କନକ ବ୍ୟୁରୋ : କେରଳର ପ୍ରସିଦ୍ଧ ଶବରୀମାଲା ମନ୍ଦିରରେ ଅଘଟଣ । ଗତକାଲି ସନ୍ଧ୍ୟାରେ ମନ୍ଦିରରେ ଶ୍ରଦ୍ଧାଳୁଙ୍କ ପ୍ରବଳ ଭିଡ ଯୋଗୁଁ ଦଳାଚକଟା ହୋଇଛି । ଏଥିରେ ୪୦ ଜଣ ଭକ୍ତ ଆହତ ହୋଇଥିବା ବେଳେ ତୁରନ୍ତ ସେମାନଙ୍କୁ ଉଦ୍ଧାର କରାଯାଇ ନିକଟସ୍ଥ ପମ୍ବା ମେଡିକାଲରେ ଭର୍ତ୍ତିିି କରାଯାଇଛି । ଆହତଙ୍କ ମଧ୍ୟରୁ ୭ ଜଣଙ୍କ ଅବସ୍ଥା ସଂକଟାପନ୍ନ ହେବାରୁ ସେମାନଙ୍କୁ କୋଟ୍ଟାୟମ ମେଡିକାଲ କଲେଜକୁ ସ୍ଥାନାନ୍ତର କରାଯାଇଥିବା ସୂଚନା ମିଳିଛି ।
Kanak News is now on WhatsApp
Join and get latest news updates delivered to you via WhatsApp
ମନ୍ଦିରରେ ଠାକୁରଙ୍କ ଦର୍ଶନ ପାଇଁ ପ୍ରବଳ ଜନସମାଗମ ହୋଇଥିବା ବେଳେ ପୋଲିସ ବ୍ୟାରିକେଡ ଭାଙ୍ଗିବାରୁ ଦଳାଚକଟା ହୋଇଥିବା ପୋଲିସ ପକ୍ଷରୁ କୁହାଯାଇଛି । ଶବରୀମାଲା ମନ୍ଦିରରେ ୪୧ ଦିନିଆ ମଣ୍ଡଳ ପୂଜା ଚାଲୁଛି । ଆଜି ସମାପନ ଦିବସ ଥିବାରୁ ଗତକାଲି ଠାକୁରଙ୍କ ଦର୍ଶନ ପାଇଁ ଶ୍ରଦ୍ଧାଳୁଙ୍କ ବେଶ ଗହଳି ଲାଗିଥିଲା ।