ମିଛ ଡାକ୍ତର ରମେଶ ସ୍ୱାଇଁଙ୍କ କେନ୍ଦ୍ରାପଡା ସ୍ଥିତ ବାସଭବନରେ ଚଢାଉ : ଫାର୍ମ ହାଉସ ସିଲ କରି ମାଆ ଓ ଭାଇଙ୍କୁ କମିସନରେଟ ପୁଲିସର ପଚରାଉଚରା
ସେପଟେ ଭାଇର ବିବାହ ପରେ ନଣନ୍ଦ ପୁଟୁଳି ନେଉଥିବା ଭଉଣୀଙ୍କୁ ଉଠାଇ ଆଣିଲା ପୁଲିସ; ଭିଣୋଇଙ୍କ ସମ୍ପୃକ୍ତିକୁ ନେଇ ତନାଘନା
କନକ ବ୍ୟୁରୋ : ମାଟ୍ରିକ ଫେଲ ନକଲି ଡାକ୍ତର ରମେଶ ସ୍ୱାଇଁଙ୍କ କେନ୍ଦ୍ରାପଡା ସ୍ଥିତ ବାସଭବନରେ କମିସନରେଟ ପୁଲିସର ଚଢାଉ । ରମେଶଙ୍କ ପୈତୃକ ଗାଁ ଡେରାବିଶର ଇନ୍ଦଳ ପଂଚାୟତର ସିଂହଳ ଗାଁରେ ପୁଲିସ ଚଢାଉ କରୁଛି । ରମେଶ ସ୍ୱାଇଁଙ୍କ ଫାର୍ମ ହାଉସକୁ ସିଲ କରି ତାଙ୍କ ମାଆ ଓ ଦୁଇ ଭାଇଙ୍କୁ ପଚରାଉଚରା କରିଛି । ଗତକାଲି ସକାଳେ ରମେଶଙ୍କ ଭଉଣୀଙ୍କୁ ତରତ ଅଂଚଳରୁ ଉଠାଇ ଆଣିଥିଲା ପୁଲିସ । ୧୮ ଜଣ ମହିଳାଙ୍କ ବିବାହ କରି ଠକେଇ କରିଥିବା ରମେଶଙ୍କୁ, ଠକେଇରେ ଭଉଣୀ ସହଯୋଗ କରିଥିବା ସୂଚନା ପାଇ ପୁଲିସ ତାଙ୍କୁ ମଧ୍ୟ ଗିରଫ କରିଛି ।
Kanak News is now on WhatsApp
Join and get latest news updates delivered to you via WhatsApp
ଓଡ଼ିଶା, ଆନ୍ଧ୍ର, କୋଲକାତା, କେରଳ, ଝାଡ଼ଖଣ୍ଡ, ଛତିଶଗଡ଼ ଏମିତି ୧୩ ରାଜ୍ୟକୁ ଲମ୍ବିଛି ରମେଶର ଠକେଇ ଚେର। ଆନ୍ଧ୍ରର ଚାରା ଓ ଫଳ ବ୍ୟବସାୟୀଙ୍କୁ ୪ଲକ୍ଷ ଟଙ୍କାର ଚୂନ ଲଗାଇଛି ରମେଶ । ଠକାମିର ଶିକାର ହୋଇଥିବା ଭେଙ୍କଟ ରମଣ ଭୁବନେଶ୍ବରରେ ପହଞ୍ଚି ମହିଳା ଥାନାରେ ଲିଖିତ ଅଭିଯୋଗ କରିଛନ୍ତି । ରମେଶ ନିଜକୁ ସ୍ବାସ୍ଥ୍ୟ ମନ୍ତ୍ରଣାଳୟର ଉପମହାନିର୍ଦ୍ଦେଶକ ପରିଚୟ ଦେଇ ଚାରା ଅର୍ଡର୍ କରିଥିଲା । ୪ଲକ୍ଷ ଟଙ୍କାର ଚାରା ଆଣିଥିଲା । ଏ ବାବଦରେ ଯେଉଁ ଚେକ୍ ଦେଇଥିଲା, ତାହା ବାଉନ୍ସ କରି ଯାଇଥିଲା । ରମେଶର ଗିରଫଦାରୀ ପରେ ପୁଲିସ ତା’ର ମୋବାଇଲ ଫୋନ୍ ଚାଟିଂରୁ ତଥ୍ୟ ପାଇ ଭେଙ୍କଟଙ୍କ ସହ ଯୋଗାଯୋଗ କରିବା ପରେ ଠକେଇ ସଂକ୍ରାନ୍ତରେ ଜଣାପଡ଼ିଥିଲା ।
ରମେଶ ୮ଟି ତରିକାରେ ଠକେଇ କରିଥିବା ସାମ୍ନାକୁ ଆସିଲାଣି । ମିଛ କହି ମହିଳାଙ୍କୁ ବିବାହ, ପ୍ରତାରଣା କରିବା, ମେଡିକାଲ ଆଡମିସନ୍, ଚାକିରି ନାଁରେ ଠକେଇ, ବ୍ୟବସାୟୀଙ୍କୁ ଠକେଇ, ଗାଡ଼ି ଭଡ଼ା ନ ଦେବା, କ୍ଲିନିକରେ ଡାକ୍ତରଙ୍କୁ ନିଯୁକ୍ତି ଦେଇ ତାଙ୍କୁ ଦରମା ନ ଦେବା ଭଳି ଠକେଇ ସାମ୍ନାକୁ ଆସିଲାଣି । ଖଣ୍ଡଗିରି, ଭରତପୁର, ମହିଳା ଥାନାରେ ରୁଜୁ ହୋଇଥିବା ମାମଲା ଆଧାରରେ ପୁଲିସ ପୁଣି ରମେଶକୁ ରିମାଣ୍ଡରେ ଆଣିବ ବୋଲି ଜଣେ ଅଧିକାରୀ କହିଛନ୍ତି ।
ଠକ ରମେଶର କେନ୍ଦ୍ରାପଡ଼ା ଜିଲ୍ଲା ପାଟକୁରା ଥାନା ସିଂହାଳ ଗ୍ରାମରେ ଥିବା ଘରେ ଆଜି ବିଳମ୍ବିତ ରାତିରେ କମିସନରେଟ୍ ପୁଲିସର ଏକ ସ୍ବତନ୍ତ୍ର ଟିମ୍ ଚଢ଼ଉ କରିଛି । ଚଢ଼ଉ ସମୟରେ ଘରେ ଥିବା ମା’, ଭାଇଙ୍କୁ ପୁଲିସ ପଚରାଉଚରା କରିଛି । ସେହିପରି ସେଠାରେ କରିଥିବା ଏକ ଫାର୍ମ ହାଉସ୍ରେ ମଧ୍ୟ ଚଢ଼ଉ କରି ତଦନ୍ତକାରୀ ଟିମ୍ ସିଲ୍ କରିଦେଇଥିବା ଜଣାଯାଇଛି ।