ଇସ୍ତଫା ଦେବେ ନାହିଁ ଉଦ୍ଧବ ଠାକରେ, କ୍ୟାବିନେଟ ବୈଠକରେ ମିଳିଲା ସମର୍ଥନ
କନକ ବ୍ୟୁରୋ : ମହାରାଷ୍ଟ୍ରରେ ଚାଲିଥିବା କ୍ଷମତା ଲଢେଇ ମଧ୍ୟରେ ଆଜି ମୁଖ୍ୟମନ୍ତ୍ରୀ ଉଦ୍ଧବ ଠାକରେ କ୍ୟାବିନେଟ ବୈଠକ କରିଛନ୍ତି । ବୈଠକରେ ଉଦ୍ଧବ ଠାକରେ ଇସ୍ତଫା ଦେବେ ନାହିଁ ବୋଲି ସ୍ପଷ୍ଟ କରିଦେଇଛନ୍ତି । ସେପଟେ ଉଦ୍ଧବ ଠାକରେଙ୍କ ଏଭଳି ନିଷ୍ପତ୍ତିକୁ ସ୍ୱାଗତ କରିଛନ୍ତି ବୈଠକରେ ଉପସ୍ଥିତ ଥିବା କଂଗ୍ରେସ ଓ ଏନସିପିର ବିଧାୟକମାନେ । ବୈଠକର କିଛି ସମୟ ପୂର୍ବରୁ ଏନସିପି ପ୍ରମୁଖ ଶରଦ ପାୱାର ବି ଉଦ୍ଧବଙ୍କୁ ସମାନ ପରାମର୍ଶ ଦେଇଥିଲେ ।
Kanak News is now on WhatsApp
Join and get latest news updates delivered to you via WhatsApp
ସେପଟେ ଏକ ବିଶେଷ ସୂତ୍ରରୁ ମିଳିଥିବା ସୂଚନା ମୁତାବକ ପ୍ରହାର ପାର୍ଟି ବି ଉଦ୍ଧବ ସରକାରଙ୍କୁ ଦେଇଥିବା ସମର୍ଥନ ପ୍ରତ୍ୟାହାର କରିବାକୁ ଯାଉଛି । ପ୍ରହାର ପାର୍ଟି ନିକଟରେ ଏବେ ୯ ଜଣ ବିଧାୟକ ରହିଛନ୍ତି । ପ୍ରହାର ପାର୍ଟିର ମୁଖ୍ୟ ବଚୁ କାଡୁ ସରକାରରୁ ସମର୍ଥନ ପ୍ରତ୍ୟାହାର କରିବା ନେଇ ରାଜ୍ୟପାଳଙ୍କୁ ତୁରନ୍ତ ଚିଠି ଲେଖିବେ ।
ଅନ୍ୟପଟେ ମୁଖ୍ୟମନ୍ତ୍ରୀଙ୍କୁ ସମର୍ଥନ କରୁଥିବା ବିନାୟକ ରାୱତ ଦାବି କରିଛନ୍ତି କି ସିନ୍ଦେ ଗ୍ରୁପରେ ଥିବା ବିଧାୟକଙ୍କ ମଧ୍ୟରୁ ୨୦ ଜଣ ବିଧାୟକ ଉଦ୍ଧବ ଠାକରେଙ୍କୁ ସମର୍ଥନ ଦେବାକୁ ରାଜି ହୋଇଛନ୍ତି । ଖୁବଶୀଘ୍ର ସେମାନଙ୍କ ନାମ ସାର୍ବଜନୀନ କରାଯିବ ବୋଲି ସେ କହିଛନ୍ତି ।
ଏନସିପି ନେତ୍ରୀ ସୁପ୍ରିୟା ସୋଲେ ବିଦ୍ରୋହୀ ବିଧାୟକ ଓ ଏକନାଥ ସିନ୍ଦେଙ୍କୁ ଟାର୍ଗେଟ କରିଛନ୍ତି । ସେ କହିଛନ୍ତି କି ବିଦ୍ରୋହୀ ଗ୍ରୁପ ପାଖରେ ବହୁମତ ନାହିଁ । ଏହାସହ ସେମାନେ ବିଦ୍ରୋହ ଛାଡି ଉଦ୍ଧବଙ୍କ ସହ ତୁରନ୍ତ ଆଲୋଚନା କରିବାକୁ ବିଦ୍ରୋହୀ ବିଧାୟକମାନଙ୍କୁ ପରାମର୍ଶ ଦେଇଛନ୍ତି ।