କନକ ବ୍ୟୁରୋ: ଦକ୍ଷିଣ କୋରିଆର ରାଜଧାନୀ ସିଓଲରେ ବଡ ଅଘଟଣ । ଶନିବାର ରାତିରେ ହାଲୋୱିନ ପାର୍ଟି ପାଳନ ବେଳେ ଦଳାଚକଟା ହୋଇଛି । ଆଉ ଏହି ଧାଁ ଦୌଡ ଭିତରେ କିିଛି ଶ୍ୱାସରୁଦ୍ଧ ହୋଇ ପ୍ରାଣ ହରାଇଛନ୍ତି । ଶେଷ ଖବର ସୁଦ୍ଧା ମୋଟ୍ ୧୫୧ ଜଣଙ୍କର ମୃତ୍ୟୁ ଘଟିଛି । ୫୦ରୁ ଅଧିକ ଶ୍ୱାସରୁଦ୍ଧରୁ ପ୍ରାଣ ହରାଇଛନ୍ତି । ପ୍ରାୟ ୧୫୦ ଗୁରୁତର ହୋଇପଡିଥିବା ସୂଚନା ରହିଛି । ଏହି ସଂଖ୍ୟା ଆଗକୁ ଆହୁରି ବଢିପାରେ । ୩୦୦ଅଧିକ ଲୋକଙ୍କ ପତ୍ତା ମିଳୁନାହିଁ । ପ୍ରାୟ ୪୦୦ କର୍ମଚାରୀ ଗୁରୁତରମାନଙ୍କୁ ଉଦ୍ଧାର କରିବା କାମରେ ନିୟୋଜିତ ହୋଇଥିଲେ । ସିଓଲର ୟଙ୍ଗସାନ ଅଗ୍ନିଶମ ବିଭାଗର ମୁଖ୍ୟ ଚୋଇ ସେଙ୍ଗ ବମ କହିଛନ୍ତି ଯେ, ସିଓଲର ରାଜରାସ୍ତାରେ ଏହି ପାର୍ଟିକୁ ସ୍ୱାଗତ କରିବା ପାଇଁ ଲୋକେ ଧାଡିରେ ଆସୁଥିଲେ । ତେବେ ହାମିଲଟନ ହୋଟେଲ ନିକଟରେ ଲୋକ ପହଞ୍ଚିବା ପରେ ଗହଳି ବଢ଼ିବା ସହିତ ରାସ୍ତା ସଂକୀର୍ଣ୍ଣ ଥିବାରୁ ଦଳାଚକଟା ହୋଇଯାଇଥିଲା । ଫଳରେ ଅନେକ ଲୋକ ତଳେ ପଡିଯାଇଥିଲେ । ପରେ ସେମାନେ ମୃତ ବୋଲି ଜଣାପଡିଥିଲା ।
Kanak News is now on WhatsApp
Join and get latest news updates delivered to you via WhatsApp
ଦକ୍ଷିଣ କୋରିଆର ରାଷ୍ଟ୍ରପତି ୟୁନ ସୁକ ଇଓଲ ଘଟଣାରେ ଦୁଃଖ ପ୍ରକାଶ କରି କିଭଳି ନିରାପଦରେ ପାଳନ କରାଯିବ ଓ ଗୁରୁତରମାନଙ୍କୁ ତୁରନ୍ତ ଚିକିତ୍ସା ସୁବିଧା ଯୋଗାଇଦେବାକୁ ନିର୍ଦ୍ଦେଶ ଦେଇଛନ୍ତି । ସେଠିକାର ଗଣମାଧ୍ୟମ ପକ୍ଷରୁ କୁହାଯାଇଛି ଯେ, ଇଟାଓନ ଷ୍ଟ୍ରିଟରେ ପାର୍ଟି ପାଳନ ଅବସରରେ ରାଲିରେ ପ୍ରାୟ ୧ ଲକ୍ଷ ଲୋକ ଆସୁଥିଲେ । ଅଧିକ ଗହଳି ଯୋଗୁ ଦଳାଚକଟା ସହ ନିଶ୍ୱାସପ୍ରଶ୍ୱାସ ନେବାରେ ଅସୁବିଧାରୁ ଏଭଳି ଅଘଟଣ ଘଟିଥିବା ଅନୁମାନ କରାଯାଉଛି । କୋଭିଡ୍ ପାଇଁ ହାଲୋୱିନ ପାର୍ଟି ଦୁଇ ବର୍ଷ ହେବ ବନ୍ଦ ରହିଥିଲା । ଆଉ ଏବେ ଦୁଇ ବର୍ଷ ପରେ କୌଣସି କଟକଣା ନଥାଇ ହାଲୋୱିନ ପାର୍ଟିର ଆୟୋଜନ ହୋଇଥିଲା । ନଜର ପକାନ୍ତୁ ଏହି ଦୁର୍ଘଟଣାରେ ବର୍ତମାନ ସୁଦ୍ଧା କ’ଣ ଘଟିଛି….
- ଦଳାଚକଟାରେ ମୋଟ୍ ମୃତ୍ୟୁ ସଂଖ୍ୟା ୧୫୧କୁ ବୃଦ୍ଧି
- ୯୭ ମହିଳା ଓ ୫୪ ଜଣ ପୁରୁଷଙ୍କ ଜୀବନ ଯାଇଛି
- ମୃତକଙ୍କ ବୟସ ୨୦ରୁ ୩୦ ବର୍ଷ ମଧ୍ୟରେ ହେବ
- ମୃତକଙ୍କ ମଧ୍ୟରେ ୧୯ ଜଣ ବିଦେଶୀ ନାଗରିକ ଅଛନ୍ତି
- ୫୦ରୁ ଅଧିକ ଶ୍ୱାସରୁଦ୍ଧରୁ ପ୍ରାଣ ହରାଇଛନ୍ତି
- ପ୍ରାୟ ୧୫୦ ଗୁରୁତର ହୋଇପଡିଥିବା ସୂଚନା
- ୩୦୦ଅଧିକ ଲୋକଙ୍କ ପତ୍ତା ମିଳୁନାହିଁ
- ପ୍ରାୟ ୪୦୦ କର୍ମଚାରୀ ଗୁରୁତରମାନଙ୍କୁ ଉଦ୍ଧାର କାମରେ ନିୟୋଜିତ
- ରାତି ପ୍ରାୟ ୧୦ଟା ୨୦ରେ ହୋଇଥିଲା ଦଳାଚକଟା