ବିବାହ ପରେ ବିସିସିଆଇ ଜାରି କଲା ବିରାଟ ଅନୁଷ୍କାଙ୍କ ମୁମ୍ବାଇ ଫ୍ଲାଟର ଫଟୋ : ୩୪ କୋଟିରେ କିଣିଲେ ବିଳାସପୂର୍ଣ୍ଣ ଘର
କନକ ବ୍ୟୁରୋ : ଲଭ ବାର୍ଡରୁ ଏବେ ମ୍ୟାରେଡ୍ କପଲ ହୋଇଛନ୍ତି ମୋଷ୍ଟ ପପୁଲାର ସେଲିବ୍ରିଟି ବିରାଟ କୋହଲୀ ଓ ଅନୁଷ୍କା ଶର୍ମା । ସବୁ ଗସିପକୁ ପଛରେ ପକାଇ ସବୁଦିନ ପାଇଁ ଅନୁଷ୍କାଙ୍କ ହାତ ଧରିଛନ୍ତି ବିରାଟ 
। ଇଟାଲୀରେ ହୋଇଥିବା ଏମାନଙ୍କ ବିବାହକୁ ନେଇ ଗଣମାଧ୍ୟମରେ ଚର୍ଚ୍ଚା ଜାରି ଥିବାବେଳେ ଏବେ ବିରୁଷ୍କାଙ୍କ ବ୍ୟକ୍ତିଗତ ଜୀବନକୁ ନେଇ ଆସିଛି କିଛି ରୋଚକ କଥା । ମୁମ୍ବାଇରେ ବିରାଟ୍ କିଣିଥିବା ନୂଆ ଫ୍ଲାଟର କିଛି ଫଟୋ ପୋଷ୍ଟ କରିଛି ବିସିସିଆଇ । ଯାହାକୁ ନେଇ ପୁଣିଥରେ ଚର୍ଚ୍ଚା ବଢ଼ିଛି।
Kanak News is now on WhatsApp
Join and get latest news updates delivered to you via WhatsApp
ନିଜ ଜୀବନସାଥୀ ଅନୁଷ୍କାଙ୍କ କ୍ୟାରିୟର ପାଇଁ ବିରାଟ କିଣିଛନ୍ତି ଏହି ବିଳାସପୂର୍ଣ୍ଣ ଫ୍ଲାଟ୍ । ମୁମ୍ବାଇ ୱର୍ଲିରେ ରହିଛି ଏହି ଘର । ୧୯୭୩ ଓମକାରା ଆପାର୍ଟମେଂଟ୍ର ୩୫ ତମ ମହଲାରେ ଏହି ଫ୍ଲାଟ୍ ରହିଥିବା ବେଳେ ଏହାର ଆନୁମାନିକ ମୂଲ୍ୟ ରହିଛି ପ୍ରାୟ ୩୪କୋଟି ଟଙ୍କା । ଆପଣ ଦେଖିପାରୁଥିବେ ବାଲକୋନୀ ସାମ୍ନାରେ ରହିଛି କିଚେନ ସହ ଡାଇନିଂ ହଲ । ଇଏ ହେବ ବିରୁଷ୍କାଙ୍କ ହଲ ଆଉ ଏମିତି ଦେଖାଯିବ ସେଲିବ୍ରିଟି କପଲଙ୍କ ଷ୍ଟଡି ରୁମ୍ । ତେବେ ଘରର ବାଥରୁମ ଟୁ ଡ୍ରେସିଂ ରୁମ୍ ପ୍ରତି ଦିଆଯାଇଛି ବିଶେଷ ଧ୍ୟାନ । ସବୁଠୁ ଆର୍କଷଣୀୟ ରହିଛି ସମୁଦ୍ର ସାମ୍ନାରେ ଥିବା ବିରୁଷ୍କାଙ୍କ ବାଲକୋନୀ । ବିଲଡିଂର ୩୫ ତମ ମହଲାରୁ ପୂରା ମୁମ୍ବାଇ ସହରର ମନଲୋଭା ଦୃଶ୍ୟର ମଜା ନେଇପାରିବେ ବିରୁଷ୍କା । ୨୦୧୮ ଜାନୁଆରୀରେ ଏହି ବହୁଚର୍ଚ୍ଚିତ ଯୋଡ଼ି ଗୃହପ୍ରବେଶ କରିବାର ଜଣାପଡ଼ୁଛି । ଯାହା ପୁଣି ଚର୍ଚ୍ଚାରେ ରଖିଛି ବିରୁଷ୍କାଙ୍କୁ ।
ଇଟାଲୀର ବିବାହ କାର୍ଯ୍ୟକ୍ରମ ଶେଷ କରି ଉଭୟ ବିରାଟ ଓ ଅନୁଷ୍କାଙ୍କ ପରିବାର ଏବେ ମୁମ୍ବାଇ ଫେରିଛନ୍ତି । ତେବେ ଆସିନାହାନ୍ତି ନୂଆ ମ୍ୟାରେଡ କପଲ । ବିବାହ ପରର ଖାସ୍ ସମୟକୁ ଏକାଠି କାଟିବା ପରେ ଖୁବଶୀଘ୍ର ଫେରିବେ ବିରୁଷ୍କା ଓ ଫ୍ୟାନ ଦେଖି ପାରିବେ ଏହି ମିସେସ ଅନୁଷ୍କା ଶର୍ମା କୋହଲୀଙ୍କୁ । ତେବେ ଦୁହିଁଙ୍କ ହନିମୁନ୍ ପ୍ଲାନ୍ ଓ ନ୍ୟୁ ଇୟର୍ ସେଲିବ୍ରେସନ୍ ସମ୍ପର୍କରେ ଏବେ ଚର୍ଚ୍ଚା ଜାରି ରହିଛି ।