ରାସ୍ତାରେ ଆଉ ଗଡିବନି ୧୫ବର୍ଷର ପୁରୁଣା ଗାଡି : ସ୍କ୍ରାପିଂ ପଲିସିକୁ ରାଜ୍ୟ କ୍ୟାବିନେଟର ମଞ୍ଜୁରୀ
କନକ ବ୍ୟୁରୋ : ପୁରୁଣା ଗାଡି ସ୍କ୍ରାପିଂ ପଲିସିକୁ ରାଜ୍ୟ କ୍ୟାବିନେଟରେ ମଞ୍ଜୁରୀ । ରେଜିଷ୍ଟରଡ୍ ଭେଇକିଲ୍ ସ୍କ୍ରାପିଂ ଫ୍ୟାସିଲିଟି ପଲିସି – ୨୦୨କୁ ରାଜ୍ୟ କ୍ୟାବିନେଟ୍ ଅନୁମୋଦନ କରିଛି । ଯାନବାହାନ ଜନିତ ବାୟୁ ପ୍ରଦୂଷଣ କମ୍ କରିବାରେ ଏହି ନୀତି ପ୍ରମୁଖ ଭୂମିକା ଗ୍ରହଣ କରିବ । ଏହା ଦ୍ୱାରା ୧୫ ବର୍ଷ ପୂରଣ କରିଥିବା ସମସ୍ତ ପୁରୁଣା ଗାଡିକୁ ସ୍କ୍ରାପ କରିବାକୁ ପଡିବ ।
Kanak News is now on WhatsApp
Join and get latest news updates delivered to you via WhatsApp
ସ୍କ୍ରାପିଂ କରିଥିବା ବ୍ୟକ୍ତିମାନଙ୍କୁ ନୂଆ ଗାଡି କିଣିବା ପାଇଁ ପ୍ରୋତ୍ସାହିତ କରାଯିବ ବୋଲି ରାଜ୍ୟ କ୍ୟାବିନେଟରେ ନିଷ୍ପତ୍ତି ହୋଇଛି । କେନ୍ଦ୍ର ସରକାର ବାୟୁ ପ୍ରଦୂଷଣ ରୋକିବାକୁ ଆଣିଥିଲେ ସ୍କ୍ରାପିଂ ପଲିସି । ଏଥିରେ ୧୫ ବର୍ଷର ପୁରୁଣା ଗାଡିକୁ ଅଦରକାରୀ ଦର୍ଶାଇ ସ୍କ୍ରାପ କରିବାକୁ ପିଲିସିରେ କୁହାଯାଇଛି । ଏଥିସହ ରାସ୍ତାରେ ଚାଲୁଥିବା ସମସ୍ତ ଗାଡିର ବାୟୁ ପ୍ରଦୂଷଣ ଯାଞ୍ଚ କରିବାକୁ ପଲିସିରେ ନିୟମ ରହିଛି ।
କ’ଣ ଏହି ସ୍କ୍ରାପିଂ ପଲିସି ?
– ରାଜ୍ୟରେ ଆଉ ଚାଲିପାରିବନି ପୁରୁଣା ଗାଡି
– ସ୍କ୍ରାପିଂ ପଲିସିକୁ ରାଜ୍ୟ କ୍ୟାବିନେଟ୍ରେ ମଂଜୁରୀ
– ୧୫ ବର୍ଷର ପୁରୁଣା ବାଣିଜ୍ୟିକି ଗାଡି ଓ ୨୦ ବର୍ଷ ପୁରୁଣା ବ୍ୟକ୍ତିଗତ ଗାଡିର ହେବ ଫିଟନେସ୍ ଟେଷ୍ଟ
– ଟେଷ୍ଟରେ ବିଫଳ ହେଲେ, ଗାଡିକୁ ଅଚଳ କରାଯିବ
– ସ୍କ୍ରାପ୍ ଗାଡି ମାଲିକଙ୍କୁ ମିଳିବ ସର୍ଟିଫିକେଟ୍
– ନୂଆ ଗାଡି କିଣିବାବେଳେ ସର୍ଟିଫିକେଟ୍ ଦେଖାଇଲେ ପଂଜିକରଣ ଫି ଛାଡ କରାଯିବ
– ନୂଆ ଗାଡି କିଣିବାବେଳେ ୫% ରିହାତି ଦେବାକୁ ସୋ’ରୁମ୍ ଗୁଡିକୁ ଆଡଭାଇଜରି ଜାରି କରାଯିବ
– ରୋଡ୍ ଟ୍ୟାକ୍ସରେ ୨୫% ପର୍ଯ୍ୟନ୍ତ ରିହାତି ଦିଆଯାଇପାରେ
– କେନ୍ଦ୍ର ସରକାର ୧୩ ଅଗଷ୍ଟ, ୨୦୨୧ରେ ଆଣିଥିଲେ ସ୍କ୍ରାପେଜ୍ ପଲିସି