ମୋଦି ସରକାରଙ୍କ ବଡ ନିଷ୍ପତି ! ଜନଗଣନା ପାଇଁ ଆରମ୍ଭ ହେଲା ପ୍ରସ୍ତୁତି, ପ୍ରଥମଥର ପାଇଁ ସରକାର ରଖିବେ OBC ବର୍ଗର ଲୋକଙ୍କ ତଥ୍ୟ
୨୦୨୧ ଜନଗଣନା ପାଇଁ ଏବେଠାରୁ ପ୍ରସ୍ତୁତି ଆରମ୍ଭ କରିଛନ୍ତି କେନ୍ଦ୍ର ସରକାର । ଜନଗଣନା ପ୍ରକିୟା ଆରମ୍ଭ ହେବା ପୂର୍ବରୁ ଗୃହମନ୍ତ୍ରୀ ରାଜନାଥ ସିଂହଙ୍କ ନେତୃତ୍ୱରେ ଏକ ସମୀକ୍ଷା ବୈଠକ କରାଯାଇ ଏହାର ବିଭିନ୍ନ ଦିଗ ଉପରେ ଆଲୋଚନା କରାଯାଇଛି । ତେବେ ୨୦୨୧ରେ ହେବାକୁ ଥିବା ଜନଗଣନାରେ ପ୍ରଥମ ଥର ପାଇଁ ଅନ୍ୟାନ୍ୟ ପଛୁଆ ବର୍ଗର ମୋଟ ଜନସଂଖ୍ୟା କେତେ ତାହାର ତଥ୍ୟ ସଂଗ୍ରହ କରିବେ ସରକାର ।
Kanak News is now on WhatsApp
Join and get latest news updates delivered to you via WhatsApp
ଦୀର୍ଘ ଦିନ ଧରି ଦେଶରେ ଅନ୍ୟାନ୍ୟ ପଛୁଆ ବର୍ଗର ଜନସଂଖ୍ୟା କେତେ ତାହାର ତଥ୍ୟ ଜାରି କରିବାକୁ ପଛୁଆ ବର୍ଗର ନେତା ମାନେ ଦାବି କରୁଥିଲେ । ଆଉ ଏଭଳି ସମୟରେ ମୋଦି ସରକାରଙ୍କ ଏଭଳି ନିଷ୍ପତି, ପଛୁଆବର୍ଗର ଜନସଂଖ୍ୟା କେତେ ତାହା ଉପରୁ ପରଦା ଉଠାଇବାରେ ସହାୟକ ହେବ । ଏନେଇ ଗୃହ ମନ୍ତ୍ରାଳୟ ପକ୍ଷରୁ ସୂଚନା ଦିଆଯାଇଛି ।
ଗୃହ ମନ୍ତ୍ରାଳୟର ଅଧିକାରୀଙ୍କ କହିବା ଅନୁଯାୟୀ, ୨୦୨୧ ଜନଗଣନା ପାଇଁ ରାଜନାଥ ସିଂହଙ୍କ ଅଧ୍ୟକ୍ଷତାରେ ରୋଡମ୍ୟାପ ପ୍ରସ୍ତୁତ କରାଯାଇଛି । ପୂର୍ବରୁ ଜନଗଣନା ପ୍ରକିୟା ପୂରା କରିବା ପାଇଁ ୭ରୁ ୮ ବର୍ଷ ସମୟ ଲାଗୁଥିଲା । କିନ୍ତୁ ୨୦୨୧ରେ ହେବାକୁ ଥିବା ଜନଗଣନାର ପ୍ରକିୟା ତିନି ବର୍ଷ ମଧ୍ୟରେ ପୂରା କରାଯିବ । ଆଉ ପ୍ରଥମ ଥର ପାଇଁ ଅନ୍ୟାନ୍ୟ ପଛୁଆବର୍ଗଙ୍କର ତଥ୍ୟ ମଧ୍ୟ ଏକାଠି କରାଯିବ । କେନ୍ଦ୍ର ସରକାର ପ୍ରଥମ ଥର ପାଇଁ ଜନଗଣନାରେ ସାଟେଲାଇଟ ବ୍ୟବହାର କରି ବିଭିନ୍ନ ତଥ୍ୟ ଏକାଠି କରିବାକୁ ଯୋଜନା କରୁଛନ୍ତି । ଜନଗଣନା ପାଇଁ ପ୍ରାୟ ୨୫ ଲକ୍ଷ ଲୋକଙ୍କୁ ପ୍ରଶିକ୍ଷିତ କରାଯାଉଛି ।