ଇମ୍ରାନଙ୍କୁ କାହିଁକି ହତ୍ୟା କରିବାକୁ ଚାହୁଁଥିଲା ଯୁବକ? ସାମ୍ନାକୁ ଆସିଲା ଆକ୍ରମଣକାରୀର ଚାଞ୍ଚଲ୍ୟକର ବୟାନ
କନକ ବ୍ୟୁରୋ: ପାକିସ୍ତାନର ପୂର୍ବତନ ପ୍ରଧାନମନ୍ତ୍ରୀ ଇମ୍ରାନ ଖାନଙ୍କ ଉପରେ ଆକ୍ରମଣ କାହିଁକି ହେଲା । ଗିରଫ ପରେ ସାମ୍ନାକୁ ଆସିଛି ଆକ୍ରମଣକାରୀ ଯୁବକର ଚାଞ୍ଚଲ୍ୟକର ବୟାନ ।
Kanak News is now on WhatsApp
Join and get latest news updates delivered to you via WhatsApp
ଇମ୍ରାନ୍ ଖାନଙ୍କ ଉପରେ ଆକ୍ରମଣ କରିଥିବା ଫୈଜଲ ଭଟ୍ଟ ଗିରଫ ହେବା ପରେ ଆକ୍ରମଣ କରିବାର କାରଣ ବୟାନ କରିିଛି । ଜଣେ ସାଧାସିଧା ଯୁବକ ଭଳି ଦେଖାଯାଉଥିବା ଫୈଜଲ କହିଛି ଯେ, ‘ପିଟିଆଇର ଆଜାଦି ମାର୍ଚ୍ଚ ସମୟରେ ଲାଉଡ୍ ସ୍ପିକର ଓ ମାଇକ୍ ଲଗାଇ ପ୍ରଚାର କରୁଥିଲେ । ସେ ସମୟରେ ଗୁଜରାୱାଲା ର ଆଲ୍ଲାହୱାଲା ଚୌକରେ ଅଜାନ୍ ଚାଲୁଥିଲା । ହେଲେ ଇମ୍ରାନଙ୍କ ଆଜାଦି ମାର୍ଚ୍ଚ ଓ ଜୋରରେ ଗୀତ ବାଜୁଥିବାରୁ ଅଜାନରେ ବ୍ୟାଘାତ ସୃଷ୍ଟି ହେଉଥିଲା । ତେଣୁ ମୁଁ ରାଗିଗଲି’
‘ପୂର୍ବରୁ ମଧ୍ୟ ଇମ୍ରାନଙ୍କ ଉପରେ ମୋର ରାଗ ଥିଲା । କାରଣ ଇମ୍ରାନ ସବୁବେଳେ ଲୋକଙ୍କୁ ପଥଭ୍ରଷ୍ଟ କରିଆସୁଛନ୍ତି । ପୁଣି ୩ ତାରିଖରେ ଅଜାନରେ ବ୍ୟାଘାତ ସୃଷ୍ଟି ହେବାରୁ ମୁଁ ନିଜକୁ ସମ୍ଭାଳି ପାରିନଥିଲି । ତେଣୁ ଇମ୍ରାନଙ୍କୁ ହତ୍ୟା କରିବାକୁ ଘଟଣାସ୍ଥଳରେ ପହଞ୍ଚିଗଲି । ମୁଁ କେବଳ ଆଉ କେବଳ ଇମ୍ରାନଙ୍କୁ ହିଁ ମାରିବାକୁ ଚାହୁଥିଲି…’ ବୋଲି ବୟାନ ଦେଇଛି ଫୈଜଲ ଭଟ୍ଟ ।