଡୁଛନ୍ତି । ଟଙ୍କା ପାଇଁ କିଛି ବି କରିବା ପାଇଁ ପଛାଉ ନାହାନ୍ତି । କିନ୍ତୁ କିଛି ଏପରି ଲୋକ ଥାଆନ୍ତି ତାଙ୍କ ନିସ୍ୱାର୍ଥପରତା ପାଇଁ ସେମାନେ ପରିଚିତ ହୋଇଯାଆନ୍ତି । ସେମାନଙ୍କ ମଧ୍ୟରୁ ଜଣେ ହେଉଛନ୍ତି ହୀରା ବ୍ୟବସାୟୀ ମହେଶଭାଇ ସଓ୍ଵାନୀ । ନିରାଶ୍ରୟା ଯୁବତୀମାନଙ୍କୁ ନିଜ ଝିଅ ବୋଲି ଭାବିବା ସହ ହୀରା ବ୍ୟବସାୟୀ ମହେଶଭାଇ ସଓ୍ଵାନୀ ଡ଼ିସେମ୍ବର ୨୩ରେ ୨୬୧ଜଣ ନିରାଶ୍ରୟା ଯୁବତୀଙ୍କ କନ୍ୟାଦାନ କରିବା ପାଇଁ ଯାଉଛନ୍ତି । ୨୬୧ଜଣଙ୍କ ମଧ୍ୟରେ ୬ଜଣ ମୁସଲମାନ୍ ଏବଂ ୩ଜଣ ଇସାଇ ଯୁବତୀ ଥିବା ଜଣା ପଡ଼ିଛି । ଏହା ପ୍ରଥମ ନୁହେଁ, ଗତ ୯ବର୍ଷ ମଧ୍ୟରେ ସେ ୨,୮୬୬ ନିରାଶ୍ରୟା ଯୁବତୀମାନଙ୍କର କନ୍ୟାଦାନ କରି ସାରିଥିବା ଜଣା ପଡ଼ିଛି । ଯାହାକୁ ନେଇ ଏବେ ଚର୍ଚ୍ଚା ଆରମ୍ଭ ହୋଇଛି ।
Kanak News is now on WhatsApp
Join and get latest news updates delivered to you via WhatsApp
ହୀରା ବ୍ୟବସାୟୀ ମହେଶଭାଇ ସଓ୍ଵାନୀଙ୍କ କହିବା ଅନୁଯାୟୀ, ବିବାହ କରିବା ପରେ ମଧ୍ୟ ସେମାନଙ୍କ ସବୁ ଦାୟିତ୍ୱ ମୁଁ ନେଇଥାଏ । ତାଙ୍କର ଯାହା ବି ଦରକାର ସବୁ ମୁଁ ପୂରା କରିବା ପାଇଁ ଚେଷ୍ଟା କରିଥାଏ । ସେମାନଙ୍କ ପିଲାଙ୍କ ଜନ୍ମଠାରୁ ଆରମ୍ଭ କରି ପାଠ ପଢ଼ା, ଚିକିତ୍ସା ଏବଂ ପୋଷାକ ପିନ୍ଧିବା ପର୍ଯ୍ୟନ୍ତ ଯେତିକି ସମ୍ଭବ ମୁଁ କରିଥାଏ । ଏହା ସହ ସବୁ ସରକାରୀ ଯୋଜନାର ଲାଭ ସେମାନେ କେମିତି ନେବେ ସେ ନେଇ ମଧ୍ୟ ମୁଁ ଚେଷ୍ଟା ଜାରି ରଖିଥାଏ । ଏହା ସେମାନଙ୍କ ବରମାନଙ୍କୁ ରୋଜଗାର କ୍ଷମ କରିବା ପାଇଁ ମୁଁ ଚେଷ୍ଟା ଜାରି ରଖିଥାଏ ବୋଲି ସେ କହିଛନ୍ତି ।