କନକ ବ୍ୟୁରୋ : ଭାଇରାଲ ହେଉଛି ବ୍ୟାସନଗର ପୌର ଅଧ୍ୟକ୍ଷାଙ୍କ ଫାଇଲ ଫୋପାଡିବା ଚିତ୍ର । ପୌର ଅଧିକାରୀଙ୍କ ଉପରକୁ ଫାଇଲ ଫିଙ୍ଗିବା ସହିତ ଅଶାଳୀନ ବ୍ୟବହାର କରୁଥିବାର ଭିଡିଓ ଏବେ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି । ବାୟୋମାଟ୍ରିକ ମେସିନ୍ ସଂଯୋଗ ଓ ଜିଓ ଟାୱାର ସ୍ଥାପନ ନେଇ ଏହି ଘଟଣା ଘଟିଥିବା କହିଛନ୍ତି ପୌର ଅଧିକାରୀ । ୮ନମ୍ବର ୱାର୍ଡରେ ଜିଓ ଟାୱାର ସ୍ଥାପନ ପାଇଁ ୱାର୍ଡବାସୀ ଅନୁରୋଧ କରିଥିଲେ ।
![](https://cdn-icons-png.flaticon.com/512/2504/2504957.png)
Kanak News is now on WhatsApp
Join and get latest news updates delivered to you via WhatsApp
ପୌରପରିଷଦ ପକ୍ଷରୁ ଏନେଇ ତଦନ୍ତ କରାଯାଇ ପୌରନିର୍ବାହୀ ଅଧିକାରୀଙ୍କ ଅନୁମତି ସହ କାଉନସିଲର ଅଶୋକ ଦାସ ମଧ୍ୟ ଏହି ଆବେଦନ ପତ୍ରରେ ଦସ୍ତଖତ କରିଥିଲେ । ହେଲେ ୱାର୍ଡର ଅନ୍ୟ କିଛି ଲୋକ କିନ୍ତୂ ଏହାକୁ ବିରୋଧ କରିବା ସହ ପୌରାଧ୍ୟକ୍ଷାଙ୍କୁ ଜଣାଇଥିଲେ । ଘଟଣା ନେଇ ଉଭୟ ପୌରଧ୍ୟକ୍ଷା ଓ ପୌରଅଧିକାରୀ ଆଲୋଚନା ସମୟରେ ଉତକ୍ଷିପ୍ତ ହୋଇଯାଇଥିଲେ ପୌରାଧ୍ୟକ୍ଷା ସଙ୍ଗୀତା ପିଙ୍ଗୁଆ । ଗାଳିଗୁଲଜ କରିବା ସହିତ ପୌରଅଧିକାରୀଙ୍କ ଉପରକୁ ଫାଇଲ ଫୋପାଡିଥିଲେ । ତାଙ୍କର ଏହି ଅଶାଳୀନ ବ୍ୟବହାର ସହ ଫାଇଲ ଫିଙ୍ଗିବା ଘଟଣା ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି । ହେଲେ ସେପଟେ ସମସ୍ତ ଘଟଣାକୁ ଖଣ୍ଡନ କରିଛନ୍ତି ପୌରାଧ୍ୟକ୍ଷା ସଙ୍ଗୀତା ପିଙ୍ଗୁଆ ।