ପଶ୍ଚିମବଙ୍ଗରେ ପଞ୍ଚାୟତ ନିର୍ବାଚନ ଘୋଷଣା ପରେ ହିଂସା । କଂଗ୍ରେସ କର୍ମୀଙ୍କୁ ହତ୍ୟା ପରେ ମୁର୍ସିଦାବାଦରେ ବ୍ୟାପକ ହିଂସା, ଟିଏମସି ନେତା ଗିରଫ
କନକ ବ୍ୟୁରୋ: ପଶ୍ଚିମବଙ୍ଗରେ ପଞ୍ଚାୟତ ନିର୍ବାଚନର ତାରିଖ ଘୋଷଣା ପରେ ପରେ ଦେଖାଦେଇଛି ହିଂସା । ଜୁନ୍ ୯ ତାରିଖରେ ପ୍ରଥମ ନାମାଙ୍କନ ପତ୍ର ଦାଖଲ ଦିନ ହିଁ କିଛି ସ୍ଥାନରେ ହିଂସା ଦେଖାଦେଇଛି । ମୁର୍ସିଦାବାଦରେ ଟିଏସି, ସିପିଏମ୍ ଓ କଂଗ୍ରେସ କର୍ମକର୍ତ୍ତାଙ୍କ ମଧ୍ୟରେ ହିଂସା ଜାରି ରହିଛି । ଏଠାରେ ୪୫ ବର୍ଷିୟ କଂଗ୍ରେସ କର୍ମୀଙ୍କୁ ଗୁଳିକରି ହତ୍ୟା କରାଯାଇଛି ଯେଉଁଥିରେ ଟିଏମସିର ହାତ ଥିବା କୁହାଯାଉଥିବାବେଳେ କଂଗ୍ରେସ ଓ ତାର ସହଯୋଗୀ ସିପିଏମ କର୍ମୀ ମୁର୍ସିଦାବାଦରେ ଡୋମକଲରେ ଟିଏମସି କର୍ମକର୍ତ୍ତାଙ୍କୁ ଆକ୍ରମଣ କରିଥିଲେ ଯାହାକୁ ନେଇ ହିଂସାର ସୂତ୍ରପାତ ହୋଇଛି ।
Kanak News is now on WhatsApp
Join and get latest news updates delivered to you via WhatsApp
ଏହି ଘଟଣା ପରେ ଟିଏମସି ନେତାଙ୍କୁ ବନ୍ଧୁକ ସହ ଗିରଫ କରିଛି ପୁଲିସ । ଏହି ଘଟଣାରେ ରାଜ୍ୟ ନିର୍ବାଚନ କମିଶନ ମୁର୍ସିଦାବାଦ ଜିଲ୍ଲା ପ୍ରଶାସନଙ୍କୁ ବିସ୍ତୃତ ରିପୋର୍ଟ ମାଗିଛନ୍ତି । ଏହି ମାମଲାର ଯାଞ୍ଚ ଆରମ୍ଭ ହୋଇଥିବାବେଳେ ସ୍ଥାନୀୟ ଲୋକଙ୍କୁ ପଚରାଉଚୁରା କରାଯାଉଛି ବୋଲି ପୁଲିସ ପକ୍ଷରୁ କୁହାଯାଇଛି ।