କନକ ବ୍ୟୁରୋ : ଏମ୍ସରେ କାର୍ଯ୍ୟରତ ଜଣେ ଡାକ୍ତରଙ୍କୁ ବାନ୍ଧିଛି ପୋଲିସ । ସଂପୃକ୍ତ ଡାକ୍ତରଙ୍କ ନାମରେ ଅଭିଯୋଗ ରହିଛି କି ଡାକ୍ତର ଜଣେ ଝିଅକୁ ବିବାହର ପ୍ରତିଶ୍ରୁତି ଦେଇ ତାଙ୍କ ସହ ଶାରିରୀକ ସଂପର୍କ ରଖିଥିଲେ । ଦୀର୍ଘ ୨ ବର୍ଷର ସଂପର୍କ ପରେ ଝିଅ ଜଣଙ୍କ ଗର୍ଭବତୀ ହୋଇଥିଲେ । ଏହାପରେ ଡାକ୍ତରବାବୁ କୌଶଳ କ୍ରମେ ପ୍ରେମିକାର ଗର୍ଭ ନଷ୍ଟ କରିଦେଇଥିଲେ । ଏହାପରେ ଝିଅଟି ଥାନାରେ ଅଭିଯୋଗ କରିବା ପରେ ଏବେ ସଂପୃକ୍ତ ଡାକ୍ତରଙ୍କୁ ପୋଲିସ ଗିରଫ କରିଛି ।
Kanak News is now on WhatsApp
Join and get latest news updates delivered to you via WhatsApp
ସୂଚନା ମୁତାବକ ଭୁବନେଶ୍ୱର ଏମ୍ସର କାର୍ଡିଓଲୋଜି ବିଭାଗର ଜଣେ ଡାକ୍ତର ସେହି ହସ୍ପିଟାଲକୁ ନିଜ ବାପାଙ୍କୁ ନେଇ ଚିକିତ୍ସା କରିବାକୁ ଆସିଥିବା ଜଣେ ଝିଅକୁ ଭଲ ପାଇଯାଇଥିଲେ । ଜୟଦୀପ ଦାସଗୁପ୍ତା ନାମକ ଏହି ଡାକ୍ତର ଜଣଙ୍କ ସେହି ଝିଅ ସହ ବିବାହର ପ୍ରତିଶ୍ରୁତି ଦେଇ ଦୀର୍ଘ ଦୁଇବର୍ଷ କାଳ ତାଙ୍କସହ ଶାରିରୀକ ସଂପର୍କ ରଖିଥିଲେ । ଏହାରି ମଧ୍ୟରେ ଝିଅଟି ଗର୍ଭବତୀ ହୋଇଯାଇଥିଲେ । ହେଲେ ଡାକ୍ତରବାବୁ ଡାକ୍ତରୀ କାଇଦାରେ ଝିଅଟିର ଗର୍ଭନଷ୍ଟ କରିଦେଇଥିଲେ । ଏହାପରେ ଝିଅଟି ଥାନାରେ ଅଭିଯୋଗ କରିଥିଲା । ଏହି ଅଭିଯୋଗ କ୍ରମେ ମହିଳା ଥାନା ପୋଲିସ ଆଜି ଡାକ୍ତର ଜୟଦୀପ ଦାସଗୁପ୍ତାଙ୍କୁ ଗିରଫ କରିଛି ।
ଯୁବତୀ ଜଣଙ୍କ ଅଭିଯୋଗ କରିଛନ୍ତି କି ସେ ତାଙ୍କ ବାପାଙ୍କର ଅପରେସନ ଭୁବନେଶ୍ୱର ସ୍ଥିତ ଏମ୍ସରେ କରିଥିଲେ । ଏହି ସମୟରେ କାର୍ଡିଓଲୋଜୀ ବିଭାଗର ଥିବା ଡାକ୍ତର ଜୟଦୀପ ସାହୁ ତାଙ୍କ ବାପାଙ୍କ ଚିକିତ୍ସା କରୁଥିଲେ । ଡାକ୍ତର ଜଣଙ୍କ ତାଙ୍କୁ ବାରମ୍ବାର ପ୍ରେମ ନିବେଦନ କରିଥିଲେ । ହେଲେ ଯୁବତୀ ଜଣଙ୍କ ରାଜି ହୋଇନଥିଲେ । ଶେଷରେ ଡାକ୍ତର ଜୟଦୀପ ସର୍ତ୍ତ ରଖିଥିଲେ କି ତାଙ୍କ ସହ ଶାରିରୀକ ସଂପର୍କ ରଖିଲେ ଯାଇ ସେ ତାଙ୍କ ବାପାଙ୍କୁ ମେଡିକାଲରୁ ଡିସଚାର୍ଜ କରିବେ ।