ଅକ୍ଷୟ କୁମାରଙ୍କ ବିପକ୍ଷରେ ବଲିଉଡରେ ଡେବ୍ୟୁ । ପରେ ଶାନ୍ତିପ୍ରିୟାଙ୍କୁ କାମ ଦେବାକୁ ମନା କଲେ ଅକ୍ଷୟ! ଜାଣନ୍ତୁ କ’ଣ ରହିଛି କାରଣ?
କନକ ବ୍ୟୁରୋ : ଦିନେ ଅକ୍ଷୟ କୁମାରଙ୍କ ସହ ବଲିଉଡରେ ଡେବ୍ୟୁ କରିଥିଲେ ୯୦ ଦଶକରେ ବେଶ ଜଣାଶୁଣା ଅଭିନେତ୍ରୀ ଶାନ୍ତିପ୍ରିୟା । ଫିଲ୍ମ ‘ସୌଗଦ୍ଧ’ରେ ବଲିଉଡରେ କାମ ଆରମ୍ଭ କରିଥିଲେ । ଅନେକ ଦର୍ଶକଙ୍କ ହୃଦୟକୁ ଜିତିଥିବାବେଳେ ନିଜର ଏକ ସ୍ୱତନ୍ତ୍ର ସ୍ଥାନ ଅଧିକାର କରିଥିଲେ । ଏକିତିକି ଅନେକ ବଡ଼ ବଡ଼ ଷ୍ଟାରଙ୍କ ସହ ମଧ୍ୟ ହିରୋଇନ ସାଜିଥିଲେ । କିନ୍ତୁ ଶାନ୍ତିପ୍ରିୟାଙ୍କ ଜୀବନରେ ଏମିତି ଏକ ଘଯଣା ଘଟିଲା ଆଉ ସେ ବଲିଉଡରୁ ଦୂରେଇ ଯାଇଥିଲେ । ଶେଷରେ ଯେତେବେଳେ ସେ ବଲିଉଡକୁ ଫେରିବା ପାଇଁ ଚାହିଁଥିଲେ ଆଉ ଅକ୍ଷୟ କୁମାରଙ୍କୁ ଭେଟିଥିଲେ ସେ ମନା କରି ଦେଇଥିଲେ । ତେବେ ଅକ୍ଷୟ କୁମାର କାହିଁକି ମନା କରିଥିଲେ ଆସନ୍ତୁ ଜାଣିବା ଏହି ଭିଡିଓ ଜରିଆରେ..
Kanak News is now on WhatsApp
Join and get latest news updates delivered to you via WhatsApp
ଅକ୍ଷୟ କୁମାରଙ୍କୁ ଫୁଲ ଔର କାଟେଂ ଫିଲ୍ମର ଅଫର ମିଳିଥିଲା । କିନ୍ତୁ ଶେଷସମୟରେ ତାଙ୍କ ହାତରୁ ଏହି ଅଫର ଚାଲିଯାଇଥିଲା । କିନ୍ତୁ ସୌଗନ୍ଧ ଫିଲ୍ମ ଜରିଆରେ ବଲିଉଡରେ ଡେବ୍ୟୁ କରିଥିଲେ ଅକ୍ଷୟ । ତେବେ ଅକ୍ଷୟଙ୍କ ବିପକ୍ଷରେ ନାୟିକା ସାଜିଥିଲେ ଶାନ୍ତିପ୍ରିୟା । ଯିଏକି, ପୂର୍ବରୁ ସାଉଥ ଫିଲ୍ମରେ କାମ କରିବା ସହ ଟିଭି ସିରିଏଲରେ ମଧ୍ୟ କାମ କରିସାରିଥିଲେ । ତେବେ ଉଭୟଙ୍କ ପ୍ରଥମ ଫିଲ୍ମ ଯଦିଓ ଏତେ ସଫଳତା ପାଇନଥିଲା ତଥାପି ଦର୍ଶକେ ସେମାନଙ୍କ ଅଭିନୟକୁ ବେଶ ପସନ୍ଦ କରିଥିଲେ । ପରେ ଅନେକ ହିଟ୍ ଫିଲ୍ମରେ ଅଭିନୟ କରିଥିଲେ ଶାନ୍ତିପ୍ରିୟା । କ୍ୟାରିୟରର ପିକ୍ ସମୟରେ ଶାନ୍ତିପ୍ରିୟା ସିଦ୍ଧାର୍ଥ ରାୟଙ୍କୁ ବିବାହ କରିଥିଲେ । ଆଉ ଧିରେ ଧିରେ ଅଭିନୟରୁ ଦୂରେଇ ରହିଥିଲେ । କିନ୍ତୁ ସବୁଠାରୁ ଦୁଃଖର ବିଷୟ କି, କମ ବୟସରେ ସିଦ୍ଧାର୍ଥଙ୍କ ପରଲୋକ ଘଟିଥିଲା । ସେମାନଙ୍କର ଦୁଇ ସନ୍ତାନ ଅଛନ୍ତି । ତେବେ ସ୍ୱାମୀଙ୍କ ଦେହାନ୍ତ ପରେ ପୁଣି ବଲିଉଡକୁ ଫେରିବା ଲାଗି ଯେତେବେଳେ ଶାନ୍ତିପ୍ରିୟା ଚାହିଁଥିଲେ ସେ ପ୍ରଥମେ ଅକ୍ଷୟ କୁମାରଙ୍କୁ ଭେଟିଥିଲେ । ଆଉ ପରାମର୍ଶ ଲୋଡ଼ିଥିଲେ । ତେବେ ପ୍ରଥମେ ଅକ୍ଷୟ କୁମାରଙ୍କ ସେକ୍ରେଟାରୀଙ୍କ ସହ ଭେଟିଥିଲେ ଆଉ ପରଦିନ ମେହେବୁବ ଷ୍ଟୁଡିଓକୁ ଭେଟିବାକୁ ଡାକିଥିଲେ । ଅକ୍ଷୟ ଶାନ୍ତିପ୍ରିୟାଙ୍କୁ କହିଥିଲେ କି, ତୁମେ ଏବେ ହିରୋଇନ ହୋଇପାରିବ ନାହିଁ । ତେବେ ଶାନ୍ତିପ୍ରିୟା ସଂଘର୍ଷ କରିବା ଛାଡ଼ିନଥିଲେ । ଯଦିଓ ସେ ବଡ଼ ପରଦାରେ ପରବର୍ତୀ ସମୟରେ ସେମିତି କିଛି ନାଁ କରିପାରିନଥିଲେ । ଏବେ ସୁନୀଲ ସେଟ୍ଟୀଙ୍କ ୱେବସିରିଜ ଧରାବୀ ବେଙ୍କରେ ନଜର ଆସିଥିଲେ । ତେବେ ଶାନ୍ତିପ୍ରିୟା ମିଥୁନ ଚଳ୍ରବର୍ତୀଙ୍କ ବିପକ୍ଷରେ ମଧ୍ୟ ସ୍କ୍ରିନରେ ନଜର ଆସିଛନ୍ତି । କିନ୍ତୁ ସେ ଯେଉଁ ଆଶାରେ ପୁଣିଥରେ ବଲିଉଡରେ ଏଙ୍କ୍ରଂ କରିବା ପାଇଁ ଚାହିଁଥିଲେ ତାହା ପୂରଣ ହୋଇନଥିଲା ।