କନକ ବ୍ୟୁରୋ: ତହସିଲଦାରଙ୍କ ପାଇଁ ସହର ବନ୍ଦ । ଗଞ୍ଜାମ ତହସିଲଦାରଙ୍କ ବଦଳିଦାବୀ ନେଇ ଗଞ୍ଜାମ ଏନଏସି ଓ ବ୍ଲକରେ ୯ ଘଂଟିଆ ବନ୍ଦ ପାଳନ କରିଛନ୍ତି ସହରବାସୀ । ଗଞ୍ଜାମ ତହସିଲଦାର ଗତ କିଛି ମାସ ହେବ ବିଭିନ୍ନ ବିବାଦ ଜଡିତ ରହିଥିବା ଅଭିଯୋଗ ଆଣିଛନ୍ତି ଲୋକେ । କୋଭିଡି ସମୟରେ ତହସିଲଦାର ଅରୁଣ ନାୟକ ଜଣେ ବ୍ୟକ୍ତିଙ୍କୁ ଉଠ ବସ କରାଇଥିଲେ । ପରେ ରମ୍ଭାଥାନ ଅର୍ନ୍ତଗତ ସିକୁଳା ଗ୍ରାମରେ ଜଣେ ଯୁବକଙ୍କୁ ମଡ଼ ମାରିବା ଗ୍ରାମବାସୀ ତହସିଲଦାରଙ୍କୁ ବହୁ ସମୟଧରି ଗ୍ରାମବାସୀ ଅଟକ ରଖିଥିଲେ ।
Kanak News is now on WhatsApp
Join and get latest news updates delivered to you via WhatsApp
ଏହା ପରେ ତାରା ତାରୀଣି ଯାତ୍ରା ସମୟରେ ମଧ୍ୟ ବାଡ଼ିଧରି ଲୋକଙ୍କୁ ଧମକ ଦେିଥିଲେ । ପରେ ଗଞ୍ଜାମ ଏନଏସିରେ ଜଣେ ବରିଷ୍ଠ ଓକିଲଙ୍କୁ ଖରାପ ବ୍ୟବହାର କରିଥିଲେ । ଏହିଭଳି ବିଭିନ୍ନ ବିବାଦରେ ରହିଥିବା ତହସିଲଦାରଙ୍କୁ ବଦଳି ପାଇଁ ଗ୍ରାମବାସୀ ଜିଲ୍ଲାପାଳଙ୍କୁ ନିକଟରେ ଦାବି କରିଥିଲେ । ହେଲେ ଜିଲ୍ଲାପାଳ କୌଣସି ପଦକ୍ଷେପ ନନେବାରୁ ଅଜି ୯ ଘଂଟିଆ ବନ୍ଦ କରାଯାଇଛି । ସମସ୍ତ ଦୋକାନ ବଜାର ବନ୍ଦ କରିବା ସହ ବ୍ଲକ କାର୍ଯ୍ୟାଳୟର ମୁଖ୍ୟ ଫାଟକରେ ଧାରଣାରେ ବସି ରହିଥିଲେ ।