ବ୍ଲାକବକ୍ସ ଖୋଲିବ ରହସ୍ୟ ! ଚିଲିକା ଉପରେ ବେଆଇନ୍ ହେଲିକପ୍ଟର ଉଡାଣ ନେଇ ବୈଜୟନ୍ତଙ୍କୁ ନୋଟିସ୍ , ଆଜି ୧୨ ଟା ସୁଦ୍ଧା ପୁରୀ ସଦର ଥାନାରେ ହୋଇପାରନ୍ତି ହାଜର
କନକ ବ୍ୟୁରୋ: ଆଜି ପୁରୀ ପୋଲିସ ସମ୍ମୁଖରେ ହାଜର ହୋଇପାରନ୍ତି ପୂର୍ବତନ ସାଂସଦ ବୈଜୟନ୍ତ ପଣ୍ଡା । ଚିଲିକା ଉପରେ ବେଆଇନ ଭାବେ ହେଲିକପ୍ଟର ଉଡାଇବା ମାମଲାରେ ତାଙ୍କୁ ପଚାରଉଚରା କରିବା ପାଇଁ ଡାକିଥିଲା ପୁରୀ ପୋଲିସ୍ । ଏହା ସହିତ ବୈଜୟନ୍ତଙ୍କ ୨ଜଣ ସହଯାତ୍ରୀଙ୍କୁ ମଧ୍ୟ ନୋଟିସ କରିଛି ପୋଲିସ ।
Kanak News is now on WhatsApp
Join and get latest news updates delivered to you via WhatsApp
ସିଡିଏ ଅଭିଯୋଗ ଆଧାରରେ ପୋଲିସ ଡିଜିସିଏ ଠାରୁ ତଥ୍ୟ ମାଗିଥିଲା ଏବଂ ୧୫ତାରିଖ ସକାଳ ସାଢେ ୮ଟାରୁ ସାଢେ ଗୋଟାଏ ମଧ୍ୟରେ କେବଳ ବୈଜୟନ୍ତଙ୍କ ହେଲିକପ୍ଟରକୁ ଅନୁମତି ମିଳିଥିବା ଜଣାପଡିଥିଲା । ସେହି ଆଧାରରେ ଇମ୍ଫାର ହେଙ୍ଗର ବା ବିମାନ ପାର୍କିଂ ଏରିଆକୁ ସିଲ୍ କରାଯାଇଛି । ଚିଲିକାର କେତେ ଉଚ୍ଚରେ ହେଲିକପ୍ଟରଟି ଉଡୁଥିଲା ତାହା ବିମାନର ବ୍ଲାକ୍ ବକ୍ସରୁ ଜଣାପଡିବ । ତେଣୁ ଏନେଇ ଡିଜିସିଏ ଠାରୁ ତଥ୍ୟ ମଗାଯାଇଛି ।
(2/n)
*So now it flew “over” temples
*But wait, it was 3km away from temples & at prescribed altitude🙊
*Ok, some1 else later visited temple ruins & was rude
*But wait, he was satirical, & was in fact fact praising our ancient culture, & SC ruling on LGBTQ rights🙊
*So now…er🤔 https://t.co/klF89vptGL— Baijayant Jay Panda (@PandaJay) September 18, 2018
ସେପଟେ ଉଡାଣକୁ ନେଇ ବଢୁଥିବା ବିବାଦ ଭିତରେ ବୈଜୟନ୍ତ ପଣ୍ଡା ଟ୍ୱିଟ କରି ନିଜର ମତ ରଖିଛନ୍ତି । ପୂର୍ବତନ ସାଂସଦ ଟ୍ୱିଟ କରିଛନ୍ତି ପ୍ରଥମେ ସିପ୍ଲେନ ଉଡାଣର ଅଭିଯୋଗ ହେଲା । ପରେ ଏହା ହେଲିକପ୍ଟର ହୋଇଗଲା । ଗୋଟାଏ ୩୦ରେ ଉଡାଣର ଅଭିଯୋଗ ହୋଇଥିବା ବେଳେ ତାଙ୍କ ବିମାନ ଭୁବନେଶ୍ୱର ବିମାନ ବନ୍ଦରର ପାର୍କିଂରେ ଥିବା ନେଇ ସଫେଇ ରଖିଛନ୍ତି ବୈଜୟନ୍ତ । ଏମିତିକି ନିଜ ପକ୍ଷ ରଖିବାକୁ ଯାଇ ସେ କହିଛନ୍ତି ଯେ ହ୍ରଦ ନୋ ଫ୍ଲାଇଂ ଜୋନ ନୁହେଁ ।
Ah-ha!
>FIR by Odisha Govt Ofcr changed “seaplane” to “helicopter” landed in Chilika 1.30 pm
>But I flew (& ATC shows) 8.45am-10.28am & 12.50pm-1.26 pm landing at Bhubaneswar
>So NOW @odisha_police CHANGES alleged time to 9.30am in summons
>BUT i have photo proof at Puri then😁 pic.twitter.com/alaDCejvcx— Baijayant Jay Panda (@PandaJay) September 18, 2018
କେବଳ ଏତିକି ନୁହେଁ ଆଉ ଏକ ଟ୍ୱିଟ କରି ସେ କୋଣାର୍କ ଓ ଅଭିଜିତ ଆୟାରଙ୍କୁ ନେଇ ଉଠିଥିବା ବିବାଦ ଉପରେ ବି ମତ ରଖିଛନ୍ତି । ସେ ଟ୍ୱିଟ କରି କହିଛନ୍ତି ମନ୍ଦିର ଠାରୁ ୩ କିଲୋମିଟର ଦୂର ଉଡାଣ ଭରିଥିଲା ହେଲିକପ୍ଟର । ସେପଟେ ବିମାନ ଉଡିବା ଘଟଣାର ଡିଜିସିଏ ତଦନ୍ତ କରିବ ବୋଲି କହିଛନ୍ତି ଭୁବନେଶ୍ୱର ବିମାନ ବନ୍ଦର କତୃପକ୍ଷ । ଚିଲିକାରେ ବୈଜୟନ୍ତ ହେଲିକପ୍ଟର ଉଡିଥିଲା କି ନାହିଁ ବ୍ଲାକବକ୍ସ ତଦନ୍ତରୁ ଜଣାପଡିବ ।