ରନୱେରେ କାଦୁଅରେ ଫସିଲା ବିମାନ । ଯାତ୍ରୀଙ୍କ ମଧ୍ୟରେ ହଇଚଇ ।
କନକ ବ୍ୟୁରୋ: ଆସାମରୁ କୋଲକାତା ଅଭିମୁଖେ ବାହାରିଥିବା ଇଣ୍ଡିଗୋ ବିମାନ ରନୱେରେ କାଦୁଅରେ ଫଶିଗଲା । ଫଳରେ ଯାତ୍ରୀଙ୍କ ମଧ୍ୟରେ ହଇଚଇ ସୃଷ୍ଟି ହୋଇଥିଲା । ହେଲେ କୌଣସି କ୍ଷୟକ୍ଷତିର ସୂଚନା ମିଳିନାହିଁ ।
Kanak News is now on WhatsApp
Join and get latest news updates delivered to you via WhatsApp
ଇଣ୍ଡିଗୋ ବିମାନ ରନୱେରୁ ଖସି ଯାଇ କାଦୁଅରେ ଅଟକି ଯିବାର ଏକ ଘଟଣା ସାମ୍ନାକୁ ଆସିଛି। ବିମାନଟି ଗୁରୁବାର ଦିନ ଆସାମର ଜୋରହାଟରୁ କୋଲକାତା ଅଭିମୁଖେ ଯାଉଥିଲା। ରିପୋର୍ଟ ଅନୁଯାୟୀ, ବିମାନରେ ମୋଟ ୯୮ ଜଣ ଯାତ୍ରୀ ଥିଲେ। ଏହି ଘଟଣା ପରେ ବିମାନରେ ହଇଚଇ ସୃଷ୍ଟି ହୋଇଥିଲା। ଏହି ଘଟଣାରେ କିଛି କ୍ଷୟକ୍ଷତି ହୋଇନଥିବା ସୂଚନା ମିଳିଛି। ଏହି ଘଟଣା ପରେ ସମସ୍ତ ଯାତ୍ରୀଙ୍କୁ ବିମାନରୁ ସୁରକ୍ଷିତ ଭାବେ ସ୍ଥାନାନ୍ତର କରାଯାଇଥିଲା।
ଭାରତୀୟ ବିମାନବନ୍ଦର ପ୍ରାଧିକରଣର ଜଣେ ଅଧିକାରୀଙ୍କ କହିବା ନୁସାରେ, ଏହା ଏକ ଇଣ୍ଡିଗୋ ୬ଇ୭୫୭ ବିମାନ ଥିଲା । ତେବେ ଅଧିକାରୀ ଜଣକ ଏହାକୁ ଏକ ବୈଷୟିକ ସ୍ନାଗ୍ ବୋଲି ବର୍ଣ୍ଣନା କରି କହିଛନ୍ତି ଯେ ଅନେକ ଘଣ୍ଟା ଧରି ଫସି ରହିବା ପରେ ବିମାନଟି ବାତିଲ ହୋଇଥିଲା । ଏହି ଘଟଣାର ଏକ ଭିଡିଓ ମଧ୍ୟ ସାମ୍ନାକୁ ଆସିଛି। ଏହି ଭିଡିଓ ଉପରେ ପ୍ରତିକ୍ରିୟା ପ୍ରକାଶ କରି ଇଣ୍ଡିଗୋ କହିଛନ୍ତି ଯେ ସେମାନେ ଏହି ଘଟଣାର ଅନୁସନ୍ଧାନ କରୁଛନ୍ତି। ରିପୋର୍ଟ ଅନୁଯାୟୀ, ପ୍ରାରମ୍ଭିକ ଅନୁସନ୍ଧାନରୁ ବିମାନରେ କୌଣସି ବୈଷୟିକ ତ୍ରୁଟି ପ୍ରକାଶ କରାଯାଇ ନାହିଁ।