ସେକ୍ସ ଭିଡିଓରେ କିଏ ! ଭୁବନେଶ୍ୱର ମେୟରଙ୍କ ବିରୋଧରେ ଯୌନ କେଳେଙ୍କାରୀ ଅଭିଯୋଗ ଆଣିଲା ଛାତ୍ର କଂଗ୍ରେସ୍
ଭୁବନେଶ୍ୱର ବ୍ୟୁରୋ, କନକ ନ୍ୟୁଜ୍ : ଭୁବନେଶ୍ୱର ମେୟର ଅନନ୍ତ ନାରାୟଣ ଜେନାଙ୍କ ବିରୋଧରେ ଯୌନ କେଳେଙ୍କାରୀ ଅଭିଯୋଗ ହୋଇଛି । ନିଆଁଖୁଂଟା ଡଟ୍ କମ୍ ନାମକ ଏକ ସଂସ୍ଥା ଏକ ଅଶ୍ଳୀଳ ଭିଡିଓକୁ ୟୁଟ୍ୟୁବରେ ଅପଲୋଡ୍ କରିଛି । ଯେଉଁଥିରେ ଏକ ବ୍ୟକ୍ତି ଜଣେ ମହିଳାଙ୍କ ସହ ଅନ୍ତରଙ୍ଗ ମୁହୂର୍ତ୍ତରେ ଅଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ତେବେ ସେହି ବ୍ୟକ୍ତି ଜଣକ ମେୟର ଅନନ୍ତ ନାରାୟଣ ଜେନା ବୋଲି ଭିଡିଓ ଅପଲୋଡ୍ କରିଥିବା ସଂସ୍ଥା ଦାବି କରିଛି । ଯାହାକୁ ନେଇ ଏବେ ଆରମ୍ଭ ହୋଇଯାଇଛି ଚର୍ଚ୍ଚା । ଏହି ଭାଇରାଲ୍ ଭିଡିଓକୁ ନେଇ ଛାତ୍ର କଂଗ୍ରେସ୍ ଏକ ସାମ୍ବାଦିକ ସମ୍ମିଳନୀ ମାଧ୍ୟମରେ ମେୟରଙ୍କ ଇସ୍ତଫା ଦାବି କରିଛି । ଏପରିକି କିଛିଦିନ ତଳେ ଛାତ୍ର କଂଗ୍ରେସର ଜଣେ ସଦସ୍ୟଙ୍କ ସନ୍ଦେହ ଜନକ ମୃତ୍ୟୁକୁ ଏହି ଭିଡିଓ ସହ ସଂପର୍କ ଥିବା ନେଇ ଛାତ୍ର କଂଗ୍ରେସ୍ ଅଭିଯୋଗ ଆଣିଛି ।
ସେହି ଛାତ୍ରଙ୍କ ନାଁ ଋଷି । ସେ ଏକ ଘରୋଇ ଇଂଜିନିୟରିଂ କଲେଜରେ ପଢୁଥିଲେ । ତେବେ ତାଙ୍କ ମୃତ୍ୟୁ ପରେ କ୍ୟାପିଟାଲ୍ ହସପିଟାଲରେ ଶବ ବ୍ୟବଚ୍ଛେଦ ଚାଲିଥିବା ବେଳେ ମେୟର ଉପସ୍ଥିତ ଥିଲେ । ତେଣୁ ଏହି ଛାତ୍ରଙ୍କ ସହ ମେୟରଙ୍କ ସଂପର୍କ କଣ ଓ ଏ ଭିଡିଓ ସହ ସେହି ମୃତ୍ୟର ସଂପର୍କ କଣ, ସେସବୁ ନେଇ ସନ୍ଦେହ ଘନୀଭୂତ ହୋଇଛି ।