ଗ୍ରହଣ ବେଳେ ହାଣ୍ଡିଛାଡକୁ ନେଇ ତର୍କ ବିତର୍କ ! କନକ ନ୍ୟୁଜରେ ମତ ରଖିଲେ ବିଶେଷଜ୍ଞ ଓ ପରମ୍ପରା ବିଶ୍ୱାସୀ
କନକ ବ୍ୟୁରୋ : ଗ୍ରହଣ ବେଳେ ହାଣ୍ଡିଛାଡକୁ ନେଇ ଚାଲିଛି ବିତର୍କ । ଆଜି ଚନ୍ଦ୍ର ଗ୍ରହଣ ଯୋଗୁଁ ଦିନ ଗୋଟାଏ ୪୩ରୁ ପାକ ନିଷେଧ ପାଇଁ ପାଂଜିରେ ପରାମର୍ଶ ଦିଆଯାଇଛି । ତେବେ ଏପରି ପରାମର୍ଶ ଭୁଲ୍ ବୋଲି କହିଛନ୍ତି ବିଶେଷଜ୍ଞ । ଆଜି ଆଂଶିକ ଚନ୍ଦ୍ରଗ୍ରହଣ ସ୍ଥାନେ ସ୍ଥାନେ ଦୃଶ୍ୟମାନ ହେବ । ଗ୍ରହଣ ପାଇଁ ଆଜି ଅପରାହ୍ନ ୧ଟା ୪୩ରୁ ହାଣ୍ଡି ଛାଡ଼ ହେବ । ପାଞ୍ଜି ବିଶ୍ୱାସୀମାନେ ଆଜି ଅନ୍ନଭୋଜନ, ପାକତ୍ୟାଗ ଓ ଦେବନୀତିକୁ ବାରଣ କରିବେ । ଏହି ସମୟରେ ଖାଇବାଠାରୁ ଆରମ୍ଭ କରି ରୋଷେଇ କରିବାରେ ମଧ୍ୟ ପ୍ରତିବନ୍ଧକ ରହିବ । ଆଜି ରାତି ୧୦ଟା ୪୩ରେ ଚନ୍ଦ୍ରସ୍ପର୍ଶ ହେବ ।
Kanak News is now on WhatsApp
Join and get latest news updates delivered to you via WhatsApp
ରାତି ୧୧ଟା ୪୯ ମିନିଟ୍ ୪୦ ସେକେଣ୍ଡରେ ମୋକ୍ଷ ଆରମ୍ଭ ହୋଇ ରାତି ୧୨ଟା ୫୦ ମିନିଟରେ ସର୍ବମୋକ୍ଷ ହେବ । ଚନ୍ଦ୍ରଗହଣ ସମୟରେ ଯେ, କୌଣସି ବ୍ୟକ୍ତି ରାତିରେ ଖାଲି ଆଖିରେ ଏଭଳି ଦୃଶ୍ୟ ଦେଖି ପାରିବେ । ତେବେ କଣ ରହିଛି ହାଣ୍ଡିଛାଡର ସତ । ତାକୁ ନେଇ ବି ତର୍କ ବିତର୍କ ଜାରି ହୋଇଛି । ଏହା କେବଳ ଏକ ବିଶ୍ୱାସ ମାତ୍ର । ଏନେଇ କୌଣସି ବିଜ୍ଞାନ ସମ୍ମତ କାରଣ ନାହିଁ ବୋଲି କହିଛନ୍ତି ପ୍ଲାନେଟୋରିୟମ ଉପ-ନିର୍ଦ୍ଦେଶକ ଶୁଭେନ୍ଦୁ ପଟ୍ଟନାୟକ । ଆଜି ରାତି ୧୦ଟା ୫୨ରେ ଚନ୍ଦ୍ରଗ୍ରହଣ ଆରମ୍ଭ ହେବ । ଯାହା ରାତି ୧୨ଟା ୫୦ ସୁଦ୍ଧା ସଂପୂର୍ଣ୍ଣ ଛାଡିବ ବୋଲି ସେ ସୂଚନା ଦେଇଛନ୍ତି ।